پاکستان سپر لیگ ( پی ایس ایل ) کے 26 ویں میچ میں کراچی کنگز نے لاہور قلندرز کو3 وکٹوں سے ہرا دیا۔اس میچ میں لاہورقلندرزکو ساتویں شکست جبکہ کراچی کنگزنےچوتھی فتح سمیٹی۔
کراچی کنگز کی اننگز:۔
کراچی سٹیڈیم میں کھیلے گئے میچ میں لاہور قلندرز کے178رنز کا ہدف کراچی کنگز نے آخری گیند پر حاصل کیا،جیمز ونس42، ٹم سیفرٹ36عرفان خان نیازی نے35رنزبنائے،شان مسعود نے24رنزاور شعیب ملک نے 27رنز اسکورکئےطیب عباس نے2،شاہین آفریدی اورسکندررضا کی1-1وکٹ حاصل کی۔
لاہور قلندرز کی اننگز:۔
اس سے قبل لاہورقلندرز نے پہلے کھیل کر5وکٹ پر177 رنز اسکور کئے، فخرزمان نے 35گیندوں پر54رنز کی اننگزکھیلی۔
عبداللہ شفیق نے39گیندوں پر55رنز بنائے،ڈیوڈ ویزا24اور سکندر رضا22رنز بناکر ناٹ آؤٹ رہے، شاہین آفریدی ایک،مرزاطاہربیگ5اورشائی ہوپ9رنزبناکرآؤٹ ہوئے۔زاہد محمود نے2، موزاربانی اورانورعلی نے1-1 وکٹ لی۔
دریں اثنا کراچی کنگز نے لاہور قلندرز کیخلاف ٹاس جیت کرفیلڈنگ کا فیصلہ کیا تھا۔
ٹاس کے بعد گفتگو کرتے ہوئے کراچی کنگز کے کپتان شان مسعود نے کہا کہ تعمیر نو اچھی جا رہی ہے۔ آج ہم عرفات منہاس کا تعارف کرائیں گے۔ ہمارے لیے، ہم نے اسلام آباد اور کوئٹہ کے خلاف اچھی باؤلنگ کی، امید ہے آج ہم بیٹنگ میں قدم رکھیں گے۔
لاہور قلندرز کے کپتان شاہین آفریدی نے کہا کہ اگر ہم ٹاس جیتتے تو پہلے بیٹنگ کرتے، ہم پرامید ہیں کہ آج ہماری جیت ہوگی اور ہم جیتنا چاہتے ہیں۔ کھلاڑی مثبت ہیں، میں فٹ ہوں اور اب تک پچھلے دو تین ماہ سے اچھا محسوس کر رہا ہوں، پاکستان کے لیے آئندہ سیریز کا انتظار کر رہا ہوں۔
لاہور قلندرز کا سکواڈ:۔
لاہور قلندرزکے سکواڈ میں فخر زمان، طاہر بیگ، عبداللہ شفیق، شائی ہوپ (وکٹ)، سکندر رضا، احسن حفیظ بھٹی، ڈیوڈ ویز، شاہین آفریدی (کپتان)، جہانداد خان، زمان خان، طیب عباس شامل ہیں۔
کراچی کنگز کا سکواڈ:۔
کراچی کنگزکے سکواڈ میںجیمز ونس، ٹم سیفرٹ (وکٹ)، شان مسعود (کپتان)، شعیب ملک، کیرون پولارڈ، عرفان خان نیازی، انور علی، عرفات منہاس، حسن علی، زاہد محمود، بلیسنگ موزاربانی شامل ہیں۔
