فیڈرل بورڈ آف ریونیو ( ایف بی آر ) نے ملک میں تیار ہونے والی گاڑیوں پر سیلز ٹیکس 25 فیصد کر دیا۔
ایف بی آر کی طرف سے رواں مالی سال کا ٹیکس ہدف حاصل کرنے کے مشن کی کامیابی کے لئے ملک میں تیار ہونے والی گاڑیوں پر سیلز ٹیکس 18 سے بڑھا کر 25 فیصد کر دیا گیا ہے۔
فیڈرل بورڈ آف ریونیو نے 8 مارچ سے سیلز ٹیکس میں اضافے کا نوٹیفکیشن بھی جاری کر دیا ہے۔
نوٹیفکیشن کے مطابق ملک میں تیار 1400 سی سی یا زائد انجن والی گاڑیوں پر 25 فیصد سیلز ٹیکس لیا جائے گا جبکہ اضافی سیلز ٹیکس 40 لاکھ یا زائد قیمت والی گاڑیوں پر بھی عائد ہوگا۔
نوٹیفکیشن کے مطابق مقامی طور پر تیار ڈبل کیبن فور ویل پک اپ پر بھی اضافی سیلز ٹیکس عائد ہوگا۔
