بھارتی فلم انڈسٹری کی معروف اداکارہ اور ڈرامہ کوئین راکھی ساونت نے اپنی بائیو پک بنانے کا اعلان کر دیا۔
اداکارہ راکھی ساونت نے ایک پریس کانفرنس کے دوران اپنی بائیو پک بنانے کا اعلان کیا جبکہ اس موقع پر ان کا کہنا تھا کہ ہم نے بائیوپک میں مرکزی کردار کے لئے عالیہ بھٹ اور ودیا بالن کے ساتھ رابطہ کیا ہے۔
راکھی ساونت کا کہنا تھا کہ مجھے نہیں پتا کہ میری بائیو پک کے کتنے سیزن ہوں گے، اس میں کیا ہوگا، ڈائریکٹر کون لیں گے اور کس کا میوزک ہوگا۔
انہوں نے بتایا کہ ابھی ہم دو لوگوں کو پیشکش کی ہے جن میں عالیہ بھٹ اور ودیا بالن شامل ہیں۔
راکھی ساونت کی پریس کانفرنس سوشل میڈیا پر بھی وائرل ہے اور صارفین کی جانب سے اس اعلان پر ملےجلے ردعمل کا اظہار کیا گیا ہے۔
View this post on Instagram
ایک صارف نے مزاحیہ انداز میں کہا کہ عالیہ آپ کی لیگ سے باہر ہو گئی ہے، اس کا نام بھی مت لینا، ایک اور نے مشورہ دیا کہ کوئی، براہ کرم اسے ہسپتال لے جائے۔
راکھی ساونت آن لائن ٹرولنگ کا شکارہوتی رہتی ہیں اور اکثر اپنے بے ساختہ اور اشتعال انگیز بیانات کے لیے انہیں تبصروں اور میمز کا سامنا کرنا پڑتا ہے، تاہم، اداکارہ ورچوئل ردعمل سے متاثر نہیں رہیں اور اپنے منفرد برانڈ تفریح سے سامعین کو مسحور کرتی رہیں۔
