اسلام آباد ہائی کورٹ میں ڈپٹی کمشنراسلام عرفان نواز میمن اور دیگر کی اپیلیں سننے والا بینچ ٹوٹ گیا۔
ڈپٹی کمشنراسلام عرفان نواز میمن و دیگر کی اپیلیں سننے والا بینچ ٹوٹ گیا، اسلام آباد ہائی کورٹ کے جسٹس طارق محمود جہانگیری نے کیس کی سماعت سے معذرت کرلی۔
ڈپٹی کمشنر اسلام آباد عرفان نواز میمن اور سینئر سپرٹینڈنٹ پولیس آپریشنز کی توہین عدالت کیس میں سزا کے فیصلے کے خلاف دائر انٹرا کورٹ اپیل پر سماعت چیف جسٹس عامر فاروق اور جسٹس طارق محمور جہانگیری نے کی، دوران سماعت 2 رکنی بینچ میں سے ایک جج نے کیس کی سماعت سننے سے معذرت کرلی۔
بعد ازاں چیف جسٹس عامر فاروق نے ریمارکس دیے کہ ڈپٹی کمشنر اسلام آباد کیس میں اپیل کی سماعت کے لیے نیا بینچ تشکیل دیا جائے گا۔
واضح رہے کہ یاد رہے کہ 1 مارچ کو اسلام آباد ہائی کورٹ نے سابق وفاقی وزیر شہریار آفریدی اور شاندانہ گلزار کی غیر قانونی گرفتاریوں کے کیس میں توہین عدالت پر ڈپٹی کمشنر اسلام آباد عرفان نواز کو 6 ماہ، ایس ایس پی آپریشنز کو 4 ماہ اور ایس ایچ او کو 2 ماہ قید کی سزا سنادی تھی۔
