مردان میں انسداد پولیو ٹیم پر فائرنگ سے پولیس اہلکار زخمی ہوگیا۔
تفصیلات کے مطابق خیبرپختونخوا کے ضلع مردان کے علاقے پیرسدی میں پولیو ٹیم پر نامعلوم افراد کی فائرنگ کی ہے جس میں پولیس اہلکار زخمی ہوگیا ہے۔
فائرنگ کے بعد ملزمان فرار ہوگئے جبکہ زخمی پولیس اہلکار کو علاج کےلیے اسپتال منتقل کردیا گیا۔
واضح رہے کہ گزشتہ روز خیبرپختونخوا کے ضلع خیبر میں بھی تھانہ حدود باڑہ علاقہ قمبر خیل میں پولیو ٹیم پر دہشت گردوں نے فائرنگ کی، جس سے ایک پولیو ورکر اور ایک پولیس اہلکار زخمی ہوگیا۔
