نوجوان لڑکی کو مشتعل ہجوم سے بچانے والی خاتون پولیس افسر شہر بانو نقوی کی سوشل میڈیا پر بابراعظم کے ساتھ ویڈیو وائرل ہو گئی ۔
تفصیلات کے مطابق پشاور زلمی کے کپتان بابراعظم کے اکثر مقامات پر بچوں کے ساتھ ویڈیوز اور تصاویر سامنے آ تی رہتی ہیں جس سے ظاہر ہوتاہے کہ ان کا بچوں کے ساتھ خصوصی لگاو ہے ، اس ویڈیو میں بھی شہر بانونقوی جس وقت بابراعظم سے مل رہی ہیں اس وقت ایک چھوٹا بچہ ان کی گود میں ہے ۔ اس موقع پر بابراعظم آٹو گراف بھی دیتے ہیں تاہم ابھی یہ معلوم نہیں ہو سکا کہ یہ چھوٹا بچہ کون ہے ۔
یاد رہے کہ شہربانو نقوی نے اچھرہ میں لڑکی کو مشتعل ہجوم سے بچا کر ایک مثال قائم کی جس پر پاکستانی انہیں بے حد سراہ رہے ہیں جبکہ آرمی چیف نے بھی ان سے ملاقات کی اور بہادری پر شاباش دی ۔
