مس انڈیا تریپورہ 2017ء ’رنکی چکما‘28 برس کی عمر میں چھاتی کے کینسر کے باعث انتقال کر گئیں ۔
بھارتی میڈیا کے مطابق رنکی چکما پچھلے دو برس سے کینسر سے جنگ لڑ رہی تھیں اور رواں ماہ 22 فروری کو طبیعت زیادہ بگڑنے پر انہیں ہسپتال میں داخل کیا گیا تھا۔رنکی چکما کو وینٹی لیٹر پر رکھا گیا تھا جہاں طبیعت مزید بگڑنے پر ان کی موت واقع ہو گئی تاہم ان کی آخری رسومات کے حوالے سے خاندا ن نے کوئی تفصیلات جاری نہیں کی ہیں ۔
بھارتی میڈیا رپورٹس کے مطابق سابق مس انڈیا تریپورہ میں 2022ءکو چھاتی کے کینسر کی تشخیص ہوئی تھی۔رنکی چمکا کی سرجری بھی ہوئی تھی لیکن کینسر نے ان کے پھیپھڑوں اور سر کو متاثر کیا تھا جس کے نتیجے میں دماغ میں ٹیومر بن گیا تھا۔رنکی چکمانے یہ افسوس ناک خبر گزشتہ ماہ اپنے فالوورز کے ساتھ شیئر کرتے ہوئے دعاوں کی اپیل بھی کی تھی۔
