الیکشن کمیشن نے پنجاب اسمبلی کی مخصوص نشستوں کا نوٹیفکیشن جاری کر دیا جس کے مطابق ن لیگ کو 36 مخصوص نشستیں ملی ہیں۔
نوٹیفکیشن کے مطابق مسلم لیگ(ن)کوپنجاب اسمبلی میں خواتین کی 36مخصوص نشستیں ملی ہیں، پیپلزپارٹی کو پنجاب میں 3خواتین کی نشتیں دی گئیں جبکہ پاکستان مسلم لیگ کو 2،آئی پی پی کو ایک نشست ملی ہے ۔پنجاب اسمبلی میں مسلم لیگ(ن)کو5اقلیتی نشستیں ملی ہیں ۔پنجاب اسمبلی میں مخصوص نشستوں کی تعداد 74 ہے جس میں 66 خواتین اور8 اقلیتی نشستیں شامل ہیں ، پنجاب اسمبلی میں خواتین کی مخصوص نشستوں کی تعداد66 ہے جن میں سے 42 کی فہرست جاری کی گئی ۔پنجاب میں خواتین کی 24 نشستوں کا نوٹیفکیشن ابھی جاری نہیں کیاگیا،پنجاب میں5اقلیتی ارکان کا نوٹیفکیشن جاری ہوا،3 ارکان کا نوٹیفکیشن روک لیاگیا۔
