ممبئی ہائیکورٹ نے سشانت سنگھ راجپوت کیس میں اداکارہ ریا چکرورتی، ان کے بھائی شوک چکرورتی اور والد اندراجیت کے خلاف جاری کردہ ایل او سی کو منسوخ کردیا۔
بھارتی میڈیا رپورٹس کے مطابق ممبئی ہائیکورٹ نے بالی ووڈ کے آنجہانی اداکار سوشانت سنگھ راجپوت کی مبینہ خودکشی کے کیس میں میں ریا چکرورتی، انکے بھائی شوک چکرورتی اور ان کے والد اندراجیت کے خلاف جاری کیے گئے لک آؤٹ سرکلر ( ایل او سی ) کو منسوخ کردیا ہے۔
پی ٹی آئی کی ایک رپورٹ کے مطابق سنٹرل بیورو آف انویسٹی گیشن ( سی بی آئی ) کے حکم پر سٹے کی درخواست کو ایک دھچکا لگا کیونکہ ہائی کورٹ کی بنچ نے اس درخواست کو مسترد کر دیا ہے۔
یاد رہے کہ سوشانت سنگھ راجپوت جون 2020 میں اپنی رہائش گاہ پر مردہ پائے گئے تھے جس کے بعد ممبئی پولیس نے حادثاتی موت کی رپورٹ درج کرنے کے بعد تحقیقات شروع کی تھیں۔
تاہم، سوشانت راجپوت کے والد نے بہار میں ریا چکرورتی اور اس کے اہل خانہ کے خلاف خودکشی کے لیے اکسانے کا الزام لگایا تھا۔
ریا چکرورتی اور ان کے بھائی شوک چکرورتی دونوں کو نارکوٹکس کنٹرول بیورو نے 2020 میں سوشانت سنگھ راجپوت سے منسلک منشیات سے متعلق کیس میں گرفتار کیا تھا تاہم، بعد میں انہیں ضمانت مل گئی تھی۔
