بھارتی فلم انڈسٹری کی معروف اداکارہ رشمیکا مندانا اور ان کی ساتھی اداکارہ شردھا داس طیارہ حادثے سے بال بال بچ گئیں۔
میڈیا رپورٹس کے مطابق اداکارہ رشمیکا مندانا اپنی ساتھی اداکارہ شردھا داس کے ہمراہ ممبی سے حیدرآباد کے لئے روانہ ہو رہیں تھی کہ ان کا طیارہ اُڑان بھرنے کے بعد تکنیکی خرابی سے دو چار ہوگیا۔
تکینکی خرابی کے فوری بعد طیارے کو ہنگامی بنیادوں پر واپس ممبئی ایئر پورٹ پر لینڈ کروایا گیا۔
رشمیکا مندانا نے فوٹو اینڈ ویڈیو شیئرنگ پلیٹ فارم انسٹاگرام پر اپنی سٹوری میں مداحوں کو اس بارے آگاہ کیا اور اپنی خیریت کی اطلاع دی۔
اداکارہ نے ساتھی اداکارہ کے ساتھ تصاویر شیئر کرتے ہوئے لکھا کہ ’’ صرف آپ کو اطلاع دینی تھی کہ ہم آج موت سے بچ گئے ‘‘۔
