اسلام آباد یونائیٹڈ کے بیٹر سلمان علی آغا نے کپتان شاداب خان کو پاکستان کا سب سے بہترین آل راؤنڈر قرار دے دیا۔
پاکستان سپر لیگ کے افتتاحی میچ میں لاہور قلندرز کے خلاف کامیابی کے بعد پریس کانفرنس کرتے ہوئے یونائٹیڈ کے بیٹر سلمان علی آغا کا کا کہنا تھا کہ پہلا میچ ہمیشہ اہم ہوتا ہے اس لئے ہمارا ٹارگٹ تھا کہ میچ جتییں۔
سلمان علی آغا کا کہنا تھا کہ شاداب خان نے باؤلنگ اور بیٹنگ میں اہم کردار ادا کیا، وہ فرنٹ سے لیڈ کر رہے تھے، وہ پاکستان کے سب سے بہترین آل راؤنڈر ہیں۔
انہوں نے بتایا کہ شاداب خان کے ساتھ یہی پلان تھا کہ ہر اوور میں باؤنڈری چاہیے۔
ان کا کہنا تھا کہ اسلام آباد یونائیٹڈ کا کھیلنے کا برانڈ مجھے سوٹ کرتا ہے ، میں صورتحال کے مطابق اپنے سٹرائیک ریٹ کو دیکھتا ہوں۔
ان کا مزید کہنا تھا کہ ہمیں اندازہ تھا کہ یہ ٹارگٹ حاصل کیا جا سکتا ہے ، دیکھا جائے تو دس پندرہ رنز کم لاہور قلندرز نے کئے ،لاہور قلندرز کی باؤلنگ بہت اچھی ہے لیکن آج اچھا نہیں کر سکے۔
