مودی سرکار اپوزیشن جماعتوں کی مقبولیت سے بوکھلاہٹ کا شکار کا شکار ہوگئی۔
تفصیلات کے مطابق بھارتی حکومت نے انتخابات سے قبل مرکزی اپوزیشن جماعت کانگرس کے اکاؤنٹس منجمد کردیے۔ کانگریس پارٹی نے دعویٰ کیا کہ انکے چار بینک اکاؤنٹس کو منجمد کیا گیا۔
کانگریس لیڈر ملک ارجن کھارگے نے کہا کہ یہ ہندوستانی جمہوریت کے لیے افسوسناک دن کی علامت ہے، مودی کی حکومت قانون نافذ کرنے والے اداروں کو اپنے سیاسی دشمنوں کو نشانہ بنانے کے لیے استعمال کر رہی ہے۔
ملک ارجن کھارگے نے کہا کہ پارٹی کے خلاف کارروائی کا مقصد انتخابات سے پہلے اسے پس پشت ڈالنا ہے، قومی انتخابات کے اعلان سے قبل اہم اپوزیشن پارٹی کے اکاؤنٹس کو منجمد کرنا جمہوریت کو چیلنج کرنے کے مترادف ہے۔
انہوں نے کہا کہ مجھے لگتا ہے کہ مودی سرکار ایک پارٹی سسٹم کی طرف جانا چاہتی ہے، اس فیصلے کے خلاف ہم عدالت میں اپیل کر رہے ہیں اور عوامی احتجاج بھی کریں گے۔ اکاؤنٹس منجمد کرنے سے پارٹی کا معاشی نظام درہم برہم ہو گیا ہے۔
