پی ٹی آئی کے وفد نے قومی وطن پارٹی کے سربراہ آفتاب شیر پاو کو ملاقات میں عمران خان کا پیغام پہنچا دیا
پاکستان تحریک انصاف کے وفد نےقومی وطن پارٹی کے آفتاب شیر پاو سے ملاقات کی جس دوران پی ٹی آئی رہنماوں نے عمران خان کا پیغام پہنچایا اور کہا کہ عام انتخابات میں دھاندلی کے خلاف آپ ہمارا ساتھ دیں ۔ ملاقات میں آفتاب شیر پاو نے وفد کا خیر مقدم کیا اور الیکشن سے متعلق امور پر بات چیت کی ۔
تفصیلات کے مطابق آفتاب شیر پاو نے ملاقات کے دوران خیبر پختون خوا میں انتخابات پر تحفظات کا اظہا رکیا تاہم بعدازاں پریس کانفرنس سےخطاب کرتے ہوئے سکندر شیر پاو کا کہناتھا کہ پی ٹی آئی نے ایک اچھی پیشرفت کی ہے،8 فروری کے انتخابات پر ہمارے بھی تحفظات ہیں،ہم یہ سمجھتے ہیں کہ شفاف انتخابات نہیں ہوئے،ملک ایک مشکل صورتحال سے گزر رہا ہے، ہم سمجھتے ہیں سیاسی جماعتوں کو مل کر بیٹھنا چاہیے، مل بیٹھ کر ہی تمام تر مسائل کا حل بھی نکالنا چاہیے۔
