این اے 253 اور پی بی 9 کوہلو کے 7 پولنگ اسٹیشنز پر ری پولنگ جاری ہے۔ پولنگ شام 5 بجے تک بغیر کسی وقفے کے جاری رہے گی۔
تفصیلات کے مطابق الیکشن کمیشن کے احکامات پر قومی اسمبلی کے حلقہ این اے 253 اور بلوچستان اسمبلی کے حلقہ پی بی 9 کوہلو کے 7 پولنگ اسٹیشنز دوبارہ پولنگ جاری ہے،8 فروری کو7 اسٹیشنز پر پولنگ نہیں ہوسکی تھی۔
ڈی آراو کے مطابق مذکورہ 7 پولنگ اسٹیشنز میں مجموعی8263ووٹرز رجسٹرڈ ہیں، تمام پولنگ اسٹیشنزانتہائی حساس قرار دیئے گئے۔ لیویزاورایف سی کے800سے زائد افسران اور اہلکارتعینات ہیں۔
واضح رہے کہ این اے 253 میں مجموعی طور پر آزاد امیدوار میاں خان بگٹی کو ن لیگ کے میر دوستین ڈومکی سے 2040 ووٹ کی برتری جبکہ پی بی 09 کوہلو میں پی پی کے میر نصیب اللہ مری کو ن لیگ کے نواب جنگیز مری سے 3409 ووٹ کی برتری حاصل ہے۔
