ورلڈ میراتھون میں ریکارڈ بنانے والے کینیا کے مشہور ایتھلیٹ کیلون کپٹم اپنے کوچ سمیت ٹریفک حادثے میں ہلاک ہوگئے۔
غیر ملکی خبر ایجنسی کے مطابق کینیا کے معروف ایتھلیٹ 24 سالہ کیلون کپٹم سمیت اپنے کوچ 36 سالہ گرویس ہیکیزمانہ سمیت 2 افراد کے ساتھ اتوار کی رات کو گاڑی میں جارہے تھے جب یہ حادثہ پیش آیا۔
کیلون اور ان کے کوچ گرویس ٹریفک حادثے میں جان کی بازی ہار گئے جبکہ تیسرا شخص شدید زخمی ہے۔
رپورٹس کے مطابق کینیا کے مغربی علاقے میں حادثہ تیز رفتاری کے باعث پیش آیا، گاڑی بے قابو ہونے کے بعد درخت سے جا ٹکرائی۔
ورلڈ ایتھلیٹ فیڈریشن کے صدر سباسٹین کوئے نے کیلون کپٹم اور ان کے کوچ کی موت پر اظہار افسوس کرتے ہوئے کہا کہ ہم متاثرہ خاندانوں اور کینین قوم سے گہرے دکھ کا اظہار کرتے ہیں۔
واضح رہے کہ کیلون کپٹم نے ویلنشیا، لندن اور شکاگو میراتھون سمیت کئی عالمی ایونٹس میں کامیابی حاصل کی تھی۔
