سابق بھارتی کرکٹر گوتم گمبھیر نے قومی کرکٹ ٹیم کے کپتان بابر اعظم کو سب سے بہترین بلے باز قرار دے دیا۔
سابق بھارتی کرکٹر گوتم گمبھیر نے ویرات کوہلی،روہت شرما اور کین ولیم سن کے مقابلے میں بابر اعظم کو ترجیح دی، کہا بابر اعظم دنیا کا وہ واحد بیٹر ہے جس کے پاس بیٹنگ کے لئے بہت شاٹس موجود ہیں۔
گوتم گمبھیر نے کہا کہ بابر اعظم کے پاس بیٹنگ کے لئے بہت وقت موجود ہے، بابر اعظم کے پاس ہر وہ کوالٹی ہے کہ وہ اس ورلڈکپ میں رنز کے انبار لگا سکتے ہیں۔
ان کا مزید کہنا تھا کہ دنیا کے مختلف بیٹرز ویرات کوہلی، روہت شرما،کین ولیم سن اور ڈیوڈ وارنر موجود ہیں لیکن بابر اعظم میں الگ قسم کی کوالٹی ہے۔
خیال رہے کہ دو روز قبل انٹرنیشنل کرکٹ کونسل (آئی سی سی) نے ون ڈے کھلاڑیوں کی نئی رینکنگ جاری کر دی ہے۔ ایشیا کپ کے نتائج نے کئی کھلاڑیوں کو ترقی اور تنزلی کرائی ہے تاہم بیٹرز میں قومی کپتان بابر اعظم کی بادشاہت برقرار ہے اور وہ بدستور نمبر ون بیٹر ہیں۔
