اسلام آباد کے حلقہ این اے 48 کے ریٹرننگ افسر کے پاس تاحال کسی پولنگ سٹیشن کا رزلٹ نہ پہنچ سکا۔
جمعرات کے روز پاکستان بھر میں قومی اسمبلی کی 265 جنرل نشستوں جبکہ صوبائی اسمبلیوں کی 590 نشستوں پر پولنگ ہوئی۔
پنجاب اسمبلی کی 297 میں سے 296 اور سندھ کی 130 ، بلوچستان کی 51 اور خیبرپختونخوا سمبلی کی 130 میں سے 128 نشستوں پر عوام کی جانب سے اپنا حق رائے دہی استعمال کیا گیا۔
عام انتخابات کے لئے پولنگ کا وقت شام 5 بجے تک مقرر کیا گیا تھا جس کے بعد ووٹوں کی گنتی کا عمل جاری ہے اور مختلف حلقوں سے نتائج آنے کا سلسلہ شروع ہو چکا ہے۔
تاہم، پولنگ ختم ہوئے پانچ گھنٹے سے زائد وقت گزر چکا ہے اور اسلام آباد کے حلقے این اے 48 کے ریٹرننگ افسر کے پاس ابھی تک کسی پولنگ اسٹیشن کا رزلٹ نہیں پہنچا۔
واضح رہے کہ ملک بھر میں عام انتخابات 2024 کے لئے پولنگ کا وقت ختم ہونے کے بعد غیر حتمی اور غیر سرکاری نتائج آنے کا سلسلہ جاری ہے۔
