Live Updates: آیت اللہ خامنہ ای کے صاحبزادے مجتبیٰ خامنہ ای زندہ ہیں، ایرانی میڈیا کا دعویٰ

ایرانی پاسداران انقلاب کا بیان میں کہناتھا کہ آبنائے ہرمز سے گزرنے والے امریکا اور  اسرائیل  کے جہاز کسی بھی وقت نشانہ بن سکتے ہیں،آبنائے ہرمز سے تیل کے ایک قطرے کو بھی گزرنے کی اجازت نہیں دیں گے۔

دوسری جانب ایران نے میزائل حملوں کی 39 ویں لہر کا آغاز کر دیاہے ، میزائل حملوں کی تازہ لہر میں امریکی اہداف کو نشانہ بنایا گیا۔

ہلال احمر ایران

ہلال احمر ایران نے بیان جاری کرتے ہوئے کہا کہ جنگ میں اب تک 19 ہزار 734 سویلین عمارتوں کو نقصان پہنچا،  77 طبی مراکز اور 65 تعلیمی ادارے بمباری کا نشانہ بنے، ہلال احمر کے 16 دفاتربھی بمباری میں تباہ ہوئے۔

ایرانی میڈیا کا کہناہے کہ امریکا اور اسرائیل ایران کے شہر تبریز پر حملے میں 4 شہری شہید ہو گئے ہیں جبکہ 4 زخمی ہوئے جنہیں طبی امداد کیلئے ہسپتال منتقل کر دیا گیاہے ۔

قطری کابینہ

قطری کابینہ نے ایرانی حملوں کی مذمت  کرتے ہوئے کہا کہ ایران حملے عالمی قوانین کی کھلی خلاف ورزی ہیں،ایرانی حملوں کے خطرے پر سنگین تنائج مرتب ہوسکتے ہیں،برادر ممالک کی سرزمین پر ایرانی حملوں کی بھی مذمت کرتے ہیں،تمام اشتعال انگیز کارروائیاں فوری طور پر بند کی جائیں۔

لبنان

اسرائیل کی لبنان میں وحشیانہ کارروائیاں جاری  ہیں، اسرائیل نے  جنوبی لبنان پر ڈرون حملہ  کیا جس میں 2شہری شہید ہوگئے، صبح سے جاری حملوں میں شہید لبنانی شہریوں کی تعداد 21ہوگئی۔

اٹلی کی وزیراعظم جارجیا میلونی

اٹلی کی وزیرِ اعظم جارجیا میلونی کی ایران میں اسکول پر حملے کی مذمت کرتے ہوئے کہا کہ اسکول کی بچیوں کا قتل عام ناقابل قبول ہے،واقعے کی فوری اور شفاف تحقیقات کی جائیں۔

ڈچ ایئر لائن

ڈچ ایئرلائن نے دبئی کے لیے تمام پروازیں 28 مارچ تک منسوخ کر دیں، دبئی میں پھنسے مسافروں کیلئے فلائٹس دستیاب رہیں گی۔

امریکی سینٹ کام  کا بیان

امریکی سینٹ کام نے بیان جاری کرتے ہوئے کہا کہ ایران میں 5500 سے زیادہ اہداف کو نشانہ بناچکے،جنگ میں اب تک 60ایرانی بحری جہاز تباہ کئے،ایران کی سلیمانی کلاس کی آخری جنگی کشتی کو بھی تباہ کر دیا  گیا،امریکی جنگی طاقت میں اضافہ ہو رہا ہے، ایرانی جنگی طاقت کم ہو رہی ہے۔

دبئی ایئرپورٹ پر پروازیں معمول کے  مطابق چل رہی ہیں، ترجمان

دبئی انٹرنیشنل ایئرپورٹ کے قریب دو ڈرون گرنے کے نتیجے میں 4 افراد زخمی ہو گئے ہیں۔
بدھ کو دبئی میڈیا آفس کی جانب سے جاری ایک بیان کے مطابق ایئر ٹریفک معمول کے مطابق جاری ہے۔
بیان کے مطابق اس واقعے میں گھانا کے دو شہریوں، بنگلہ دیش اور انڈیا کا ایک شہری معمولی زخمی ہوا ہے۔

ایران نے آبنائے ہرمز پر بنگلا دیش کا تیل نہ روکنے کی یقین دہانی کرادی۔

دی بزنس اسٹینڈرڈ کےمطابق بنگلا دیشی ٹینکرز آبنائے ہرمز عبور کرنے سے پہلےایرانی حکام کو اطلاع دیں گے، 27 ہزار ٹن ڈیزل لےکرایک آئل ٹینکربنگلا دیش پہنچ گیا،بنگلا دیشی حکومت نےایران سےتیل کی سپلائی برقرار رکھنے کی درخواست کی تھی۔

امریکی اخبار وال اسٹریٹ جرنل کےمطابق آبنائے ہرمز سےایرانی تیل کی تجارت پہلے سے بڑھ گئی،آبنائے ہرمز پر ایران کا مکمل کنٹرول ہے،ایران سے تیل کی برآمد کا سلسلہ معمول کے مطابق جاری ہے،مشرق وسطیٰ کے دیگر ممالک تیل کی پیداوار بند کرنے پر مجبور ہیں۔

امریکی میڈیا کے مطابق ایران نے آبنائے ہرمز میں بارودی سرنگیں بچھانا شروع کردی، حالیہ دنوں میں صرف چند درجن بارودی سرنگیں بچھائیں گئیں۔

رپورٹ کے مطابق ایران کی 90 فیصد سرنگیں بچھانے والی کشتیاں محفوظ ہیں، ایران چاہے تو سیکڑوں مائنز بچھا سکتا ہے، امریکی سنٹرل کمانڈ نے 16 ایرانی کشتیاں تباہ کرنے کا دعویٰ کیا ہے۔

امریکی میڈیا کے مطابق آبنائے ہرمز بند ہونے کے باوجود ایران چین کو تیل فراہم کررہا ہے، جنگ کے آغاز سے اب تک چین کوایک کروڑ 17 لاکھ بیرل تیل بھیجا گیا، ایرانی تیل کی تجارت خلیج عمان کے راستے سے بھی جاری ہے۔

دوسری جانب تیل کی قیمتوں میں کمی کیلئے تاریخ کا سب سے بڑا آئل ریزرو ریلیز کرنے کی تیاریاں جاری ہیں۔ وال اسٹریٹ جرنل کے مطابق عالمی توانائی ایجنسی نے ممبر ممالک کو تجاویز پیش کردیں، مقدار2022 میں یوکرین جنگ کے بعد ریلیز کے گئے آئل ریزرو سے زیادہ ہوگی۔

چین کے برعکس ایران جنگ سے یورپ کو اربوں ڈالرکے خسارے کا سامنا ہے، صدر یورپی کمیشن کے مطابق 11 دن میں توانائی اخراجات میں ساڑھے 3 ارب ڈالر کا اضافہ ہوا، تیل کی قیمت میں 27 فیصد اور گیس کی قیمت میں 50 فیصد اضافہ ہوا۔

عالمی منڈی میں خام تیل کی قیمتوں میں ایک بار پھر بڑا اضافہ دیکھا جارہا ہے۔

غیرملکی میڈیا رپورٹس کے مطابق امریکی خام تیل 1.94 فیصد اضافے کے ساتھ 85 ڈالرفی بیرل ہوگیاجبکہ برطانوی خام تیل کی قیمت میں 1.55 فیصد اضافہ ہوا،برطانوی خام تیل 89.16 ڈالر فی بیرل پر فروخت ہورہا ہے۔

دوسری جانب امریکی میڈیا رپورٹس کے مطابق آبنائے ہرمز بند ہونے کے باوجود ایران چین کو تیل فراہم کررہا ہے،جنگ کے آغاز سے اب تک چین کوایک کروڑ 17 لاکھ بیرل تیل بھیجاگیا، ایرانی تیل کی تجارت خلیج عمان کے راستے سے بھی جاری ہے،چینی آئل ٹینکرز کا ٹریکر آبنائے ہرمز کے قریب پہنچ کر بند ہوجاتا ہے۔

ایرانی صدر کے فرزند اور مشیر یوسف پزشکیان نئے سپریم لیڈر مجتبیٰ خامنہ ای کی زخمی ہونے کی تردید کردی۔

ایرانی صدر کے بیٹے اور حکومتی مشیر یوسف پزشکیان نے اپنے ایک پیغام میں کہا کہ انہیں مجتبیٰ خامنہ ای کے زخمی ہونے کی خبر سننے کو ملی تھی، جس کے بعد انہوں نے اس بارے میں معلومات حاصل کرنے کی کوشش کی۔ یوسف پزشکیان نے کہا کہ نئے سپریم لیڈر مجتبیٰ خامنہ ای زخمی نہیں ہوئے، بالکل محفوظ ہیں

واضح رہے کہ چند روز قبل مجتبیٰ خامنہ ای کے زخمی ہونے کی اطلاعات سامنے آئی تھیں جس کے بعد ان کی صحت کے حوالے سے مختلف قیاس آرائیاں گردش کر رہی تھیں۔

نیویارک ٹائمز کے مطابق ایران کے نئے سپریم لیڈر مجتبیٰ خامنہ ای جنگ کے آغاز میں زخمی ہوئے تھے، ایرانی ذرائع نے بتایا مجتبیٰ خامنہ ای کو ٹانگ پر زخم آیا تھا، مجتبیٰ خامنہ ای 28 فروری کے حملے میں زخمی ہوئے تھے، سپریم لیڈر بننے کے بعد ابھی تک مجتبیٰ خامنہ ای کا کوئی بیان سامنے نہیں آیا۔

امریکی نیوی نے آبنائے ہرمز عبور کرنے کیلئے شپنگ کمپنیوں کی سیکیورٹی کی درخواست مسترد کردی۔

خبر ایجنسی کے مطابق امریکی نیوی نے کہا آبنائے ہرمز میں بہت سنگین خطرات ہیں، موجودہ صورتحال میں امریکی نیوی جہازوں کو سیکیورٹی نہیں دے سکی، صدر ٹرمپ نے بحری جہازوں کو تحفظ فراہم کرنے کا وعدہ کیا تھا، شپنگ کمپنیاں روزانہ کی بنیاد پر امریکی نیوی کو درخواست کرتی ہیں،

قبل ازیں امریکی صدر ڈونلڈ ٹرمپ نے کہا ہے کہ آبنائے ہرمز میں بارودی سرنگیں بچھانے والی 10 کشتیوں اور جہازوں کو تباہ کردیا ہے۔ اپنے بیان میں ڈونلڈ ٹرمپ نے کہا کہ ایران نے آبنائے ہرمز میں بارودی سرنگیں بچھانے کی کوشش کی تو مزید کارروائیاں کریں گے۔

چینی دفتر خارجہ نے ایران کی طرف سے خلیجی ممالک پر حملوں پر ردعمل دیتے ہوئے کہا ہے کہ چین  اس سے اتفاق نہیں کرتا۔

چینی دفتر خرجہ کےترجمان نے پریس بریفنگ میں بتایا کہ چین خلیجی ممالک پرحملوں سے اتفاق نہیں کرتا، شہریوں اور غیر فوجی اہداف پر ہونے والے اندھا دھند حملوں کی مذمت کرتے ہیں،

دفترخارجہ نےکہاجلد از جلد مکالمہ اور مذاکرات ہی مسئلے کا واحد حل ہے،چین امن کے قیام کے لیے اپنی کوششیں جاری رکھے گا،امن بحال کرنے کیلئے چین تمام فریقوں کے ساتھ رابطے مضبوط کرے گا۔

امریکی اور اسرائیلی جارحیت کے خلاف ایران کی جوابی کارروائیاں جاری ہیں تل ابیب اور اسرائیل کے زیر قبضہ علاقوں پر درجنوں میزائل داغ دیے۔

اسرائیلی میڈیا کے مطابق گزشتہ رات ایران نے تین بڑے حملے کیے۔ متعدد میزائل ہدف پر لگ گئے۔ تل ابیب میں کئی عمارتیں تباہ ہوگئیں۔ ایرانی پاسداران انقلاب نے کویت میں امریکی بیس پر دو میزائل فائر کے۔

 آبنائے ہرمز میں ایک کارگو کنٹینر شپ پرحملہ کیا گیا جس سے بحری جہاز میں آگ بھڑک اٹھی۔ میری ٹائم ایجنسی کے مطابق بحری جہاز کے عملے کو ریسکیو کیا جارہا ہے۔

 بحرین میں ایک عمارت سے ڈرون ٹکرا گیا۔ ایک خاتون جاں بحق 8 زخمی ہوگئے۔ قطری وزارت دفاع کے مطابق ایرانی سے داغے گئے میزائل فضا میں تباہ کیے گئے جس سے دوحہ میں زور دار دھماکے سنائی دیے۔ متحدہ عرب امارات اور سعودی عرب نے بھی ایران سے داغے گئے میزائل اور ڈرونز تباہ کیے۔

امریکا نے اسرائیل سے ایرانی تیل کے ذخائر پر حملے نہ کرنے کا مطالبہ کردیا۔

امریکی میڈیا رپورٹس کےمطابق اسرائیل کے آرمی چیف کو باقاعدہ طور پرآگاہ کردیاگیاہے،امریکا جنگ کے بعد ایرانی تیل سے فائدہ اٹھانا چاہتا ہے،امریکاکوخلیجی ممالک میں ایران کےجوابی حملوں کا بھی خوف ہے۔

دوسری جانب امریکی نیوی نے سیکیورٹی کیلئے شپنگ کمپنیوں کی درخواست مسترد کردی،شپنگ کمپنیوں نے آبنائے ہرمزعبورکرنے کیلئے سیکیورٹی مانگی تھی،امریکی نیوی نےکہا آبنائے ہرمز میں بہت سنگین خطرات ہیں،موجودہ صورتحال میں امریکی نیوی جہازوں کو سیکیورٹی نہیں دے سکی۔

صدر ٹرمپ نےبحری جہازوں کو تحفظ فراہم کرنےکا وعدہ کیا تھا،شپنگ کمپنیاں روزانہ کی بنیاد پر امریکی نیوی کو درخواست کرتی ہیں۔

اقوام متحدہ میں ایرانی مندوب سعید ایروانی نے شہری آبادی پر حملے رکوانے کا مطالبہ کردیا۔

ایرانی مندوب سعید ایروانی نے کہا کہ آبادی پر حملے جنگی جرم ہے۔ امریکی اور اسرائیلی حملوں میں 1300 شہری شہید ہوئے، حملوں میں 9 ہزار 669 شہری مقامات تباہ ہو گئے، امریکی حملوں میں 7,943 رہائشی عمارتوں کو نقصان ہوا۔

واضح رہے کہ ایران اور لبنان کے خلاف اسرائیل کے سفاکانہ حملے جاری ہیں۔ تہران کے مہرآباد ایئرپورٹ پر اسرائیلی فوج نے میزائل داغ دیے۔ حملے کے بعد ایئرپورٹ کے قریب شعلے بلند ہوتے رہے۔

بیروت میں رہائشی عمارت پر بمباری کی گئی۔ کثیر المنزلہ عمارت میں آگ بھڑک اٹھی۔ جنوبی لبنان میں ایک بار پھر وائٹ فاسفورس استعمال کیا گیا۔

 امریکا اور اسرائیل کی جانب سے جاری جنگ کے دوران گزشتہ روز شدید فضائی حملے کیے گئے جنہیں حالیہ دنوں کی سب سے بڑی بمباری قرار دیا جا رہا ہے۔

رات بھر جنگی طیاروں نے نچلی پرواز کرتے ہوئے مختلف علاقوں پر درجنوں بھاری بم گرائے جس سے شہر کے کئی حصے لرز اٹھے اور شہریوں میں شدید خوف پھیل گیا۔

امریکی صدر ڈونلڈ ٹرمپ نے کہا ہے کہ آبنائے ہرمز میں بارودی سرنگیں بچھانے والی 10 کشتیوں اور جہازوں کو تباہ کردیا ہے۔

اپنے بیان میں ڈونلڈ ٹرمپ نے کہا کہ ایران نے آبنائے ہرمز میں بارودی سرنگیں بچھانے کی کوشش کی تو مزید کارروائیاں کریں گے۔

دوسری جانب سینٹ کام نے دعویٰ کیا ہے کہ امریکی افواج نے آبنائے ہرمز کے قریب بارودی سرنگیں بچھانے والی 16 ایرانی کشتیاں تباہ کر دیں۔

قبل ازیں اپنے بیان میں ڈونلڈ ٹرمپ نے کہا تھا کہ امریکی صدر نے کہا کہ اگر آبنائے ہرمز میں بارودی سرنگیں بچھائی گئی ہیں تو فوراً ہٹا دی جائیں۔ سرنگیں نہ ہٹائی گئیں تو ایران کو ایسے نتائج بھگتنا پڑیں گے جو پہلے کبھی نہیں دیکھے۔ ایران بچھائی گئی سرنگیں ہٹا دے تو یہ درست سمت میں بڑا قدم ہوگا۔

شمالی کوریا نے نئے ایرانی سپریم لیڈر مجتبیٰ خامنہ ای کے انتخاب کی حمایت کا اعلان کردیا۔

شمالی کوریا کی وزارت خارجہ کے ترجمان نے اپنے بیان میں کہا کہ پیانگ یانگ ایرانی عوام کے اپنے سپریم لیڈر کا انتخاب کے حق اور فیصلے کا احترام کرتا ہے۔

شمالی کوریا کی وزارت خارجہ کے ترجمان نے اپنے بیان میں کہا کہ شمالی کوریا کو امریکا اور اس کے اتحادیوں کی جانب سے ایران کے داخلی معاملات میں کھلے عام مداخلت پر شدید تشویش ہے۔

بیان میں مزید کہا گیا ہے کہ کسی بھی ملک کے سیاسی نظام اور علاقائی خودمختاری کی خلاف ورزی، اس کے داخلی معاملات میں مداخلت اور اس کے سماجی نظام کو گرانے کی کھلی کوششیں ناقابلِ قبول ہیں۔ اس طرح کے بیانات اور اقدامات کو مسترد کیا جانا چاہیے، انہیں کسی صورت برداشت نہیں کیا جاسکتا۔

امریکی سینیٹرز کو ایران جنگ کے حوالے سے کلاسیفائیڈ بریفنگ،ڈیموکریٹک سینیٹرز  نے بریفنگ کو غیر تسلی بخش قرار دیدیا۔

 سینیٹرچک شومر نے کہا صدر ڈونلڈ ٹرمپ ہماری افواج اور شہریوں کو خطرے  میں ڈال رہے ہیں، صدر ٹرمپ کی نا اہلی خطرناک اور تباہ کن ثابت ہورہی ہے،پیٹ ہیگسیتھ نے ایک ماہ میں 93 ارب ڈالرز خرچ کر دیے۔

سینیٹر چک شومر نےمزید کہا ٹرمپ کہتے ہیں اسکول کی بچیاں ایرانی ٹوماہاک میزائل سےماری گئیں،ایران کے پاس ٹوماہاک میزائل ہیں ہی نہیں،یہ دعویٰ احمقانہ ہے،انکےذہن میں جو بھی بات آتی ہے بغیر سوچے کہہ دیتے ہیں۔

 سینیٹر بلیو مینتھل نےکہا میں اس بریفنگ سے بہت مایوس اور غصے میں ہوں،مشرق وسطیٰ میں تعینات ہمارے بچوں کو شدید خطرات لاحق ہیں۔

صدر ٹرمپ نے ایران میں فوج اتارنے کے امکان کو مسترد نہیں کیا، جنگ میں 8 امریکی فوجی ہلاک 150 زخمی ہوچکے ہیں۔

امریکا نے ایران کے خلاف فوجی آپریشن میں جانی نقصان اٹھانے کا اعتراف کرلیا۔

ترجمان پینٹاگون نے ایران جنگ میں 140 امریکی فوجیوں کے زخمی ہونے کا اعتراف کرلیا، زخمیوں میں سے 8فوجی شدید زخمی ہیں۔ دوسری جانب خبررساں ادارے کے مطابق ایران کے ساتھ جنگ میں 150 امریکی فوجی زخمی ہوچکے۔

 واضح رہے کہ ایران کے خلاف جنگ میں سینٹ کام نے ایک اور امریکی فوجی کی ہلاکت کا اعتراف کرلیا ہے۔ ترجمان سینٹ کام کے مطابق نیشنل گارڈ کا سپاہی کویت میں 6 مارچ کو میڈیکل ایمرجنسی کے دوران ہلاک ہوا، ایران سے جنگ کے دوران ہلاک امریکی فوجیوں کی تعداد 8 ہوگئی۔

امریکی فوجیوں کی بڑھتی ہلاکتوں پر امریکی وزیرجنگ کا کہنا ہے کہ صدرٹرمپ درست تھے قربانیاں جنگ میں معمول ہیں، مستقبل میں مزید نقصان متوقع ہے۔

اقوام متحدہ نے آبنائے ہرمز کی بندش سے عالمی خوراک کی قیمتیں بڑھنے کا خدشہ ظاہر کردیا۔

اقوام متحدہ کی رپورٹ کےمطابق دنیا کی بڑی مقدار میں توانائی اسی اہم آبی گزرگاہ سےگزرتی ہے،عالمی خام تیل کا تقریباً 38 فیصد، ایل پی جی کا 29 فیصد،ایل این جی کا 19 فیصد شامل ہے،سمندر کے ذریعے منتقل ہونے والی کھاد کا ایک تہائی حصہ بھی اسی راستے سے گزرتا ہے،اس گزرگاہ میں رکاوٹ پیدا ہوئی تو توانائی، کھاد اور ٹرانسپورٹ کے اخراجات بڑھ جائیں گے۔

تجارتی و ترقیاتی ادارہ برائے یواین کےمطابق  اس کا سب سے زیادہ اثر کمزور اور غریب طبقات پر پڑے گا، صورتحال کا سب سےزیادہ اثر ایشیا پر پڑ سکتا ہے،آبنائے ہرمز سےگزرنے والی تقریباً 84 فیصد اشیا ایشیائی ممالک کو جاتی ہیں۔

ایرانی پاسداران انقلاب نے کہاہے کہ ہم نے 34 ویں لہر میں امریکی اور اسرائیلی فوجی اڈوں کو نشانہ بنایا ہے، ایسے میزائل استعمال کیئے گئے جو انتہائی طاقتور تھے۔

تفصیلات کے مطابق عرب میڈیا کا کہناہے کہ ایران نے ایک مرتبہ پھر اسرائیل پر میزائل اور ڈرونز سے حملہ کیاہے ۔ 

ایرانی صدر مسعود پزشکیان

ایرانی صدر مسعود پزشکیان نے  سوشل میڈیا پر بیان  جاری کرتے ہوئے کہاہے کہ ایران ایسی تہذیب کا وارث ہے جو کم از کم چھ ہزار سال پرانی ہے،تاریخ گواہ ہے کسی بھی طاقت کی ایران کو مٹانے کی کوشش کامیاب نہیں ہوئی،جو ایران کو ختم کرنے کا خواب دیکھتا ہے، وہ تاریخ نہیں جانتا،ایران کو تباہ کرنے والے آئے اور گئے لیکن  وہ قائم رہا۔

اماراتی وزارت دفاع

دوسری جانب اماراتی وزارت دفاع نے بیان جاری کرتے ہوئے کہا کہ منگل کو ایران کے 9میزائلوں میں سے  8کو تباہ کیا گیا جبکہ ایک سمندر میں جاگرا، ایران کے 35ڈرونز میں سے 26کو مار گرایا گیا ۔ باقی سمندر میں جاگرے۔

علی لاریجانی

ایرانی نیشنل سیکیورٹی کونسل کے سیکرٹری جنرل علی لاریجانی نے ایکس پر جاری پیغام میں کہا کہ آبنائے ہرمز امن یا جنگ کا راستہ بن سکتا ہے،آبنائے ہرمز یا خوشحالی کی گزرگاہ بنے گا،دشمنوں کیلئے تکلیف کا باعث بنے گی،کسی بھی جارحیت یا اشتعال انگیزی  کا ایران سختی سے جواب دے گا۔

ایرانی وزارت انٹیلی جنس

ایران کی وزارتِ انٹیلی جنس نے بیان  جاری کرتے ہوئے کہا کہ  حالیہ جنگ کے دوران 30 افراد کو گرفتار کیا،تمام افراد کو جاسوسی ،امریکی اور اسرائیلی ایجنسوں کی مدد پر گرفتار کیا،گرفتار ہونیوالوں میں سے ایک غیر ملکی شہری بھی ہے،غیرملکی شہری پرالزام ہے اس نے حساس معلومات دشمن تک پہنچائی۔

جرمن چانسلر

جرمن چانسلر فریڈرک مرز نے بیان جاری کرتے ہوئے کہا کہ امریکا اور اسرائیل کے پاس جنگ ختم کرنے کا کوئی موثر طریقہ نظر نہیں آرہا،امریکا اور اسرائیل  دس روز سے ایران کے خلاف جنگ لڑ رہے ہیں،جنگ کے ہر گزرتے دن کئی سوالات پیدا ہو رہے ہیں،فکر مند ہیں اس جنگ کو ختم کرنے کا کوئی منصوبہ ابھی تک سامنے نہیں آیا۔

سعودی کابینہ کا اپنی سلامتی اور خودمختاری کیلئے ضروری اقدامات اٹھانے کا اعلان

سعودی ولی عہد محمد بن سلمان کی زیرصدارت کابینہ کااجلاس  ہوا جس دوران  ایران کی جانب سے ہونے والے حملوں کی مذمت کی گئی ۔

تفصیلات کے مطابق سعودی کابینہ نے کہا کہ سعودی عرب کو حملوں کا جواب دینے مکمل حق حاصل ہے،اس قسم کے اقدامات علاقائی امن کو متاثر کرسکتے ہیں،خلیجی اور دوست ممالک پر حملے  بین الاقوامی قوانین کی خلاف ورزی ہیں۔

سعودی کابینہ نے اپنی سلامتی اور خودمختاری کیلئے ضروری اقدامات اٹھانے کا اعلان کیا جبکہ میزائل اور ڈرون حملے ناکام بنانے پر وزارت دفاع کی کارکردگی کو  سراہا۔

ڈونلڈ ٹرمپ

امریکی صدر ڈونلڈ ٹرمپ نے  فاکس نیوز سے گفتگو کرتے ہوئے کہا کہ ایران کے ساتھ بات چیت ہو سکتی ہے،ایران کے ساتھ شرائط پر بات چیت ہو گی،ہم سمجھتے ہیں تہران بات چیت کیلئے بے تاب ہے،ہمیں ایران کے نئے سپریم لیڈر پر اعتبار نہیں، ہمیں نہیں لگتا مجتبیٰ خامنہ ای سکون سے رہ سکیں گے۔

پاکستان نے  لبنان میں اسرائیلی فوجی کارروائیوں پر شدید ردعمل دیتے ہوئے  عالمی برادری سے فوری مداخلت کا مطالبہ کر دیا۔ ترجمان دفتر خارجہ نے کہا کہ لبنان سمیت پورےخطے میں دیرپا امن کیلئے تمام کوششوں کی حمایت جاری رکھیں گے۔

ترجمان دفتر خارجہ کے مطابق لبنان کے خلاف اسرائیلی کارروائیاں بین الاقوامی قانون کی کھلی خلاف ورزی ہیں۔ اسرائیلی حملوں میں سیکڑوں شہری ہلاک اور پانچ لاکھ بےگھر ہوچکے ہیں۔ یہ کارروائیاں لبنان میں امن واستحکام  کی کوششوں کونقصان پہنچارہی ہیں۔ اسرائیلی کارروائیاں خطے میں سیکیورٹی اور انسانی بحران مزید سنگین بنا سکتی ہیں۔

پاکستان نے مطالبہ کیا کہ اسرائیل فوری ، مکمل اورغیر مشروط طور پرلبنان سے اپنی افواج واپس بلائے۔ ترجمان دفتر خارجہ نے واضح کیا کہ پاکستان اسرائیلی جارحیت کے مقابلےمیں لبنانی عوام کے ساتھ کھڑا ہے۔ خطے میں دیرپا امن کیلئے تمام کوششوں کی حمایت جاری رکھیں گے۔

نائب وزیراعظم و وزیر خارجہ اسحاق ڈار نے چینی وزیر خارجہ وانگ ژی سے ٹیلیفونک رابطہ کیا جس دوران مشرق وسطیٰ میں کشیدگی کم کرنے پر زور دیا گیا ۔

ترجمان دفتر خارجہ کے مطابق رابطےمیں علاقائی اور عالمی صورتحال پر تبادلہ خیال کیا گیا،دونوں رہنماؤں نے خطے کی بدلتی ہوئی صورتحال اور عالمی پیشرفت پر گفتگو کی ، اسحاق ڈار نے خطے میں بڑھتی ہوئی کشیدگی پر فوری طور پر تناؤ کم کرنے کی ضرورت پر زور دیا۔

چینی وزیر خارجہ نے خطے میں کشیدگی کم کرنے کیلئے پاکستان کی تعمیری کوششوں کو سراہا ۔ پاک چین وزرائے خارجہ نے اتفاق کیا کہ مسائل کے حل کیلئے مکالمہ اور سفارتکاری کو فروغ دینا ضروری ہے۔

پاکستان اور چین کے درمیان ’’آل ویدر اسٹرٹیجک کوآپریٹو پارٹنر شپ‘‘ کی مضبوطی کا اعادہ کیا ۔ دونوں رہنماؤں نے دوطرفہ تعاون مزید گہرا کرنے کے عزم کا اظہار کیا اور قریبی رابطے برقرار رکھنے پر اتفاق کیا ۔

وزیراعظم شہبازشریف نے ایران کے نئے سپریم لیڈر مجتبیٰ خامنہ ای کےنام خط لکھ دیا ہے جس میں مجتبیٰ خامنہ ای کوسپریم لیڈر کی ذمہ داریاں سنبھالنے پر مبارکباد  دی اور ایرانی سپریم لیڈر آیت اللہ خامنہ ای کی شہادت پر تعزیت کا اظہار  کیا۔

تفصیلات کے مطابق  وزیراعظم شہبازشریف نے  ایرانی عوام سے تعزیت اور امت مسلمہ کیلئے دعاؤں کا اظہار  کیا ۔ ان کا کہناتھا کہ آیت اللہ خامنہ ای کی شہادت پر پاکستانی عوام کو شدید دکھ میں ہے، مشکل وقت میں ایران کی قیادت اور عوام کے ساتھ کھڑے ہیں۔

شہباز شریف نے کہا کہ امید ہے آپ کی قیادت میں ایران امن و اسحکام اور خوشحالی کی طرف جائےگا،پاک ایران تعلقات مشترکہ عقیدے، تاریخ، ثقافت اور زبان پر مبنی ہیں۔

وزیراعظم نے ایران کے ساتھ مل کر کام جاری رکھنے کے پاکستانی عزم ، دونوں برادر ممالک کے باہمی مفاد کیلئےتمام شعبوں میں تعاون مزید مستحکم کرنے کے عزم کا اعادہ کیا ۔

شہبازشریف نے مجتبیٰ خامنہ ای کی صحت،کامیابی اور ایرانی عوام کیلئے امن،استحکام اور خوشحالی کی دعا کی۔ 

امریکی وزیردفاع پیٹ ہیگستھ نے نیوز بریفنگ  کے دوران بتایا کہ ایران اسکولوں اور اسپتالوں سے میزائل داغ رہا ہے،ایران بوکھلاہٹ کا شکار ہے اور بدحواسی میں اقدامات کر رہا ہے،امریکا نے ایران کی بحری ،فضائی اور دفاعی نظام کو تباہ کردیا گیا۔

امریکی وزیردفاع  کا کہنا تھا کہ 24 گھنٹوں میں ایران کی طرف سے داغے گئے کم میزائل داغے گئے،آج ایران پر شدید حملوں کا امکان ہے،ایران کے میزائلوں اور  دفاعی صنعتی ڈھانچے کو بھی تباہ کیا، آپریشن ایپک فیوری کے مقاصد اب بھی وہی ہیں،صدر ٹرمپ کی صدر پیوٹن سے بات چیت بہت اچھی رہی،صدر ٹرمپ نے مشن ہرصورت میں مکمل کرنے کا عزم کیا ہے۔

امریکی وزیردفاع  کے مطابق صدرٹرمپ نے واضح طور پر کہا ہے ایران جوہری ہتھیار نہیں رکھا سکتا،ایران نے اپنے پڑوسی ممالک کو نشانہ بنا کر ایک بڑی غلطی کی، ایران کے نئے سپریم لیڈر جوہری ہتھیار حاصل کرنے کی کوشش نہ کریں،  مجتبیٰ خامنہ ای کے لیے دانشمندی ہوگی وہ ڈونلڈ ٹرمپ کے پیغام پر عمل کرے،ایران پڑوسی ممالک میں ہوٹلوں ،ہوائی اڈوں اور کاروباری مراکز پر حملے کررہا ہے۔

انہوں نے کہا کہ اگر ایران نے آبنائے ہرمز سے تیل کی آمدورفت روکی تو اسے سخت جواب دیں گے، مجتبیٰ خامنہ ای کے لیے دانشمندی ہوگی وہ ڈونلڈ ٹرمپ کے پیغام پر عمل کرے،ایران پڑوسی ممالک میں ہوٹلوں ،ہوائی اڈوں اور کاروباری مراکز پر حملے کررہا ہے،امریکا جوہری پروگرام کے حوالے سے بلیک میل نہیں ہوگا۔

جنرل ڈین کین کا کہناتھا کہ ایران میزائل صلاحیت کو بری تعداد نقصان پہنچایا،جنگ میں اب تک ایران کے 50سے زائد بحری جہاز تباہ کئے ،اتحادیوں کے ساتھ ملکرخطرات کو کم کرنے کی کوشش کررہے ہیں،امریکا ایرانی بارودی سرنگیں بچھانے والے بحری جہازوں کو نشانہ بنا رہا ہے،جنگ میں مرنیوالوں فوجیوں اہل خانہ سے ہمدردی کا اظہار کرتے ہیں،ایران لڑ رہا ہے لیکن وہ اتنا زیادہ طاقتور یا خطرناک نہیں،ایرانی فضائی دفاعی نظام اب ہمارے لیے چیلنج نہیں۔

قطری دفتر خارجہ کے ترجمان نے پریس بریفنگ کے دوران بتایا کہ قطر اور ایران کے درمیان رابطے منقطع نہیں ہوئے، قطر کے نزدیک تمام تنازعات کا حل مذاکرات کی میز پر ممکن ہے۔

ترجمان قطری دفتر خارجہ کے مطابق جب ایران خود قطر پر حملے کر رہا ہو تو ایسی صورت میں قطر ثالثی نہیں کر سکتا، اس تنازع سے نکلنے کیلیے تمام فریقوں کے ساتھ رابطے جاری ہیں،قطر کے شہری بنیادی ڈھانچے پرایران کےحملے جاری ہیں، اس طرح کے حملے انسانی المیے کا سبب بن سکتے ہیں، توانائی کی تنصیبات پر حملے ایک خطرناک مثال قائم کرتے ہیں۔

بلومبرگ نے دعویٰ کیاہے کہ امریکہ کی جانب سے بھارت کو روسی تیل کی سپلائی پر پابندی مزید نرم کیئے جانے کا امکان ہے ۔

بلومبرگ کے مطابق  ٹرمپ انتظامیہ نے اپنے یورپی اتحادیوں کو اس فیصلے سے آگاہ کر دیاہے ، گزشتہ روز ٹرمپ اور صدر پیوٹن نے ٹیلی فون پر بات چیت بھی کی تھی ، بھارت کو سمندر میں موجود روسی تیل خریدنے کی اجازت پہلے ہی دی گئی تھی ۔

دوسری جانب میری ٹائم ایجنسی نے ابو ظہبی کے قریب بحری جہاز کے پاس زور دار دھماکے کا دعویٰ کیاہے اور کہا کہ واقعہ ابوظبی سے 36 ناٹیکل میل دور پیش آیا، جہاز کے کپتان کے مطابق دھماکہ بحری جہاز کے باکل قریب ہوا۔ 

ایرانی حملوں میں زخمی اسرائیلی شہریوں کی تعداد 2 ہزار 339 ہوگئی۔

اسرائیلی حکام کے مطابق 24 گھنٹے میں 191 اسرائیلی زخمی ہوئے، جنگ کے آغاز سے اب تک 2 ہزار 339 افرادزخمی ہوئے، زخمیوں کی حالت تشویشناک ہے۔

دوسری جانب ایران نے اسرائیل کے شہر حیفا میں آئل ریفائنری اور آئل ڈپو پر حملہ کردیا، اسرائیلی تیل کی تنصیبات کو ڈرونز کی مدد سے نشانہ بنایا، پاسداران انقلاب کے مطابق یہ حملہ ایرانی تیل کے ذخائر پر حملوں کا جواب ہے۔

 مصری حکومت نے تیل کی قیمتوں میں 30 فیصد اضافے کا اعلان کردیا۔

مصری حکام کےمطابق تیل کی سپلائی لائن میں رکاوٹوں کے باعث قیمتیں بڑھائیں،قیمتوں میں اضافے کا اطلاق پیٹرول، ڈیزل اور گیس پر ہوگا۔

واضح رہے کہ تیل کی قیمتوں میں ایران امریکا اسرائیل جنگ کے باعث عالمی منڈی میں تیل کی بڑھتی قیمتوں کی وجہ سے کیا گیا۔

ایرانی پاسدارانِ انقلاب کی جانب ایک بیان میں کہا گیا ہے کہ آبنائے ہرمز سے گُزرنے کی اجازت صرف اُس ملک کو دی جائے گی کہ جو امریکہ اور اسرائیل کے سفیر کو مُلک بدر کرے گا۔

ایران کی سرکاری خبر رساں ادارے کی جانب سے ایکس پر جاری ایک بیان میں ایرانی پاسدارانِ انقلاب کی جانب سے جاری بیان کو شئیر کیا گیا ہے جس میں ’ایرانِ پاسدارانِ انقلاب نے کہا ہے کہ کوئی بھی عرب یا یورپی ملک جو اپنے ملک سے اسرائیل اور امریکہ کے سفیروں کو نکال دے گا، انھیں کل سے آبنائے ہرمز سے گزرنے کے لیے مکمل اختیار اور آزادی حاصل ہوگی۔

دوسری جانب امریکی صدر ڈونلڈ ٹرمپ نے ایران کو آبنائے ہرمز میں جہاز رانی میں خلل ڈالنے کے حوالے سے خبردار کرتے ہوئے کہا ہے کہ اگر ایران نے ایسا کوئی اقدام کیا جس سے آبنائے ہرمز میں تیل کی ترسیل رک جائے، تو اسے انتہائی شدید کارروائی کا سامنا کرنا پڑا گا۔

واضح رہے کہ دنیا کے تقریباً 20 فیصد تیل کی ترسیل اس آبنائے سے ہوتی ہے اور جنگ کی وجہ سے سمندری آمدورفت میں شدید کمی آئی ہے جس کے باعث عالمی سطح پر تیل کی قیمتیں بڑھ گئی ہیں۔

ایرانی پاسدارنِ انقلاب نے امریکی صدر ڈونلڈ ٹرمپ کے بیان پر ردِعمل دیتے ہوئے کہا ہے کہ جنگ کے خاتمے کا فیصلہ ہم کریں گے۔ پاسدارانِ انقلاب نے کہا کہ اگر امریکہ اور اسرائیل کے حملے جاری رہے تو تہران خطے سے ’ایک لیٹر تیل‘ بھی برآمد ہونے نہیں دے گا۔

ایرانی خواتین کی فٹبال ٹیم کی پانچ ارکان کو آسٹریلیا میں انسانی ہمدردی کی بنیاد پر ویزے دے دیے گئے ہیں، کیونکہ گزشتہ ہفتے جنوبی کوریا کے خلاف میچ سے قبل قومی ترانہ نہ گانے کے بعد ان کی حفاظت کے حوالے سے خدشات پیدا ہو گئے تھے۔

قومی ترانہ نہ گانے کے بعد ان ایران میں ان کھلاڑیوں پر شدید تنقید کی گئی تھی۔ آسٹریلیا کے امیگریشن منسٹر ٹونی برک نے کہا کہ ’ان خواتین کو آسٹریلوی پولیس کی جانب سے محفوظ مقام پر منتقل کر دیا گیا ہے۔ ان کے مطابق ٹیم کی دیگر کھلاڑیوں کو بھی بتایا گیا ہے کہ وہ ملک میں رہنا چاہیں تو انھیں بھی یہ سہولت فراہم کی جاسکتی ہے۔

انھوں نے مزید کہا کہ وہ یہ بات واضح کردینا چاتے ہیں کہ یہ سب سیاسی کارکن نہیں بلکہ صرف کھلاڑی ہیں جو اپنی حفاظت کے لیے ایسا کر رہی ہیں۔ ٹونی برک نے مزید بتایا کہ اس معاملے پر کئی دنوں سے بات چیت جاری تھی۔

ایرانی وزیر خارجہ عباس عراقچی کا کہنا ہے کہ امریکا کے ساتھ مذاکرات کا بہت تلخ تجربہ رہا۔ دوبارہ بات چیت ہمارے ایجنڈے میں شامل نہیں۔

امریکی ٹی وی کو انٹرویو میں ایرانی وزیر خارجہ عباس عراقچی نے کہا کہ امریکا نے خود مذاکرات میں اہم پیشرفت کا اعتراف کیا پھر حملہ کردیا۔ مذاکرات کے 3ادوار کے بعد خود امریکا نے کہا تھا اہم پیشرفت ہوئی ہے، امریکا اور اسرائیل کے حملوں نے پورے خطے کو غیر محفوظ بنا دیا۔

تیل کی پیداوار اور ترسیل میں رکاوٹ امریکا اور اسرائیل کی وجہ سے ہے۔ ہم پر جنگ مسلط کی گئی۔ ہم صرف اپنا دفاع کررہے ہیں۔ جنگ ہم پر مسلط کی گئی، ہم صرف اپنا دفاع کر رہے ہیں، ہمیں غیر قانونی جارحیت کا سامنا ہے، ہمیں اپنے دفاع کا حق ہے۔

امریکی صدر ڈونلڈ ٹرمپ کا کہنا ہے کہ ایران نے آبنائے ہرمز بند رکھا تو پہلے سے 20 گنا زیادہ سخت جواب دیں گے۔

ڈونلڈ ٹرمپ نے کہا کہ آبنائے ہرمز بند کی بندش کی صورت میں ہم ایسے اہداف کو نشانہ بنائیں گے کہ ایران دوبارہ اپنے پاؤں پرکھڑا نہیں ہوسکتا، ایران پر موت، آگ اور غضب کا راج ہوگا، دعا کرتا ہوں کہ ایسا نہ ہو۔

امریکی صدر نے کہا کہ یہ آبنائے ہرمز کا راستہ استعمال کرنے والے چین اور دیگر ملکوں کیلئے تحفہ ہے، امید ہے کہ اس اقدام کو قدر کی نگاہ سے دیکھا جائے گا۔

امریکی صدر ڈونلڈ ٹرمپ نے ایران کے خلاف انتہائی سخت اور جارحانہ مؤقف اختیار کرتے ہوئے کہا ہے کہ ایران میں جو بھی نئی قیادت سامنے آئی اسے مار دیا گیا اور آئندہ آنے والی قیادت کو بھی مار دیا جائے گا۔ دعویٰ کیا کہ امریکا اور اسرائیل مل کر ایران کی عسکری صلاحیت کو شدید نقصان پہنچا چکے ہیں۔

کئی روز کے اضافے کے بعد عالمی منڈی میں تیل کی قیمتوں میں نمایاں کمی دیکھی جارہی ہے۔

امریکی اور برطانوی خام تیل کی قیمتیں 4 فیصد سے زائد نیچے آگئیں،امریکی خام تیل ڈبلیو ٹی آئی 90.98 ڈالر فی بیرل پر فروخت ہورہا ہے،برطانوی خام تیل برینٹ کی قیمت 94.67 ڈاکر فی بیرل پر آگئی

واضح رہے کہ امریکی صدر ڈونلڈ ٹرمپ نے کہا ہے کہ ایران جنگ جلد ختم ہونے والی ہے۔ ایران کے خلاف جنگ تقریباً جیت چکے ہیں۔

ایرانی پاسداران انقلاب نے امریکی صدر ڈونلڈ ٹرمپ کا بیان مضحکہ خیز قرار دیدیا،کہاحملے جاری رہے تو خطے سے تیل برآمد نہیں ہونے دیں گے،جنگ کب ختم ہوگی یہ اب ہم طے کریں گے،خطے میں سب محفوظ ہونگے یا کوئی نہیں ہوگا۔

اس سے قبل امریکی صدر ڈونلڈ ٹرمپ نے اپنے بیان مین کہا تھا کہ میرے خیال میں ایران کی جنگ تقریباً ختم ہو چکی، ایران میں زمینی فوج بھیجنے کا ارادہ نہیں، سپریم لیڈر کے انتخاب پر مایوسی ہوئی،اس سے صورتحال وہی رہےگی۔

امریکا اور اسرائیلی طیاروں کی تہران پر شدید بمباری،مشرقی،جنوبی اور مغربی تہران کے مختلف علاقے دھماکوں سے گونج اٹھے،درجنوں افراد کے جاں بحق ہونے کی اطلاعات ہیں۔

عرب میڈیا کے مطابق جنگ کی سب سے بڑی کارروائی ہے،اصفہان،تہران اورتبریز پر بھی حملے کیے گئے، کاراج میں گورنرہاؤس بھی نشانہ بنایا گیا،حملوں کے بعد آگ بھڑک اٹھی،بجلی کا نظام متاثر ہے،عالمی ورثہ قرار دیے گیے تاریخی مقام کو بھی تباہ کیا گیا،ایران میں اب تک شہادتوں کی تعداد ساڑھے تیرہ سو سے زائد ہوگئی۔

اماراتی وزارت دفاع نے کہاہے کہ متحدہ عرب امارات میں ہیلی کاپٹر گرکر تباہ  ہو ہو گیاہے جس میں سوار 2 فوجی جاں بحق ہوئے ہیں، ہیلی کاپٹر تکنیکی خرابی کی وجہ سے گرا  جبکہ ملک پر فائر کیے جانے والے 15 میں سے 12 میزائلوں کو تباہ کر دیا گیا اور 3 میزائل سمندر میں جاگرے۔

متحدہ عرب امارات کا کہنا ہے کہ آج ملک پر 15 میزائل اور 18 ڈرون حملے ہوئے۔ وزارت دفاع کے مطابق 15 بیلسٹک میزائلوں میں سے 12 کو تباہ کر دیا گیا جبکہ تین سمندر میں جا گرے۔18 ڈرونز کا بھی سراغ لگایا گیا، جن میں سے 17 کو روک لیا گیا اور ایک متحد عرب امارات کی حدود میں گر کر تباہ ہوا۔

وزارت کے مطابق ایران کے حملوں کے آغاز سے اب تک مجموعی طور پر 253 بیلسٹک میزائل، آٹھ کروز میزائل اور 1,440 ڈرونز کا سراغ لگایا گیا ہے۔ ان میں سے دو میزائل اور 81 ڈرونز متحدہ عرب امارات میں گرے، باقی کو روک لیا گیا یا وہ سمندر میں جا گرے۔

ان حملوں کے نتیجے میں اب تک چار افراد ہلاک ہوئے ہیں جن کا تعلق پاکستان، نیپال اور بنگلہ دیش سے تھا، جبکہ 117 افراد معمولی زخمی ہوئے۔ زخمیوں کا تعلق مختلف ممالک سے ہے جن میں یو اے ای، مصر، سوڈان، ایتھوپیا، فلپائن، پاکستان، ایران، انڈیا، بنگلہ دیش، سری لنکا، آذربائیجان، یمن، یوگنڈا، اریٹیریا، لبنان، افغانستان، بحرین، کوموروس، ترکی، عراق، نیپال، نائیجیریا، عمان، اردن اور فلسطین شامل ہیں۔

اس سے قبل ابوظہبی حکام نے بتایا تھا کہ ایرانی حملوں کو روکنے کے دوران دو افراد زخمی ہوئے۔

وزارتِ دفاع نے کہا ہے کہ وہ ہر قسم کے خطرے سے نمٹنے کے لیے تیار ہے اور ریاست کے امن و استحکام کو نقصان پہنچانے والی کسی بھی کوشش کا سختی سے مقابلہ کرے گی۔

نیویارک ٹائمز نے دعویٰ کیاہے کہ ایران میں لڑکیوں کے سکول پر حملہ امریکی فوج کی جانب سے ہی کیا گیاہے ، یونیسف کا کہناہے کہ لبنان میں اسرائیلی حملوں میں روزانہ 10 بچے مارے جاتے ہیں اور اب تک 329 بچے مارے گئے ہیں۔

نیویارک ٹائمز کے مطابق سکول کے قریب ٹوما ہاک میزائل گرنے کی نئی ویڈیوز سامنے آ گئی ہیں، سکول پر حملے میں 175  افراد جاں بحق ہوئے تھے جن میں زیادہ تر وہاں زیر تعلیم بچیاں تھیں۔

یونیسف

لبنان میں ایک ہفتے کے دوران اسرائیلی حملوں میں 83 افراد جاں بحق جبکہ 254 بچے زخمی ہوئے ہیں، اوسطاً روزانہ 10 بچے اسرائیلی حملوں میں مارے جاتے ہیں، غزہ جنگ کے آغاز سے اب تک لبنان میں 329 بچے اسرائیلی حملوں میں مارے گئے ہیں۔

لبنان

لبنانی حکام کے مطابق جنوبی لبنان میں اسرائیلی بمباری سے 2 طبی اہلکار جاں بحق ہو گئے ہیں، اسرائیلی فوج نے جان بوجھ کر ایمبولینس ٹیم کو نشانہ بنایا، حملے میں طبی عملے کے 6 ارکان زخمی ہوئے۔ فرانس نے لبنان کی صورتحال پرسلامتی کونسل کا ہنگامی اجلاس بلانے کا مطالبہ کر دیاہے ۔

الجزیرہ کے مطابق لبنان میں پارلیمانی انتخابات 2 سال کیلئے معطل کر دیئے گئے ہیں، سپیکر لبنانی پارلیمنٹ کا کہناتھا کہ اسرائیل اور حزب اللہ کی جنگ کے باعث انتخابات ممکن نہیں۔ الجزیرہ کی رپورٹ کے مطابق بیروت پر بمباری کے دوران بھی پارلیمنٹ کا اجلاس جاری رہا۔

علی لاریجانی

ایران کے قومی سلامتی کے مشیر علی لاریجانی نے مجتبیٰ خامنہ ای کو  سرپیم لیڈر منتخب ہونے پر مبارکباد دی  اور کہا کہ آپ کے رہبر اعلیٰ منتخب ہونے سے دشمن کو مایوسی ہوئی ہے، آپ کا انتخاب ایران کے حق شناس عوام کو امید دلانے والا ثابت ہوا، اللہ تعالی اس انتخاب کو بابرکت بنائے، آپ کے والد، والدہ، اوراہلیہ کی شہادت پر تعزیت کا اظہار کرتا ہوں۔

سعودی آرامکو

رائٹرز کے مطابق سعودی آرامکو نے تیل کی پیداوار کم کرنے کا فیصلہ کر لیاہے، آرامکو 2 آئل فیلڈز میں تیل کی پیداوار کم کررہا ہے۔

انتھونی بلنکن

سابق امریکی وزیر خارجہ انتھونی بلنکن نے انٹرویو دیتے ہوئے کہا کہ 7 اکتوبر کے بعد اسرائیل لبنان میں حزب اللہ پر حملہ کرنا چاہتا تھا،صدر بائیڈن نے لبنان پر حملے  میں اسرائیل کا ساتھ دینے سے انکار کیا،ایک وقت تھا صرف 30 منٹ میں شمالی محاذ پر جنگ شروع ہو سکتی تھی،اسرائیلیوں کو حزب اللہ کے ممکنہ حملے کے بارے میں غلط معلومات ملی تھیں،ہم اس صورتحال کو ٹالنے میں کامیاب ہو گئے اور جنگ رک گئی۔

قطری وزیراعظم محمد بن عبد الرحمان الثانی کا کہنا ہے کہ ہمیں توقع نہیں تھی کہ ہمارا ہمسایہ ہم پر حملہ آور ہوگا ایران کے حملوں کا کوئی بھی جواز نہیں ڈھونڈا جاسکتا۔

برطانوی میڈیا کو انٹرویو میں قطری وزیراعظم محمد بن عبد الرحمان الثانی نے کہا کہ قطر کیلئے یہ نہایت مشکل مرحلہ ہے، ہماری کوشش ہے ہمارے شہری خطرہ محسوس نہ کریں، ایران کہتا ہے کہ وہ امریکی تنصیات پر حملے کرتا ہے مگر ہماری سویلین اور انرجی تنصیبات کو بھی نشنہ بنایا گیا۔

قطری وزیراعظم نے کہا کہ ایک سال کے دوران ہمیں دوسری بار شدید دھوکےکا احساس ہورہا ہے، ایسا لگتا ہے مشرق وسطیٰ پر حملوں کا منصوبہ پہلے ہی تیار تھا، ایک گھنٹے کے اندر خلیجی ممالک کو فوری نشانہ بنایا گیا۔

انہوں  نے کہا کہ ہم ایک پُر امن خطہ دیکھنا چاہتے تھے، اپنے پڑوسیوں کے خلاف کسی حملے یا جنگ میں حصہ نہیں لیں گے، ہم ایران اور امریکا کے درمیان سفارتی حل تلاش کرنے میں مدد کر رہے تھے، ایران کا خلیجی ممالک پر حملوں کا غلط اندازہ سب کچھ تباہ کرگیا۔

آئی ایم ایف کی سربراہ کرسٹالینا جارجیوا نےکہامشرقِ وسطیٰ میں نیاتنازع عالمی معیشت کی مضبوطی کا امتحان لے رہا ہے،جنگ کے بعد بھی عالمی معیشت کوسنگین چیلنجز کا سامنا ہوگا۔

آئی ایم ایف کی سربراہ کرسٹالینا جارجیوا نےجاپان میں تقریب سےخطاب میں کہاجنگ کے دوران تیل اور گیس کی اہم تنصیبات کو نقصان پہنچا،آبنائے ہرمز سے گزرنے والی جہاز رانی تقریباً 90 فیصد تک کم ہو گئی،60 فیصد تیل اور 11 فیصد ایل این جی درآمدات آبنائے ہرمز سے آتی ہیں۔

کرسٹالینا جارجیوا نے مزید کہا جنگ طویل ہوگئی تو پالیسی سازوں کے لیے نئے چیلنجز پیدا ہوں گے،تیل کی قیمتوں میں پہلے ہی 50 فیصد تک اضافہ ہو چکا ہے۔

بحرین کے آئل ریفائنریز ایرانی ڈرون حملوں کی زد میں ہیں، بیپکو نے فورس میجور کا اعلان کردیا۔

خبرایجنسی کے مطابق بیپکو آئل ریفائنری پر حملے کے بعد تیل کی پیداوار متاثر ہوگئی، المعامیر میں بھی بحرینی آئل ریفائنری پر ڈرون حملہ کیا گیا۔ بحرینی کمپنی تیل کے معاہدوں پر عملدرآمد سے قاصر ہے۔ بیپکو نے فورس میجور کا اعلان کردیا، جس سے کمپنی طے شدہ معاہدوں سے آزاد ہو گئی۔

دوسری جانب ایرانی تیل کے ذخائر پر حملے، امریکا اور اسرائیل میں اختلافات سامنے آگئے۔ امریکی میڈیا کے مطابق اسرائیل نے امریکی رضامندی کے بغیر ایرانی تیل کے ذخائر پر حملہ کیا، اسرائیل نے ہفتے کے روز ایران میں تیل کے 30 ذخائر پر حملے کیے۔

رپورٹ کے مطابق امریکا کا خیال ہے ایسے حملوں سے ایرانی قوم میں نفرت بڑھے گی، جوابی کارروائی میں ایران امریکی تیل کے ذخائر پر حملہ کرسکتا ہے۔

امریکی وزیرجنگ پیٹ ہیگستھ نے کہا صدرٹرمپ درست تھے قربانیاں جنگ میں معمول ہیں، مستقبل میں مزید نقصان متوقع ہے۔

امریکی فوجیوں کی بڑھتی ہلاکتوں پر امریکی وزیرجنگ پیٹ ہیگستھ  نے اپنے بیان میں صدرٹرمپ درست تھےقربانیاں جنگ میں معمول ہیں،مستقبل میں مزید نقصان متوقع ہے،وقت آئےگاجب ایران کےپاس کوئی انتخاب نہیں بچے گا،ایران جلد ہتھیار ڈالنے پرمجبور ہو جائے گا۔

امریکی وزیر جنگ نے مزید کہا ابھی تک ایرانی فوجی اہداف پر بھاری بمباری شروع نہیں کی،موجودہ کارروائی صرف آغازہے،مزید سخت حملےکریں گے،امریکا کا مقصد ایران کےفوجی ڈھانچے کو مکمل تباہ کرناہے۔

مشرق وسطیٰ میں امریکی تنصیبات اور اسرائیل پر تازہ ایرانی حملوں میں متعدد افراد زخمی ہوگئے۔

عرب میڈیا کے مطابق مشرق وسطیٰ میں امریکی تنصیبات پر ایرانی حملے جاری ہیں، بحرین میں ڈرون حملے کے باعث متعدد زخمی ہوگئے۔ کئی گھروں کو بھی نقصان پہنچا۔ یو اے ای کے فجیرہ پلانٹ میں بھی آگ بھڑک اٹھی، فجیرہ پلانٹ میں آگ پر قابو پالیاگیا کوئی جانی نقصان نہیں ہوا۔

خبرایجنسی کے مطابق عراق کے شہر اربیل میں امریکی فوجی اڈے پر ڈرون سے حملہ کیا گیا، بغداد انٹرنیشنل ایئرپورٹ کے قریب امریکی سفارتی علاقے پر راکٹ اور ڈرون حملے کیے گئے۔

ایران نے اسرائیل پر بھی میزائلوں کی بوچھاڑ کردی، تل ابیب پر میزائلوں کی برسات، سائرن بج اٹھے، آئرن ڈوم ایرانی میزائل روکنے میں ناکام ہوگیا،تین مقامات کو ہٹ کیا۔

امریکی صدر ڈونلڈ ٹرمپ نےکہا ایران جنگ ختم کرنے کا فیصلہ مشترکہ ہوگا،جنگ بندی کا وقت نیتن یاہو کےساتھ مل کر طے کرونگا۔

امریکی صدرڈونلڈ ٹرمپ نے امریکی ٹی وی سےگفتگو میں کہانیا ایرانی سپریم لیڈر ہماری منظوری کے بغیر زیادہ عرصہ نہیں چل سکے گا،نئے ایرانی سپریم لیڈر کی بقا ہماری منظوری سےمشروط ہوگی،امریکا نہیں چاہتا چند سال بعد ایران کو دوبارہ جوہری ہتھیار بنانے کا موقع ملے، ایران سے یورینیم ضبط کرنے کیلئے خصوصی فوج بھیجنے سمیت تمام آپشنز زیر غور ہیں،ایران پورے مشرقِ وسطیٰ پر کنٹرول حاصل کرنے کی منصوبہ بندی کر رہا تھا۔

امریکی صدر نےمزید کہا تیل کےجہاز ہمت سےکام لےکرآبنائےہرمز کراس کریں،ڈرنے کی کوئی ضرورت نہیں، ایران کے تمام جہازڈبودیے،ایران کےصرف بیس فیصد میزائل لانچ پلیٹ فارم باقی بچےہیں، ایران کے جوہری خطرے کےخاتمے کے بعد تیل کی قیمتیں تیزی سے گر جائیں گی،عالمی اور امریکی سلامتی کے لیے تیل کی قیمتوں میں عارضی اضافہ معمولی قیمت ہے،صرف احمق لوگ اس سے مختلف سوچیں گے۔

دوسری جانب ایران کے اسرائیل پر تازہ حملے،تل ابیب پر میزائلوں کی برسات،سائرن بج اٹھے،آئرن ڈوم ایرانی میزائل روکنےمیں ناکام،تین مقامات کو ہٹ کیا۔

ایران کے خلاف جنگ میں سینٹ کام نے ایک اور امریکی فوجی کی ہلاکت کا اعتراف کرلیا۔

ترجمان سینٹ کام کے مطابق نیشنل گارڈ کا سپاہی کویت میں 6 مارچ کو میڈیکل ایمرجنسی کے دوران ہلاک ہوا، ایران سے جنگ کے دوران ہلاک امریکی فوجیوں کی تعداد 8 ہوگئی۔

امریکی فوجیوں کی بڑھتی ہلاکتوں پر امریکی وزیرجنگ کا کہنا ہے کہ صدرٹرمپ درست تھے قربانیاں جنگ میں معمول ہیں، مستقبل میں مزید نقصان متوقع ہے۔

امریکی وزیرجنگ نے کہا کہ امریکا کا مقصد ایران کے فوجی ڈھانچے کو مکمل تباہ کرناہے، موجودہ کارروائی صرف آغازہے،مزید سخت حملے کریں گے، وقت آئے گا جب ایران کے پاس کوئی انتخاب نہیں بچے گا، ایران جلد ہتھیار ڈالنے پر مجبور ہو جائے گا۔

سعودی وزارت خارجہ نے سعودی عرب اور متحدہ عرب امارات سمیت دیگر خلیجی ممالک پر ایرانی حملوں کی مذمت کرتے ہوئے کہا کہ ایران ملکی خودمختاری کا احترام کرے ورنہ اس کے اثرات مسقتبل میں تعلقات پرپڑیں گے۔

سعودی وزارت خارجہ کی جانب سے جاری بیان میں کہا گیا ہے کہ ایران مسلسل سعودی عرب اور متحدہ عرب امارات سمیت دیگر ممالک پر حملے کرکے کھلی جارحیت کر رہا ہے. ایران عالمی قوانین کی خلاف ورزی کرتے ہوئے شہری علاقوں سمیت ہوائی اڈوں اور تیل کی تنصیبات پر حملے کرکے ممالک کی سلامتی اور استحکام کو خطرے میں ڈال رہا ہے۔

ایرانی صدر نےاپنی تقریرمیں ہمسایہ ممالک پر حملے روکنے کا وعدہ کیا جس پر وہ پیچھے ہٹتے ہوئے دوبارہ مختلف بہانوں سے مسلسل حملے جاری رکھے ہوئے ہے۔

سعودی وزارت خارجہ نے واضح کردیا کہ ایران کا غیرمنصفانہ رویہ آئندہ تعلقات پر اثر انداز ہوگا۔ سعودی عرب اپنے عوام کی سلامتی اور ملکی استحکام کے دفاع کا حق رکھتا ہے اور ایران کو جواب دینے کا حق بھی محفوظ رکھتا ہے۔

ایران اسرائیل امریکہ جنگ اور مشرقِ وسطیٰ میں بڑھتی کشیدگی کے باعث عالمی منڈی میں خام تیل کی قیمتیں بلند ترین سطح پر پہنچ گئیں۔

یہ اقدام اس وقت سامنے آیا جب دنیا میں تیل اور گیس کی ترسیل کے سب سے اہم راستوں میں سے ایک آبنائے ہرمز امریکی اور اسرائیلی جنگ کے باعث ایران کے ساتھ سے بند ہے۔

امریکی خام تیل کی قیمت میں 1988 کے بعد سب سے بڑا اضافہ ہوگیا۔ ڈبلیو ٹی آئی کی قیمت 30 فیصد اضافے کے ساتھ 118 ڈالر فی بیرل تک پہنچ گیا۔ برطانوی خام تیل 28 فیصد اضافے کے ساتھ 119 ڈالر فی بیرل پر پہنچنے کے بعد نیچے آئی۔ خام تیل اس وقت 110 ڈالر کے آس پاس ٹریڈ ہورہا ہے۔

تیل کی بڑھتی ہوئی قیمتوں کے باعث ایشین اسٹاک مارکیٹ میں شدید مندی کا رجحان ہے۔ جنوبی کورئین اسٹاک مارکیٹ 4 دن میں دوسری بار کریش کرگئی۔ 8 فیصد گراؤٹ کے بعد کاروبار روکنا پڑا۔ جاپانی اسٹاک مارکیٹ بھی شدید دباؤ کا شکار رہی۔ انڈیکس میں 6 فیصد سے زیادہ کمی آئی۔

ایران کے نئے رہبر اعلیٰ کے نام کا اعلان کر دیا گیا ہے جس کے مطابق مجتبیٰ خامنہ ای کو ایران کے نئے سپریم لیڈر کے طور پر منتخب کیا گیا ہے۔

ایران میں سرکاری خبر رساں ایجنسیوں نے مجتبیٰ خامنہ ای کو اسلامی جمہوریہ کے رہنما اور اپنے والد کے جانشین کے طور پر منتخب کرنے کا اعلان کیا۔

علی خامنہ ای کے قتل کے دن سے ہی ان کے انتخاب کے بارے میں قیاس آرائیاں عروج پر تھیں لیکن اس کا باضابطہ اعلان اب کیا گیا ہے۔ مجلس خبرگان نے ایرانی عوام سے رہبراعلیٰ سے وفاداری کے عہد کی اپیل کردی۔ پاسدارانِ انقلاب کا نئے سپریم لیڈر کے ساتھ وفاداری کا اعلان کردیا۔ 

یہ فیصلہ ایران کی اعلیٰ ترین مذہبی و سیاسی اتھارٹی کے انتخابی عمل کے بعد سامنے آیا ہے، جو ملک کی پالیسی اور آئندہ سمت کے تعین میں مرکزی حیثیت رکھتا ہے۔

علی خامنه ای کے بیٹے مجتبیٰ خامہ ای پُراسرار شخصیت کے حامل ہیں۔ وہ مشہد میں پیدا ہوئے اور اپنے والد کی طرح ایک عالم ہیں۔ مجتبیٰ خامنہ ای اپنے والد کے قدامت پسند حلقوں میں کافی طاقتور سمجھتے جاتے ہیں۔

پاکستانی سفارتخانے نے سعودی عرب میں مقیم پاکستانی شہریوں کے لیے اہم ہدایات جاری کر دی ہیں۔

سعودی عرب میں پاکستان کے سفیر احمد فاروق نے پاکستانی کمیونٹی کے نام اہم پیغام میں کہا کہ خلیجی ممالک کی موجودہ صورتحال پر کڑی نظر ہے۔ تمام پاکستانی موجودہ حالات میں مکمل طور پر پرسکون رہیں اور نظم و ضبط کا مظاہرہ کریں۔

سفیر احمد فاروق نے کہا کہ پاکستانی شہری مقامی قوانین کا احترام کیا جائے، کسی بھی قسم کی افواہوں پر یقین کرنے یا انہیں سوشل میڈیا کے ذریعے پھیلانے سے گریز کریں۔ پاکستانی سفیر نے کہا کہ معلومات کیلئے صرف سعودی حکومت کے مستند ذرائع پر انحصار کیا جائے۔

پاکستانی سفیر نے مزید کہا کہ پروازوں کی منسوخی یا تبدیلی کے باعث پیدا ہونے والی مشکلات کے پیش نظر سعودی عرب کے ایئرپورٹس پر سفارتخانے کی ٹیمیں تعینات ہیں ۔ سفارتخانے کے ہنگامی فون نمبرز، سفارتی عملہ اور ٹیمیں 24 گھنٹے پاکستانی شہریوں کی مدد کیلئے کام کر رہی ہیں۔ مدد یا رہنمائی کیلئے پاکستانی سفارتخانے کے نمبرز پر رابطہ کریں۔

امریکی صدر ڈونلڈ ٹرمپ کا کہنا ہے کہ نیا ایرانی سپریم لیڈر ہماری منظوری کے بغیر زیادہ عرصہ نہیں چل سکے گا، اس کی بقا ہماری منظوری سےمشروط ہو گی۔

 امریکی صدر ڈونلڈ ٹرمپ نے ایران کو دھمکی دے دی۔ کہا امریکا نہیں چاہتا کہ چند سال بعد ایران کو دوبارہ جوہری ہتھیار بنانے کا موقع ملے۔ تہران پورے مشرقِ وسطیٰ پر کنٹرول حاصل کرنے کی منصوبہ بندی کر رہا تھا، ایران کے پاس موجود یورینیم ضبط کرنے کیلئے تمام آپشنز زیر غور ہیں۔

خیال رہے کہ آیت اللہ  سید علی خامنہ ای کے جانشین پر اتفاق کر لیا گیا۔ باضابطہ اعلان مجلس خبرگان  رہبری کی جانب سے کیا جائے گا۔ معروف عالم دین آیت اللہ احمد علم الہدیٰ نے تصدیق کر دی۔ مجلس خبرگان کے رکن میر باقری کے مطابق ارکان کی اکثریت نے نئے رہبراعلیٰ کے حق میں ووٹ دیا۔

سعودی عرب میں رہائشی علاقے پر ڈرون حملے میں 2 افراد جاں بحق جبکہ متعدد زخمی ہوگئے۔

سعودی سول ڈیفنس کے مطابق خرج میں ہونیوالے حملے میں رہائشی علاقے پر ڈرون حملے میں دو افراد جاں بحق جبکہ 12افراد زخمی بھی ہوئے۔ مرنیوالے  بھارتی اور بنگلادیشی باشندے تھے۔

ایران نے یواے ای پر ایک بار پھر میزائل اور ڈرون سے حملہ کیا، اماراتی حکام کے مطابق فضائی دفاعی نظام  کے ذریعے میزائلوں اور ڈرون کو روک رہے ہیں، کویت میں ایک بار پھر دھماکے،سائرین بج اٹھے۔

دوسری جانب عرب لیگ سیکرٹری جنرل احمد ابوالغیط نے ایک بیان میں کہا کہ خلیجی ممالک میں ایرانی حملوں کی مذمت کرتے ہیں، خلیجی ممالک میں شہری اہداف کو نشانہ بنانا بڑی غلطی ہے۔

ایرانی وزیرخارجہ عباس عراقچی کا کہنا ہے کہ امریکی فوجی اڈے کسی پڑوسی کی  سرزمین پر ہوں نشانہ بنائیں گے، امریکی اہداف پر حملے خود دفاع کا قانونی اقدام ہیں۔

میڈیا سے گفتگو میں ایرانی وزیرخارجہ نے کہا کہ ہزاروں سال اپنی زمین کا دفاع کیا،آئندہ بھی کریں گے، ہماری فوج زمینی جنگ  کیلئے بھی مکمل تیار ہے۔ جنگ ہمارا انتخاب نہیں تھی، ہم پر مسلط کی گئی۔

عباس عراقچی نے کہا کہ نئے سپریم لیڈر کے انتخاب میں غیر ملکی مداخلت مسترد کرتے ہیں، سپریم لیڈر کی تقرری  مکمل طور پر ایران کا داخلی معاملہ ہے۔ روس کے ساتھ فوجی تعاون جاری رہے گا، روس کے ساتھ فوجی تعاون طویل مدتی اسٹریٹجک شراکت کا حصہ ہے۔

انہوں نے مزید کہا کہ ہم نے جان بوجھ کر میزائل رینج 2,000 کلومیٹر سے کم رکھی ہے، ہم نے  میزائلوں کی ینج بڑھانے کا کوئی منصوبہ شروع نہیں کیا، کوئی انٹیلی جنس شواہد نہیں ہم طویل فاصلے تک مارکرنیوالے میزائل بنارہے ہیں۔

ایران نے آپریشن وعدہ صادق کے تحت دشمن پر حملے مزید بڑھانے کا اعلان کردیا۔

ترجمان ایرانی پاسداران انقلاب کے مطابق اردن کے شہرعزرق میں امریکی ایئربیس پرحملہ کیا گیا، اسرائیل پر بھی میزائل اور ڈرون حملے کیے گئے، عرب میڈیا کے مطابق تل ایبب ،حیفا اوردیگرعلاقوں میں حملوں سے متعدد اسرائیلی زخمی ہوگئے۔

ایران نے یواے ای پر ایک بار پھر میزائل اور ڈرون سے حملہ کیا، اماراتی حکام کے مطابق فضائی دفاعی نظام  کے ذریعے میزائلوں اور ڈرون کو روک رہے ہیں، کویت میں ایک بار پھر دھماکے،سائرین بج اٹھے۔

دوسری جانب  عرب لیگ سیکرٹری جنرل احمد ابوالغیط نے ایک بیان میں کہا کہ خلیجی ممالک میں ایرانی حملوں کی مذمت کرتے ہیں، خلیجی ممالک میں شہری اہداف کو نشانہ بنانا بڑی غلطی ہے۔

لبنان میں حزب اللہ سے جھڑپ میں 2 اسرائیلی فوجی ہلاک ہوگئے۔

اسرائیلی حکام نے جنوبی لبنان میں حزب اللہ سے جھڑپ میں 2فوجیوں کی ہلاکت کی تصدیق کردی۔

ترجمان حزب اللہ کے مطابق حزب اللہ کی جانب سے اسرائیل پر راکٹ اور ڈرون حملے بھی کیے گئے، راکٹوں سے حیفا اور نہاریا کے علاقوں کو نشانہ بنایا گیا۔

دوسری جانب لبنانی وزارت صحت کے مطابق ایک ہفتے میں اسرائیلی حملوں میں 394شہری شہید ہوئے، شہید ہونیوالوں میں 83بچے بھی شامل ہیں، اسرائیلی حملوں میں 400کے قریب افراد زخمی ہوئے۔

ایرانی مجلس خبرگان نے نیا سپریم لیڈر منتخب کرلیا۔

الجزیرہ کےمطابق ایرانی مجلس خبرگان نے نیا سپریم لیڈر منتخب کرلیا ہے،باضابطہ اعلان مجلس خبرگان کے سیکریٹریٹ کی جانب سے کیا جائیگا،علم الہدی کے مطابق کسی بھی رکن کو آئین کے تحت اپنا فیصلہ تبدیل کرنے کا حق نہیں۔

دوسری جانب اسرائیلی فوج نے اپنے بیان میں کہا ہے کہ ایران کے ہر جانشین کو نشانہ بنائیں گے،جانشین کے انتخاب میں حصہ لینے والوں کا پیچھے کریں گے۔

بڑے پیمانے پر حملوں سے بھی ایران میں رجیم چینج ممکن نہیں،اٹھارہ امریکی انٹیلیجنس ایجنسیوں کی مشترکہ رپورٹ سامنے آگئی۔

امریکی میڈیا کےمطابق  خفیہ امریکی انٹیلی جنس رپورٹ میں خبردارکیاگیا ہےکہ بڑے پیمانے پرفوجی حملہ بھی ایران کی موجودہ حکومتی اور فوجی قیادت کو ختم کرنے میں کامیاب نہیں ہو سکتا۔

اخبار کےمطابق یہ رپورٹ نیشنل انٹیلیجنس کونسل کےسینئرتجزیہ کاروں نےمرتب کی ہےجو امریکا کی اٹھارہ انٹیلیجنس ایجنسیوں کی مشترکہ معلومات کی بنیاد پر خفیہ رپورٹیں تیار کرتے ہیں۔

رپورٹ میں بتایا گیاکہ اگرآیت اللہ خامنہ ای کوقتل کیاگیاتوایران کی مذہبی اورفوجی قیادت پہلے سے طے شدہ پروٹوکول کےمطابق ردعمل دےگی،ایران کی اپوزیشن کا ملک پرکنٹرول حاصل کرنےکا بھی کوئی امکان نہیں ہے۔

چین نے ایران پر حملے فوری روکنے کا مطالبہ کرتے ہوئے حملوں کی مخالفت کر دی۔

 چین کے وزیرخارجہ وانگ ای نےکہا ہے کہ یہ جنگ ہونی ہی نہیں چاہیے تھی، طاقت کا استعمال مسئلے کا حل نہیں،فریقین فوری طور پر مذاکرات کی میز پرآئیں۔

چین نے بڑی طاقتوں پر صورتحال میں تعمیری کردار ادا کرنے کیلئے زور دیا،چینی وزیرخارجہ نے کہا ایران اور خلیجی ممالک کی خود مختاری کا احترام ضروری ہے، اس جنگ کو مزید پھیلنے سے روکنا ہوگا ۔

سعودی عرب کی پہلی بار ایران کو جوابی ایکشن کی وارننگ،خبرایجنسی کے مطابق تہران کو بتادیا گیا حملے جاری رہے توجواب بھی دیا جائے گا ۔

برطانوی خبرایجنسی نےذرائع کےحوالے سےدعویٰ کیاکہ سعودی عرب نے ایران کو خبردار کیا ہےکہ حملے جاری رہےتو سعودیہ امریکی افواج کو ایران کےخلاف اڈے استعمال کرنےکی اجازت دےسکتا ہے،خلیجی ممالک نے ایران پر حملوں کے لیے امریکا کو فضائی حدود استعمال نہیں کرنے دی۔

امیرقطر نےبھی امریکی صدر سے رابطہ کیا،واضح کیاملکی سلامتی کےتحفظ کیلئےضروری قدم اٹھانے سے نہیں ہچکچائیں گے،اماراتی صدرمحمد بن زاید النہیان نےعوامی سطح پرپہلا سخت بیان دیتےہوئےکہامتحدہ عرب امارات آسان شکار نہیں،اپنےملک کیلئےفرض کی ادائیگی میں کوئی کوتاہی نہیں ہوگی۔

 ایران کاکہنا ہےکہ وہ خلیجی ممالک نہیں بلکہ امریکی مفادات کو نشانہ بنا رہا ہے،مطالبہ ہے کہ خطے میں امریکی فوجی اڈے بند کیے جائیں۔

امریکا اور اسرائیل نے ایران کی آئل تنصیبات کونشانہ بنا ڈالا،تہران میں دھماکوں کی گونج،آئل ریفائنری آگ کی لپیٹ میں آگئی،کوہاک،شاہران اورکاران میں آئل ڈپو نشانہ بنایا گیا،اصفہان میں آٹھ افراد شہید ہوگئے۔

ایرانی میڈیا کےمطابق تہران اورصوبہ البویز میں آئل ڈپو پرحملے میں 4 افراد شہید ہوئے،آئل ڈپو پرحملے میں شہید ہونیوالے چاروں افراد ٹرک ڈرائیورتھے،امریکی اور اسرائیلی حملوں کے رات بھر ایران پر حملوں میں 11 شہری شہید،شہادتیں اصفہان، نجف آباد، آران، بیدگل،برخار،فلاورجان میں ہوئیں۔

ایران نےجارحیت پر منہ توڑ جواب دیتے ہوئے حیفا ریفائنری کو نشانہ بنا ڈالا، مشرق وسطیٰ میں امریکی اہداف بھی تہران کےمسلسل نشانے پرہیں،متحدہ عرب امارات میں الظفرہ ایئربیس کوڈرون حملےسےنشانہ بنایا گیا،اُدھر کویت میں عریفجان بیس میں امریکی ہیڈ کوارٹرز نشانہ بنایا گیا۔

ایرانی پاسداران انقلاب کی جانب سے جاری بیان میں کہاگیاکہ اسرائیل اور امریکا کے ساتھ 6 ماہ تک شدید جنگ لڑسکتے ہیں،ایران نے اب تک پہلی اور دوسری قسیم کے میزائل استعمال کیے،جلد جدید اور طویل فاصلے تک مار کرنیوالے میزائل استعمال کریں گے

دوسری جانب امریکی صدرڈونلڈ ٹرمپ نے اسکول پربمباری کا الزام بھی تہران پر تھونپ دیاکہا امریکا ایران کیساتھ کسی سمجھوتے یا سیٹلمنٹ کی تلاش میں نہیں،انہیں ہتھیارڈالنا ہونگےیا سب ختم ہوجائیں گے، ایسا ایرانی صدرچاہتے ہیں جو دوبارہ ملک کو جنگ کی طرف نہ لے جائے۔

ایرانی صدر مسعود پزشکیان اپنے بیان میں کہا کسی کو اپنی سرزمین کے ایک انچ بھی قبضہ نہیں کرنے دیں گے۔

ایرانی صدرمسعود پزشکیان نے اسپتال میں مریضوں کی عیادت کےدوران میڈیا سےگفتگو میں کہا ایران دشمن کےخلاف مضبوطی سےکھڑا ہے،اسے پوری طاقت کے ساتھ جواب دے رہے ہیں،اگر کسی سرزمین سے ایران پر حملہ ہوا تو جواب دیں گے۔

مزیدکہا ایران اپنے برادر ہمسایہ ممالک کے ساتھ اچھے تعلقات چاہتا ہے،حملوں کا مقصد یہ نہیں ہمارے دوست ممالک کے ساتھ کوئی تنازع ہے،تمام مشکلات کے باوجود ہم سب متحد ہیں۔

امریکا نے ایرانی یورینم کو قبضے لینے کیلئے اسپیشل فورسز بھیجنے پر غور شروع کردیا۔

امریکی میڈیا رپورٹس کےمطابق ایران کےپاس 60 فیصدتک افزودہ 450 کلوگرام یورینیم موجود ہے، امریکا کوایران کی یورینیم حاصل کرنےکیلئےاس کی سرزمین پرجانا پڑےگا، ابھی یہ واضح نہیں یہ امریکی اور اسرائیلی یا مشترکہ مشن ہوگا،امکان ہےیہ کارروائی تب ہوگی جب ایران کی جانب سے خطرہ کم ہوگا۔

دوسری جانب ایران کی جانب سےکویت میں امریکی فوجی اڈے اور تنصیبات کو درستگی سے نشانہ بنانے کا دعویٰ سامنے آیا ہے،پاسداران انقلاب کے مطابق کویت کے عریفجان بیس میں امریکی ہیڈکوارٹر کا میزائلوں سے حملہ کیا،عریفجان بیس کویت میں امریکی افواج کی اہم فوجی تنصیب سمجھی جاتی ہے۔

اس سے قبل ایران کی جانب سے کویت پر حملے میں 2 کویتی فوجی جاں بحق ہوگئے،جاں بحق  اہلکاروں کے نام عبداللہ عماد اور میجر فہد عبدالعزیز شامل ہیں،امریکی حکام کے مطابق کویت میں امریکی فوج کے میجر کی ہلاکت طبعی تھی

اسرائیلی وزیراعظم نتین یاہو نےکہا ہے کہ تمام اہداف کےحصول تک پوری طاقت سےکارروائی کرتے رہیں گے، امریکا کے ساتھ مل کرایران کی فضائی حدود پر تقریباً مکمل کنٹرول حاصل کرلیا، ایرانی حکومت کے خاتمے کے لیے منظم منصوبہ موجود ہے

اسرائیل وزیراعظم نتین یاہو نےکہا ہےکہ اسرائیل اپنے بقا کے لئےمہم کے بیچ میں ہیں،ہم نے اپنے دشمنوں کے خلاف طاقت اورعزم کے ساتھ کارروائی کی،ہم نےمل کرمشرق وسطیٰ کا رخ بدل دیا ہے،اسرائیل کی دائمی بقا کو یقینی بنائیں گے،ایران کے حملوں کا نشانہ بننے والے تمام ممالک کے ساتھ کھڑے ہیں، ایرانی حملوں کا نشانہ بننے والے ممالک ہم سے رابطے میں ہیں۔

دوسری جانب امریکی صدر ڈونلڈ ٹرمپ نے اپنے بیان میں کہا جنگ کے بعد ایران کا نقشہ شاید ویسا نہیں نظر آئےگا جیسا ابھی ہے،امریکا ایران کے ساتھ کسی سمجھوتے یا سیٹلمنٹ کی تلاش میں نہیں، ہم ایران میں ایسا صدرچاہتے ہیں جو ملک کو جنگ کی طرف نہ لے جائے،نہیں چاہتا کہ کرد فورسز ایران میں داخل ہوں۔

امریکی صدر نےمزیدکہابرطانیہ اب مشرقِ وسطیٰ میں دو طیارہ بردار بحری جہاز بھیجنے پر غور کر رہا ہے،اتحادی ممالک اپنی عسکری موجودگی بڑھانے پرغورکررہے ہیں،اب امریکا کو ان کی ضرورت نہیں، تاہم یہ بات یاد رکھی جائے گی،جنگ جیتنے کے بعد شامل ہونے والے اتحادی قبول نہیں

امریکی اور اسرائیلی طیاروں کی ایران پر بمباری جاری ہے،تہران دھماکوں سے گونج اٹھا، حملے کے بعد تہران آئل ریفائنری میں آگ بھڑک اٹھی۔

مشرق وسطی میں کشیدگی کے باعث عالمی منڈی میں تیل کی قیمتوں میں اضافہ جاری ہے۔

امریکی کروڈ آئل 12فیصد اضافے کے بعد 90 اعشاریہ 89ڈالر فی بیرل پر پہنچ گیا،امریکی کروڈ آئل 90.90 ڈالرفی بیرل میں فروخت ہورہا ہے،ڈبلیو ٹی آئی کروڈآئل کی قیمت میں  12.21 فیصد اضافہ دیکھا گیا۔

برطانوی کروڈ آئل  92اعشاریہ 69ڈالر فی بیرل پر پہنچ گیا،برطانوی برینٹ آئل کی قیمتوں میں 8.52 فیصد اضافہ دیکھاگیا۔

کویت کے سوشل سکیورٹی دفتر پر ڈرون حملہ،2 سیکیورٹی اہلکار جاں بحق

کویتی حکام کے مطابق سوشل سیکیورٹی دفتر پر ڈرون حملہ،آگ بھڑک اٹھی، حملے سے ادارے کی مرکزی عمارت متاثر ہوئی،ایئرپورٹ کے فیول اسٹوریج ایریا پر بھی ڈرون حملہ ہوا ہے،جانی نقصان کی تفصیلات سامنے نہیں آئیں۔

کویتی حکام نے 3 بیلسٹک میزائل گرانے کادعویٰ کیا ہے،صورتحال کوکنٹرول میں لےلیا، سیکیورٹی سخت کر دی گئی۔

ایرانی صدر کے ترجمان نے مسعود پزشکیان کے بیان وضاحت کرتے ہوئے کہا کہ خطے کے ممالک امریکا سے تعاون نہ کریں تو ہم بھی حملہ نہیں کریں گے۔

ترجمان ایرانی صدر کا کہناتھا کہ خطے میں امریکی اڈوں سے جارحیت کا ایران بھرپور جواب دے گا، ایران کبھی جبر اور زبردستی کے آگے نہیں جھکے گا۔

قطر کے دارالحکومت دوحا میں دھماکے سنے گئے ہیں، قطری وزارت دفاع نے کہا کہ قطری فورسز میزائلوں کو انٹرسیپٹ کر رہی ہیں، یہ میزائل قطر کی ریاست پر داغے گئے ہیں۔

ایرانی وزیر خارجہ عباس عراقچی

ایرانی وزیر خارجہ عباس عراقچی  نے سوشل میڈیا پر پیغام جاری کرتے ہوئے کہا کہ امریکا نے جزیرہ قشم میں صاف پانی کے پلانٹ پر حملہ کرکے جرم کا ارتکاب کیا، امریکی حملے سے 30 گاؤں کو پینے کے پانی کی فراہمی متاثر ہوئی، ایران کے انفرااسٹرکچر پر حملوں کے سنگین نتائج ہونگے، یہ خلاف قانون روایت امریکا قائم کررہاہے ایران نہیں۔

لبنان

لبنان پر اسرائیلی فوج کے سفاکانہ حملے جاری جاری ہیں جس دوران جاں بحق افراد کی تعداد 294 ہوگئی۔

پاسداران انقلاب

پاسداران انقلاب نے  مارشل آئی لینڈ کے آئل ٹینکر پر حملہ کر دیاہے، بیان میں کہا کہ لوئس پی نامی آئل ٹینکر امریکا کی ملکیت ہے، ٹینکر کو خلیج فارس کے وسط میں ڈرون سے نشانہ بنایا۔

ترک صدر

ترک صدر رجب طیب اردگان نے کہا کہ ایران پر حملے کے بعد ترکیہ صورتحال کا بغور جائزہ لے رہا ہے،ایران کے خلاف جنگ خطے اور عالمی استحکام کیلئے خطرہ ہے۔

امریکی صدر ڈونلڈ ٹرمپ نے کہاہے کہ ہم نے ایران کے 42 بحری جہاز 3 دن میں تباہ کیے،ایران سے ہماری فوجی جس طرح واپس آرہے ہیں ایسے نہیں آنا چاہیے تھا، میں ایران میں مرنے والے فوجیوں کے خاندان سے ملنے جارہا ہوں۔

تفصیلات کے مطابق صدر ٹرمپ کا کہناتھا کہ جب بھی جنگ ہوتی ہے جانی نقصان ہوتا ہے، ہماری کوشش ہے جانی نقصان کم سے کم ہو،ہمارے بی 2 بمبار حملہ نہ کرتے تو  ایران نے ایٹمی ہتھیار بنا لیا ہوتا۔

ڈونلڈٹرمپ کا کہناتھا کہ ڈونلڈ ٹرمپ کی میزبانی میں جنوبی امریکی ممالک کے سربراہاں کا اجلاس ہوا جس دوران ان کا کہناتھا کہ ہم نے ایران کی نیوی، فضائی طاقت اور مواصلاتی نظام تباہ کردیا، ایران ایٹمی ہتھیار حاصل کرنے کے قریب پہنچ گیا تھا۔

ڈونلڈ ٹرمپ نے ایک مرتبہ پاکستان اور بھارت میں جنگ تجارت کے ذریعے روکوائی۔ 

پاسداران انقلاب نے اسرائیل اور امریکی تنصیبات پر 25 واں حملہ کر دیاہے اور کہا کہ ان حملوں میں فتح اور عماد میزائل استعمال کیئے گئے ہیں ۔

مشرق وسطیٰ کی صورتحال کے پیش نظر عرب لیگ کے زرائے خارجہ کا ہنگامی اجلاس طلب کر لیاگیاہے، عرب لیگ کے وزرائے خارجہ کا اجلاس ویڈیو لنک کے ذریعے منعقد ہوگا، وزرائے خارجہ ایرانی حملوں پر تبادلہ خیال کریں گے۔

متحدہ عرب امارت

اماراتی وزارت دفاع نے بیان جاری کرتے ہوئے کہا کہ متحدہ عرب امارات نے آج 15 میزائیل اور 119 ڈرون مارگرائے ہیں، ایک بیلسٹک میزائل سمندر میں گر گیا،2 ڈرون متحدہ عرب امارات کی حدود میں گر ے۔

 اماراتی وزارت دفاع کے مطابق جنگ کے آغاز سے اب تک 221 میزائل تباہ کرچکے ہیں، ان حملوں میں 3 افراد جاں بحق، 112 زخمی ہوئے۔

ایرانی نائب وزیر خارجہ

ایران کے نائب وزیر خارجہ مجید تخت روانچی نے فرانسیسی میڈیا کو انٹرویو دیتے ہوئے کہا کہ ایران کے اندرونی معاملات کے فیصلے ایرانی ہی کریں گے، ایرانی اس قابل ہیں کہ اپنے نمائندے اور اپنا سپریم لیڈر خود چن سکیں، ہمیں کسی غیر ملکی کو یہ بتانے کی ضرورت نہیں کہ ہم نے کیا کرنا ہے۔

ڈونلڈ ٹرمپ

ایران کو بہت بری طرح مار پڑی ہے، ایران نے حملے نہ کرنے کا فیصلہ امریکا اور اسرائیل کے حملوں کے باعث کیا،ایران مشرق وسطیٰ پر قبضہ کرکے وہاں حکومت کرنا چاہتے تھے، ہزاروں برس میں پہلی بار ایران کو شکست ہوئی ہے، ایران اب مزید مشرق وسطیٰ کا غنڈہ نہیں رہا، آج ایران پر بھی سخت حملے کیے جائیں گے، ایران نے معافی مانگ کر مشرق وسطیٰ کے ملکوں کے سامنے سرینڈرکردیا ہے، ایران نے ہمسایوں سے وعدہ کیا ہے کہ دوبارہ ان پر حملہ نہیں کرے گا۔

حزب اللہ

حزب اللہ نے شمالی اسرائیل کے شہریوں کو انخلا کی وارننگ جاری کر دی ہے اور کہا کہ کریات شمونہ کے رہنے والے فوری جنوب کا رخ کریں۔

امریکہ کے صدر ڈونلڈ ٹرمپ نے کہا ہے ایران کو بہت زیادہ شدت سے نشانہ بنایا جائے گا اور فوج نئے اہداف پر غور کر رہی ہے۔

سوشل میڈیا پلیٹ فارم ٹروتھ سوشل پر جاری کیے گئے بیان میں امریکی صدر نے ایرانی صدر کے بیان کا حوالہ دیتے ہوئے کہا کہ ایران نے ’معافی مانگی ہے اور اپنے مشرق وسطیٰ کے پڑوسیوں کے سامنے ہتھیار ڈال دیے ہیں جبکہ وعدہ کیا ہے کہ وہ اب ان پر حملہ نہیں کرے گا۔‘

صدر ٹرمپ نے دعویٰ کیا کہ ایرانی صدر نے یہ وعدہ صرف امریکہ اور اسرائیل کے حملوں کی وجہ سے کیا ہے۔

ابعدازاں ٹرمپ نے ایک اور پوسٹ میں کہا کہ آج ایران کو بہت زیادہ نقصان پہنچے گا۔

اُن کا کہنا تھا کہ ایران میں مکمل تباہی اور یقینی موت کے بارے میں سنجیدگی سے غور کیا جا رہا ہے۔ ایسے علاقوں اور افراد کو نشانہ بنایا جائے گا جنھیں اب تک ہدف نہیں بنایا گیا۔

مشرق وسطیٰ میں کشیدگی کم کرنے کیلئے سعودی عرب نے بیک ڈور ڈپلومیسی تیز کردی۔

بلومبرگ کی رپورٹ کے مطابق سعودی عرب نےمشرق وسطیٰ میں کشیدگی کم کرنےکیلئے ایران سے براہ راست رابطے کیے،سعودی ولی عہد محمد بن سلمان نے یورپی ممالک کو بھی اعتماد میں لیا۔ اورجنگ روکنے کیلئے کردارادا کرنے پر زور دیا۔

سعودی وزارت خارجہ کےمطابق سعودی ولی عہد اوربرطانوی وزیراعظم کیئراسٹارمر کےدرمیان ٹیلیفونک گفتگو ہوئی،دونوں رہنماؤں نے ایران جنگ اور خطے کی صورتحال پر تبادلہ خیال کیا۔

شہزادہ محمد بن سلمان نےترک صدر رجب طیب اردوان سے بھی ٹیلی فونک بات چیت کی،قبرص کے صدر نے بھی سعودی ولی عہد کو فون کیا۔ 

جہازراں کمپنی ایم ایس سی نے ایمرجنسی فیول سرچارج لگانے کا اعلان کردیا۔

ایم ایس سی کےمطابق سرچارج بحیرہ روم،بحیرہ اسود، بحیرہ احمر اوربرصغیر کےکارگوپرلاگوہوگا،ایمرجنسی فیول سرچاج 16 مارچ سے اگلے نوٹس تک لاگو ہوگا،بحیرہ روم سے بحیرہ اسود فیول سرچارج 50 ڈالر فی ٹی ای یو ہوگا۔

ایم ایس سی کےمطابق بحیرہ روم سے مشرقی افریقا کیلئے سرچارج 90 ڈالر ہوگا،بحیرہ روم سے برصغیر کیلئے 60 ڈالر فی ٹی ای یو اضافی چارج ہوگا۔

ایرانی ہلال احمر کے مطابق امریکا اور اسرائیل نے اب تک 6 ہزار 668 سویلین عمارتوں کو نشانہ بنایا۔

ایرانی ہلال احمر کےمطابق 5 ہزار 535 رہائشی عمارتوں پر حملےکیے گئے،ایک ہزار 41 کمرشل عمارتوں پر حملہ کیا گیا،14 طبی مراکز، 65 اسکول اور ہلال احمر کے 13 دفاتر نشانہ بنے۔

دوسری جانب ایران اسٹاک ایکسچینج اگلے نوٹس تک بند رکھنے کا فیصلہ کیا گیا ہے،ایرانی اسٹاک مارکیٹ جنگ کے آغاز کے بعد بند ہے۔

ایران نے ہمسایہ ملکوں پر حملوں میں پہل نہ کرنے کا اعلان کردیا۔

ایرانی صدر مسعود پزشکیان نے اپنے بیان میں کہا جب تک کسی ملک سے ایران پر حملہ نہیں ہوگا، ایران پہل نہیں کرے گا،عبوری لیڈرشپ کونسل نے نئی پالیسی کی منظوری دے دی ہے،

ایرانی صدر نے کہا خطے کے ممالک کے ساتھ ایران کی کوئی دشمنی نہیں،میں خطے کے ممالک سے موجودہ صورتحال پر معافی مانگتا ہوں۔

دوسری جانب ایرانی پاسداران انقلاب نے آبنائے ہرمز میں آئل ٹینکر پر حملہ کردیا،وارننگ نظر انداز کرنے پرآئل ٹینکر کو ڈرون سے نشانہ بنایا،پریما آئل ٹینکر پر مالٹا کا جھنڈا لہرا رہا تھا۔

قطری حکام نے غیر ملکیوں کے انخلا کیلئے محدود تعداد میں پروازیں چلانے کا فیصلہ کرلیا۔

قطرسول ایوی ایشن کےمطابق دوحہ کی فضائی حدودمیں مخصوص سیف زون قائم کردیا گیا ہے،ملک میں پھنسےہوئے غیرملکیوں کے انخلا کیلیئے پروازیں قطری فوج کی مشاورت سے چلائی جارہی ہیں۔

قطرسول ایوی ایشن کےمطابق قطر واپسی کی پروازیں صرف کارگو کیلئے مختص ہونگے جن پر ضروری اشیا درآمد کی جائیں گے۔

امریکی صدر ڈونلڈ ٹرمپ نے اپنے بیان میں کہا ہے کہ ایران کی دودرجےتک قیادت ختم ہوچکی،اب تیسرے درجےکی رہ گئی۔

امریکی صدرڈونلڈ ٹرمپ نے اپنے بیان میں کہا ایران کی فوج، بحریہ اور فضائیہ تقریباً ختم ہوچکی،ایران کے تمام 32 بحری جہازسمندر کی تہہ میں پہنچ چکے،کمیونیکیشن نظام بھی تباہ ہو چکا۔

امریکی صدر نےمزید کہا امریکی فوج کی کارکردگی غیرمعمولی اورشاندار رہی،ایران کی جوہری صلاحیت پر بی ٹو بمبارسےحملےکیے۔

 ایران کے جنوبی ساحلی شہر بندرعباس میں زلزلے کے جھٹکے محسوس کیے گئے ہیں

،ابتدائی اطلاعات کےمطابق زلزلے کی شدت ریکٹر اسکیل پر 4.1 ریکارڈ کی گئی،زلزلے سے تاحال کسی جانی و مالی نقصان کی اطلاع موصول نہیں ہوئی۔

خیال رہے کہ ایران کا جنوبی علاقہ اورخاص طور پربندرعباس کا خطہ فالٹ لائنز کی وجہ سے زلزلوں کے لحاظ سے حساس سمجھا جاتا ہے، اس لیے یہاں وقتاً فوقتاً ہلکے یا درمیانے درجے کے زلزلے آتے رہتے ہی

ٹرمپ انتظامیہ نے اسرائیل کو151ملین ڈالر کے بم فروخت کرنے کی منظوری دے دی۔

ٹرمپ انتظامیہ نے ایک بار پھر کانگریس کو نظرانداز کرتے ہوئےاسرائیل کو151ملین ڈالر کے بم فروخت کرنے کی منظوری دے دی،امریکی محکمہ خارجہ نے انوکھی منطق پیش کی کہ ہنگامی صورتحال کے باعث فوری منظوری ضروری تھی۔

امریکی محکمہ خارجہ کےمطابق امریکا اسرائیل کو مزید 12 ہزار بی ایل یو 110 بم فراہم کرے گا،اسرائیل کو15 کروڑ ڈالرمیں 12 ہزار بم فروخت کیے جائیں گے،اسرائیل کو تیکنیکی مدد اور متعلقہ پرزے بھی دیے جائیں گے۔

دوسری جانب امریکی اسلحہ سازکمپنیوں نےجدید ہتھیاروں کی پیداوار 4 گنابڑھانےپراتفاق کیاہے،امریکی صدر ڈونلڈ ٹرمپ نے اپنے ایک بیان میں کہاکہ امریکی دفاعی کمپنیوں نےجدیدہتھیاروں کی تیار بڑھانےکا فیصلہ کیا ہے۔

ڈونلڈ ٹرمپ کے مطابق امریکا کے پاس کم درجے کے ہتھیاروں کا تقریباً لامحدود ذخیرہ موجود ہے جبکہ کم درجے کے ہتھیار ایران جنگ میں استعمال ہو رہے ہیں۔

ایرانی فوج نےامریکی صدر کو چیلنج دیا ہے کہ ہمت ہے تو آبنائے ہرمز سے گزر کر دکھاؤ ۔

ایران نے واضح کیا ہےکہ صرف امریکا اور اسرائیلی جہازوں کو آبنائے ہرمز سے گزرنے کی اجازت نہیں باقی سب کیلئے روٹ کھلا ہے جہاں سے دُنیا بھر میں تیل سپلائی کیا جاتا ہے۔

ٹرمپ نے منگل کو کہا تھا کہ ضرورت پڑی تو امریکی بحریہ آبنائے ہرمز کے ذریعے آئل ٹینکرز کو لے جانا شروع کر سکتی ہے۔

ایران اسرائیل جنگ کے باعث دنیا کی سب سے اہم بحری گزرگاہ آبنائے ہرمز بند،جس سے عالمی معیشت ہل کر رہ گئی ہے،چین اور بھارت سمیت دنیا بھرمیں پیٹرولیم مصنوعات کی قیمتیں مسلسل بڑھ رہی ہیں۔پاکستان کو بھی درآمدی تیل کی نوے فیصد سپلائی متاثر ہونے کا خدشہ ہے۔

ایران پیچھے ہٹنے کو تیار نہیں اور صدر ٹرمپ کسی ایک ایرانی رہنما کو بھی زندہ چھوڑنے پر آمادہ نہیں، جنگ کے آٹھویں روز بھی ایران ڈٹ کر کھڑا ہے اور دشمن پر جوابی وار کررہا ہے۔

امریکی سینٹ کام کی جانب سے دعویٰ کیاجارہا ہے کہ 7 دن میں 3 ہزار سے زائد ایرانی اہداف کو نشانہ بنایا،آپریشن ایپک فیوری کی رفتارمیں کوئی کمی نہیں کرر ہے،سینٹ کام نے ایرانی اہداف پر حملوں کی نئی ویڈیو جاری کردی۔

ایران کی جانب سے تازہ حملہ عراق کے شہر بصرہ میں کیا گیا جہاں امریکی آئل کمپلیکس پر ڈرون حملے کے بعدخوفناک آگ بھڑک اٹھی،جبکہ ایران پراسرائیلی حملوں کی نئی خوفناک لہرکا آغازہوگیا، تہران کے جنوب ،شمال اورمغربی علاقے دھماکوں سے گونج اٹھے،مہرآباد انٹرنیشنل ایئرپورٹ پر بھی شدید بمباری ہوئی۔

اسرائیلی فوج نےدعویٰ کیا ہےکہ بمباری سے ایران کے 6 بیسلٹک میزائل لانچر تباہ کر دیے،تین ایڈوانس دفاعی نظام بھی تباہ کردیے گئے ہیں۔

ایران نےبھی اسرائیل پر جوابی یلغار کردی،صیہونی ریاست میں سائرن بج اٹھے،عرب اورخلیجی ملکوں میں امریکی اہداف مسلسل ایران کے نشانےپرہیں جبکہ اسرائیل پر بھی میزائلوں کی برسات کی جارہی ہے۔

امریکی اخبارواشنگٹن پوسٹ نے دعوی کیا ہےکہ امریکی افواج کو ایران کےخلاف لڑنے کیلئے زمین پر اتارنے کا امکان موجود ہے،امریکامیں شیڈول ایلیٹ پیراٹروپریونٹ کی مشقیں منسوخ کردی گئی ہیں،جس کے باعث افواہیں جنم لے رہی ہیں کہ اس یونٹ کومشرق وسطیٰ بھیجنےکی تیاری ہورہی ہے،ایلیٹ پیراٹروپر یونٹ زمینی کارروائی میں مہارت رکھتا ہے۔

ایرانی فوج نےامریکی صدر کو چیلنج دیا ہے کہ ہمت ہے تو آبنائے ہرمز سے گزر کردکھاؤ ،ایران نے واضح کیا ہےکہ صرف امریکا اور اسرائیلی جہازوں کو آبنائے ہرمز سے گزرنے کی اجازت نہیں باقی سب کیلئے روٹ کھلا ہے جہاں سے دُنیا بھر میں تیل سپلائی کیا جاتا ہے ۔۔۔

ایران اسرائیل جنگ کے باعث دنیا کی سب سے اہم بحری گزرگاہ آبنائے ہرمز بند،جس سے عالمی معیشت ہل کر رہ گئی ہے،چین اور بھارت سمیت دنیا بھرمیں پیٹرولیم مصنوعات کی قیمتیں مسلسل بڑھ رہی ہیں۔پاکستان کو بھی درآمدی تیل کی نوے فیصد سپلائی متاثر ہونے کا خدشہ ہے

مشرق وسطی کشیدگی کے باعث عالمی منڈی میں خام تیل کی قیمتوں میں تیزی سے اضافہ ہورہا ہے۔

خبرایجنسی کےمطابق ڈبلیو ٹی آئی کروڈ آئل کی قیمت میں 10 ڈالر کا اچانک اضافہ دیکھنےمیں آیا ہے، جس کے بعد ڈبلیو ٹی آئی کروڈ کی قیمت 91.27 ڈالر فی بیرل ہوگئی۔

برینٹ کروڈ آئل کی قیمت میں 7.40ڈالر اضافہ ہوا،برینٹ کروڈکی قیمت 92.87ڈالرفی بیرل ہوگئی،امریکا کی آبنائے ہرمز کھولنے میں ناکامی کے بعد خام تیل کی قیمت 9 فیصد تک بڑھ گئی ہے,خال تیل کی قیمت میں 2020 کے بعد اتنا اضافہ دیکھا جا رہا ہے۔

نائب وزیراعظم  و وزیرخارجہ اسحاق ڈارکا ایرانی ہم منصب عباس عراقچی سے رابطہ ہوا ہے جس دوران  اسحاق ڈار نے مشرق وسطیٰ میں بڑھتی کشیدگی پر اظہار تشویش کیا۔

نائب وزیراعظم و وزیرخارجہ اسحاق ڈارنے ایرانی وزیر خارجہ عباس عراقچی سے رابطہ کیا ہے۔ دونوں رہنماؤں کےدرمیان مشرق وسطیٰ میں بڑھتی ہوئی کشیدگی پر تفصیلی تبادلہ خیال کیا گیا۔ اسحاق ڈار نے خطے کی بدلتی ہوئی علاقائی صورتحال پر تشویش کا اظہار کیا۔ نائب وزیراعظم  و وزیرخارجہ اسحاق ڈار اور ان کے ایرانی ہم منصب نے حالیہ علاقائی پیش رفت پرمسلسل رابطے میں رہنے پر اتفاق کیا ہے۔

سعودی وزارت دفاع نے کہاہے کہ ایک اور کروز میزائل  الخروج کے مشرقی علاقے میں فضا میں ہی تباہ کر دیا گیاہے  جبکہ متحدہ عرب امارات کے علاقے فجیرہ میں آئل انڈسٹریل زون میں ڈرون حملہ ہواہے ۔

تفصیلات کے مطابق متحدہ عرب امارات نے بیان جاری کرتے ہوئے کہا کہ یواے ای کے علاقے فجیرہ  میں آئل انڈسٹریل زون پر ڈرون حملہ  ہواہے تاہم فجیرہ آئل انڈسٹریل زون میں لگی آگ پر قابو پالیا گیا، آگ ڈرون  تباہ کرنے کے دوران ملبہ گرنے سے لگی۔

لبنان

لبنانی وزارت صحت  کے مطابق لبنان میں اسرائیل کی وحشیانہ کارروائیاں جاری ہیں،  چھ دن سے جاری حملوں میں 217شہری شہید ہوگئے،لبنان میں اسرائیلی کارروائیوں میں 789شہری زخمی ہوئے ہیں ۔

عراق

ایران نے عراق میں کردستان ڈیموکریٹک پارٹی کے ٹھکانے پر حملہ کیا ہے جس دوران کیمپ پر میزائل اور ڈرونز داغے گئے ہیں ۔

امریکی صدر ڈونلڈ ٹرمپ نے کہاہے کہ ایران غیر مشروط طور پر ہتھیار ڈال دے ، ایران کے ساتھ کوئی معاہدہ نہیں ہو گا سوائے غیر مشروط ہتھیار ڈالنے کے ۔

تفصیلات کے مطابق امریکی صدر کا کہناتھا کہ عظیم اور قابل قبول رہنما کے انتخاب کے بعد امریکہ ایران کی ہر ممکن مدد کرے گا

ڈونلڈ ٹرمپ کا کہناتھا کہ مشرقِ وسطیٰ سے ہزاروں  امریکیوں کو محفوظ مقام پر منتقل کر رہے ہیں،  یہ کام خاموشی سےلیکن بغیر کسی رکاوٹ کے جاری ہے،وزیرخارجہ مارکو روبیو  اور ان کی ٹیم بہترین کام  کررہی ہے۔

ایران میں پھنسے پاکستانیوں کی وطن واپسی کا سلسلہ چھٹے روز بھی جاری ہے ، گوادر کے گبد ریمدان بارڈر کے ذریعے شہریوں کی واپسی کا عمل جاری ہے ۔

ڈپٹی کمشنر گوادر نقیب اللہ کاکڑ کے مطابق آج گوادر کے گبد ریمدان بارڈر سے 65 طلبہ سمیت 84 پاکستانی وطن واپس پہنچ گئے ۔ انہوں نے بتایا کہ گزشتہ چھ روز کے دوران 265 طلبہ سمیت مجموعی طور پر 800 سے زائد افراد گبد ریمدان بارڈر کے ذریعے پاکستان پہنچ چکے ہیں ۔

 ڈپٹی کمشنر کے مطابق وزیراعلیٰ بلوچستان میر سرفراز بگٹی کی ہدایت پر ضلعی انتظامیہ نے وطن واپس آنے والے تمام افراد کو ضروری سہولیات فراہم کرنے کے بعد ان کے آبائی علاقوں کی جانب روانہ کر دیا ہے ۔ نقیب اللہ کاکڑ نے مزید بتایا کہ واپس آنے والوں میں بزنس مین بھی شامل ہیں جبکہ وطن واپس پہنچنے والے افراد کا تعلق پنجاب، سندھ، بلوچستان اور گلگت بلتستان سمیت ملک کے مختلف دور دراز علاقوں سے ہے۔

ایرانی پاسداران انقلاب نے خلیجی ممالک میں امریکی اور اسرائیلی اڈوں کو نشانہ بنانے کی تصدیق کر دی جبکہ اسرائیلی فوج نے تہران میں انڈر گراونڈ بنکرز کو تباہ کرنے کا دعویٰ کیا ہے ۔

تفصیلات کے مطابق ایرانی پاسداران انقلاب نے بیان جاری کرتے ہوئے کہا کہ نئے میزائلوں سے امریکی اور اسرائیلی فوجی اڈوں پر حملے کئے،اسرائیل کے بن گوریون ایئرپورٹ، حیفا اور تل ابیب پر بھی میزائل داغے گئے ہیں۔

دوسری جانب اسرائیلی فوج کا کہناہے کہ 50 اسرائیلی طیاروں نے علی خامنہ ای کمپاؤنڈ پر 100 بم گرائے، ان حملوں میں انڈر گراؤنڈ بنکرز مکمل تباہ ہوگئے۔

صدرمسعود پزشکیان

ایرانی صدر مسعود پزشکیان نے سوشل میڈیا پر جاری پیغام میں کہا کہ ہم خطے میں دیر پا امن کے عزم سے پیچھے نہیں ہٹے، اپنی خودمختاری اور وقار کا دفاع کرنے سے نہیں ہچکچائیں گے، چند ممالک نے ثالثی کی کوششیں شروع کردی ہیں، ثالث ان سے بات کریں جنہوں نے یہ جنگ شروع کی ہے۔

امریکی اخبار نےواشنگٹن پوسٹ نے دعویٰ کیاہے کہ روس ایران کو امریکی فورسز پر حملےکیلئے انٹیلی جنس فراہم کر رہاہے ، امریکی انٹیلی جنس کے 3 قریبی ذرائع نے اس خبر کی تصدیق کی ہے ، امریکہ کےانٹرسیپٹرز انتہائی تیزی سے کم ہو رہے ہیں۔

واشنگٹن پوسٹ کے مطابق ۔روس مشرق وسطیٰ میں امریکی بحری جہازوں اور طیاروں کا لوکیشن ایران کو دیتا ہے، ایرانی کی اپنی انٹیلی جنس صلاحیتوں میں اب کمی آئی ہے،امریکا کے کئی ریڈارز اور دیگر تنصیبات پر ایران نے صحیح نشانہ لگایا، ایران چن چن کر امریکا کے کمانڈ اینڈ کنٹرول سنٹرز کو تباہ کررہا ہے ، کئی مواقع پر ایرانی حملے امریکا اور اسرائیل کے دفاعی سسٹم پر حاوی رہے، ایران کے میزائیل حملوں میں گزشتہ سال کی نسبت بہتری آئی ہے، امریکا کے انٹرسیپٹرز میزائیل انتہائی تیزی سے کم ہورہے ہیں۔

ایران نے اسرائیل پر خرم شہرفور، خیبر اور فتح میزائل داغنے شروع کر دیئے ہیں جس کی تصدیق ایرانی پاسداران کی جانب سے کی گئی ہے جبکہ اسرائیلی فوج کا کہناہے کہ وہ ایرانی میزائلوں کو روکنے کی کوشش کر رہے ہیں ، ایرانی وزیر خارجہ نے ایرانی بحری جہاز کے عملے کو ریسکیو کرنے پر سری لنکن حکام کا شکریہ ادا کیاہے ۔

قطر

قطری وزیر توانائی نے فنانشل ٹائمز کو انٹرویو دیتے ہوئے کہا کہ مشرق وسطیٰ میں جنگ عالمی معیشتوں کو تباہ کرسکتی ہے، سنگین صورتحال میں خلیجی ممالک تیل کی پیداوار بند کرسکتے ہیں، ایسا ہوا تو تیل کی قیمتیں 150 ڈالر فی بیرل تک پہنچ سکتی ہے۔

قطری وزارت خارجہ نے بحرین پر ایرانی حملے کی مذمت کرتے ہوئے کہا کہ جس عمارت پر حملہ ہوا وہاں قطری نیوی کے اہلکار بھی موجود تھے، یہ حملہ بحرین کی خود مختاری کی سنگین خلاف ورزی ہے، حملے میں قطری نیوی کے تمام اہلکار محفوظ رہے ۔

ایرانی وزیر خارجہ

ایرانی وزیر خارجہ عباس عراقچی نے سری لنکن ہم منصب کو ٹیلی فون کرتے ہوئے ایرانی بحری جہاز کے عملے کو ریسکیو کرنے پر شکریہ ادا کیا۔ وزارت خارجہ کے مطابق عباس عراقچی نےامریکا کے خلاف عالمی فورم پر مقدمے کا عندیہ دیا ہے۔

آذربائیجان

آذربائیجان نے ایران سے اپنے سفارتکارواپس بلا لیے ہیں ۔گزشتہ روز آذربائیجان کے نخچیوان ایئرپورٹ پر ایران سے مبینہ ڈرون حملہ ہوا تھا۔ ایرانی وزیر خارجہ نے بعدازاں آذربائیجان کے ہم منصب سے رابطہ کرتے ہوئے کہا کہ تھا کہ ایران نے کوئی ڈرون فائر نہیں کیا ۔

ایران پر حملے

ایران کے شہر میاندوآب پر فضائی حملے کی اطلاعات ہیں،میاندوآب ایران کے شمال میں مغربی آذبائیجان صوبے کا شہر ہے۔

اسرائیل پر حملہ

اسرائیلی میڈیا کے مطابق ایران نے اسرائیل کے بن گوریان ایئرپورٹ پر میزائل حملہ کر دیاہے، ایرانی میزائل بن گوریان ائیرپورٹ کی حدود میں گرا، تل ابیب کی فضاؤں میں بھی کئی میزائیل انٹرسیپٹ ہوئے۔

ہلال احمر ایران اور اسرائیلی محکمہ صحت نے جنگ میں ابتک کے نقصانات کے اعداد و شمار جاری کردیے۔

ہلال احمر ایران کے مطابق ایران میں جاں بحق افراد کی تعداد ایک ہزار 332 ہوگئی، بمباری سے 3 ہزار 643 عوامی مراکز، 3 ہزار 90 گھر تباہ ہوئے، 24 طبی مراکز اور ہلال احمر کے 9 دفاتر کو نشانہ بنایا گیا۔

اسرائیلی محکمہ صحت کے مطابق 24 گھنٹے کے دوران ایرانی حملوں سے 140 افراد زخمی ہوئے، 114 معمولی زخمی، 19 کو شدید زخم آئے، ایک کی حالت تشویشناک ہے۔ جنگ کے آغاز سے اب تک ایک ہزار 619 اسرائیلی زخمی ہوئے۔

امریکی صدر ڈونلڈ ٹرمپ نے ایران میں فوج اتارنے کا امکان مسترد کردیا۔

این بی سی کو انٹرویو میں ڈونلڈ ٹرمپ نے کہا کہ ایران اپنی نیوی سمیت سب کچھ کھوچکا ہے، فوج اتارنا وقت کا ضیاع ہے، میں چاہتا ہوں ایران میں قیادت کا موجودہ نظام ختم ہو، میری پسند کے لوگ ایران کے حکمران بنیں۔

دوسری جانب ایران میں فوج اتارنے کے معاملے پر امریکی وزیر دفاع اور وزیر خارجہ میں شدید اختلافات سامنے آگئے۔ برطانوی میڈیا کے مطابق گرما گرم بحث کے دوران پیٹ ہیگسیتھ اورمارکو روبیو میں تلخ جملوں کا تبادلہ ہوا۔

رپورٹ کے مطابق وزیر دفاع پیٹ ہیگسیتھ ایران میں فوج اتارنے کے حق میں ہیں جبکہ مارکو روبیو جلد از جلد جنگ ختم کروانا چاہتے ہیں، مارکو روبیو جانتے ہیں جنگ کے خلاف امریکی عوام کا شدید ردعمل آئے گا۔

متحدہ عرب امارات نے ایران کے حملوں کے جواب میں ایرانی اثاثے منجمد کرنے پر غور کر رہا ہے۔ متحدہ عرب امارات ایرانی بحری جہازبھی قبضے لینے پر غور کررہا ہے۔

وال اسٹریٹ جرنل کے مطابق متحدہ عرب امارات ایران کے اربوں ڈالر کے اثاثے ضبط کرنے پر غور کررہا ہے،جس سے ایران کو فارن ایکسچینج کی شدید قلت کا سامنا ہوسکتا ہے۔

رپورٹ کے مطابق یو ای اے  میں ایرن کی درجنوں شیڈو کمپنیاں فعال ہیں، ان کمپنیوں کی مدد سے ایران پابندی کے باوجود تیل کی تجارت کرتا ہے، ایران فارن ایکسچینج کے حصول کیلئے بھی ان کمپنیوں پر انحصار کرتا ہے۔

ترجمان پاسدارانِ انقلاب علی محمد نعینی کا کہنا ہے کہ ایران طویل جنگ کے لیے تیار ہے، نئے اسٹریٹیجک ہتھیار جلد میدان میں لائیں گے۔

علی محمد نعینی نے کہا کہ ایسے ہتھیار سامنے لائیں گے جو آج تک کبھی استعمال نہیں ہوئے، حملوں میں اب تک فوجی صلاحیت کا ایک چھوٹا حصہ استعمال کیا گیا۔ دشمن کو آنے والے دنوں میں سخت لڑائی کا سامنا کرنا پڑے گا۔

دوسری جانب ایران کی جانب سے اسرائیل پر حملوں کی بیسویں لہر میں خیبرشکن میزائل سے دشمن پر وار کیا گیا ۔ مختلف علاقوں میں آگ بھڑک اٹھی ۔ مشرق وسطیٰ میں امریکی تنصیبات بھی ایران کا ہدف بنے۔ کویت کے علی السلیم ایئربیس اور منامہ پر ڈرونز سے حملہ کیا گیا ۔

سعودی وزارت دفاع نے بھی تین بیلسٹک میزائل تباہ کرنے کا دعویٰ کیا ہے۔ عراق میں امریکی کمپنی کےزیرانتظام آئل فیلڈ بھی نشانہ بنا۔ بصرہ میں امریکی طیارہ گرنے کی اطلاع ہے۔ پائلٹ کی تلاش جاری ہے۔

نیویارک ٹائمز کی تحقیقات میں انکشاف ہوا ہے کہ ایران میں اسکول پر حملہ امریکی فوج نے کیا تھا۔

رپورٹ کے مطابق جس وقت اسکول پر حملہ ہوا امریکی فورسز اس علاقے پر حملہ کررہی تھی، ابھی یہ طے نہیں ہوا کہ اسکول پر بمباری غلطی تھی یا جان بوجھ کر کیا گیا۔

نیویارک ٹائمز کے مطابق اسکول کی عمارت پہلے نیوی بیس کا حصہ تھی تاہم 2016 میں اس عمارت کو اسکول کیلئے مختص کیا گیا، سیٹلائٹ تصاویر میں واضح طور پر لکھا ہے کہ یہ اسکول کی عمارت ہے۔ اسکول کے آس پاس کھیل کے میدان بھی واضح نظر آتے ہیں۔

رپورٹ کے مطابق یہ بھی دعویٰ کیا جاتا ہے کہ ایران کا اپنا میزائل مس فائر ہوکر اسکول پر گرا، صرف ایک میزائل گرنے سے اتنی تباہی نہیں ہوتی جو اس علاقے میں ہوئی ہے، اسکول کے احاطے میں مسلسل میزائل گرے جس سے بڑے پیمانے پر تباہی ہوئی، حملہ غلطی سے بھی ہوا ہو تو بین القوامی قوانین کی خلاف ورزی ہے۔

دوسری جانب ترجمان یونیسیف کا کہنا ہے کہ ایران کے خلاف جنگ میں 200 کے قریب بچے لقمہ اجل بنے، 7 دن کے اندر مشرق وسطیٰ میں 192 بچے جان سے گئے، ایران میں 181 اور لبنان میں7 بچے جاں بحق ہوئے، اسرائیل میں 3 اور کویت میں ایک بچہ جنگ کا لقمہ بن گیا۔

ایران جنگ سے امریکی معیشت کو بڑا دھچکا لگنے کا خدشہ ہے۔

فنانشل ٹائمز کے مطابق بڑے خلیجی ممالک امریکا سے اپنی سرمایہ کاری نکالنے پر غور کررہے ہیں، ان ممالک میں سعودی عرب، متحدہ عرب امارات، کویت اور قطر شامل ہیں۔

رپورٹ کے مطابق تیل کی برآمد رک جانے سے خلیجی ممالک کو بجٹ کی کمی کا سامنا ہوسکتا ہے، ایسی صورتحال میں یہ ممالک سرمایہ کاری کے وعدوں پر نظرثانی کرسکتے ہیں۔

فنانشل ٹائمز کے مطابق امریکا میں 2 ہزار ارب ڈالر کی سرمایہ کاری خطرے میں ہے، سرمایہ کاری میں کمی آنے سے صدر ٹرمپ پر دباؤ بڑھے گا۔

امریکا نے تیل کی عالمی منڈی پر دباؤ کم کرنے کےلئے روسی تیل کی فروخت کی عارضی اجازت دے دی۔

خبرایجنسی کے مطابق امریکا نے سمندر میں موجود روسی تیل کی فروخت کی اجازت دے دی، یہ چھوٹ صرف 30دن کےلئے دی گئی ہے۔

واضح رہے کہ مشرق وسطیٰ میں ایران، اسرائیل اور امریکا کے درمیان جاری کشیدگی سے عالمی توانائی منڈی غیر یقینی صورتحال سے دوچار ہے۔ ایران کی جانب سے 22 کلومیٹر طویل اسٹریٹجک بحری گزرگاہ آبنائے ہرمز کی بندش نے دنیا بھر کی تیل سپلائی کو خطرے میں ڈال دیا ۔

یہ وہ راستہ ہے جہاں سے دنیا کو 21 فیصد خام تیل اور تقریباً 30 فیصد ایل این جی فراہم کی جاتی ہے۔ روزانہ 30 سے 40 آئل ٹینکر اسی روٹ سے گزرتے ہیں، جبکہ سعودی عرب، متحدہ عرب امارات اور قطر سمیت خلیجی ممالک کی برآمدات کا بڑا انحصار بھی اسی گزرگاہ پر ہے۔

آبنائے ہرمز کی بندش کے باعث صرف چند روز میں عالمی منڈی میں خام تیل کی قیمتیں 10 سے 13 ڈالر فی بیرل تک بڑھ چکیں۔ متبادل اور طویل بحری راستے اختیار کرنے سے مزید اضافے کا خدشہ ہے۔

امریکی صدر ڈونلڈ ٹرمپ کا کہنا ہے کہ ایران کے بعد کیوبا کی باری ہے۔

ڈونلڈ ٹرمپ نے کہا کہ کیوبا کے ساتھ جو ہو رہا ہے وہ حیران کن ہے، ایران جنگ کو پہلے ختم کرنا چاہتے ہیں، پھر وقت دیکھیں گے۔

امریکی صدر نے کہا کہ وینزویلا بہت اچھا کر رہا ہے، اسے مستحکم کر دیا گیا ہے، وینزویلا کو اب پہلے سے بہت زیاد تیل کی کمائی آرہی ہے، ڈیلسی روڈ ریگز صدارت کیلئے ایک شاندار شخصیت ہیں۔

قبل ازیں امریکی میڈیا سے گفتگو کرتے ہوئے ڈونلڈ ٹرمپ کا کہناتھا کہ مجتبیٰ خامنہ ای ، آیت اللہ خامنہ ای کے بیٹے ہیں جوکہ ممکنہ طور پر ایران کے سپریم لیڈر ہو سکتے ہیں، آیت اللہ خامنہ ای کی پالیسیاں جاری رکھنے والے لیڈر کو قبول نہیں کریں گے ، ایسا شخص چاہتے ہیں جو ایران میں اتحاد اور امن لائے۔

ٹرمپ نے برطانوی وزیراعظم اور سپین پر بھی تنقید کی، انہوں نے کہا کہ کیئر اسٹارمر ونسٹن چرچل نہیں ہیں ،برطانیہ کے وزیرِاعظم  کے رویے پر حیران اور مایوسی ہوئی،برطانیہ بہت مایوس کن رہا ہے،سب جانتے ہیں دشمن ہم پر حملہ آور ہے،کیئراسٹارمر کو بلا کسی ہچکچاہٹ کے اڈے فراہم کرنے چاہئیں۔

عراقی شہر بصرہ میں امریکی طیارہ گرنے کی اطلاع ہے۔

عرب میڈیا کے مطابق طیارہ مار گراگیا یا حادثاتی طور پر گرا،وجہ ابھی واضح نہیں، بصرہ میں گرنے والے امریکی پائلٹ کی تلاش جاری ہے۔ دوسری جانب امریکی حکام نے بصرہ میں جہاز مار گرائے جانے کی تردید کردی۔

واضح رہے کہ چند روز قبل امریکہ کی سینٹ کام نے 3 ایف 15 طیارے کویت میں گر کر تباہ ہونے کی تصدیق کر دی ہے اور کہا کہ امریکی طیارے فرینڈلی فائر کا نشانہ بن کر تباہ ہوئے ، طیارے آپریشن ایپک فیوری کا حصہ تھے۔

سینٹ کا م کا کہناتھا کہ طیاروں کے تمام 6 پائلٹ محفوظ رہے ہیں جنہیں ہسپتال منتقل کر دیا گیاہے، کویتی دفاعی نظام نے غلطی سے امریکی طیارے مار گرائے، ایران کی جانب سے مسلسل ڈرون اور میزائل حملے کیئے جا رہے ہیں۔

ایرانی فوج کے مطابق جاری جنگ کے دوران اب تک 500 سے زائد بیلسٹک اور کروز میزائل داغے جا چکے ہیں جبکہ مختلف اقسام کے 2 ہزار سے زیادہ ڈرونز بھی فائر کیے گئے ہیں۔

فوجی حکام کا کہنا ہے کہ فائر کیے گئے میزائلوں میں سے تقریباً 60 فیصد امریکی افواج کو نشانہ بنانے کے لیے استعمال کیے گئے جبکہ 40 فیصد میزائل اسرائیلی علاقوں پر حملوں کے لیے داغے گئے۔

ایرانی فوج نے دعویٰ کیا ہے کہ فضائی دفاعی نظام نے کارروائی کرتے ہوئے 7 اسرائیلی ڈرونز طیارے مار گرائے ہیں۔ یہ ڈرون ایرانی فضائی حدود میں داخل ہونے کی کوشش کر رہے تھے جنہیں ایئر ڈیفنس سسٹم کے ذریعے نشانہ بنایا گیا۔

ایرانی وزیر خارجہ عباس عراقچی نے امریکی ٹی وی کو انٹرویو دیتے ہوئے کہا کہ  ہم امریکہ کی زمینی فوج کے حملے کا سامنا کرنے کیلئے تیار ہیں ، یہ امریکہ کیلئے بہت تباہ کن ہوگا، ہم نے کسی سے جنگ بندی کا مطالبہ نہیں کیاہے ۔

تفصیلات کے مطابق ایرانی وزیر خارجہ کا کہناتھا کہ ہمیں امریکہ کی زمینی فوج کا کوئی خوف نہیں بلکہ ہم ان کا انتظار کر رہے ہیں، ہم پرُ اعتماد ہیں کہ ہم ان کا مقابلہ کر سکتے ہیں ، یہ امریکہ کیلئے بہت تباہ کن ہو گا ، امریکا کے ساتھ کسی بھی قسم کے مذاکرات کو مسترد کرتے ہیں،گزشتہ ہفتے سے اسٹیو وِٹکوف یا جیرڈکشنر سے کوئی رابطہ نہیں ہوا۔

دوسری جانب ایرانی وزیر خارجہ نے آذربائیجان کے ہم منصب سے ٹیلیفونک رابطہ کیا اور یقین دہانی کروائی کہ ایران کی جانب سے آذربائیجان کی طرف کوئی میزائل فائر نہیں کمیا گیاہے ، آذربائیجان پر حملے سے متعلق تحقیقات کر رہے ہیں ۔

علی لاریجانی

ایرانی قومی سلامتی کے مشیر علی لاریجانی نے بیان  دیتے ہوئے کہا کہ امریکا چند ہزار فوجی لے کر ایران میں داخل ہونے کا ارادہ رکھتا ہے،آپ ایران آئیں ،ہمارے  بہادر فرزند آپ کا انتظار کر رہے ہیں،ہماری جانباز امریکی  حکام کو قیدی اور نشانہ بنانے کیلئے تیار ہیں،ایرانی سرزمین ایسے لوگوں کے لیے نہیں جو یہاں تباہی مچانا چاہتے ہیں۔

نائب وزیراعظم ووزیرخارجہ اسحاق ڈار اور آذربائیجان کے وزیر خارجہ جیہون بیرا موف کے درمیان ٹیلیفونک رابطہ ہوا جس دوران اسحاق ڈار نے علاقائی صورتحال اور آذربائیجان پر ڈرون حملوں پر شدید تشویش کا اظہار کیا۔

تفصیلات کے مطابق اسحاق ڈار نے کہا کہ آذربائیجان اور اس کے عوام کے ساتھ پاکستان کی یکجہتی کا اعادہ کرتے ہیں۔ وزیر خارجہ نے مشرق وسطیٰ میں کشیدگی میں کمی کی فوری ضرورت پر زور دیا   جبکہ علاقائی امن اور استحکام کیلئے مذاکرات  پر بھی زور دیا۔

دونوں رہنماؤں نے علاقائی پیش رفت پر قریبی رابطے میں رہنے کے عزم کا اعادہ کیا۔

پاکستان دفتر خارجہ نے بھی آذربائیجان پر حملوں پر شدید تشویش کا اظہار کیاہے ۔ 

امریکی صدر  ڈونلڈ ٹرمپ نے کہاہے کہ ایران کے اگلے سپریم لیڈر کے انتخاب میں شامل ہونا چاہتاہوں، آیت اللہ خامنہ ای کا بیٹا مجتبیٰ خامنہ ای میرے  لیے ناقابل قبول ہے ۔

امریکی میڈیا سے گفتگو کرتے ہوئے ڈونلڈ ٹرمپ کا کہناتھا کہ مجتبیٰ خامنہ ای ، آیت اللہ خامنہ ای کے بیٹے ہیں جوکہ ممکنہ طور پر ایران کے سپریم لیڈر ہو سکتے ہیں، آیت اللہ خامنہ ای کی پالیسیاں جاری رکھنے والے لیڈر کو قبول نہیں کریں گے ، ایسا شخص چاہتے ہیں جو ایران میں اتحاد اور امن لائے ۔

ٹرمپ نے برطانوی وزیراعظم اور سپین پر بھی تنقیدکی، انہوں نے کہا کہ کیئر اسٹارمر ونسٹن چرچل نہیں ہیں ،برطانیہ کے وزیرِاعظم  کے رویے پر حیران اور مایوسی ہوئی،برطانیہ بہت مایوس کن رہا ہے،سب جانتے ہیں دشمن ہم پر حملہ آور ہے،کیئراسٹارمر کو بلا کسی ہچکچاہٹ کے اڈے فراہم کرنے چاہئیں۔

صدر ڈونلڈ ٹرمپ کا کہناتھا کہ اسٹارمر کے ساتھ تعلق اچھا ہے، وہ بعض اوقات کرنیوالے کام نہیں کرتے،ہمارے پاس بہت سے کامیاب ممالک ہیں لیکن اسپین ناکام ہے،اسپین کا غیرذمہ دارانہ رویہ ہے، نیٹو کے خلاف  نفرت رکھتا ہے۔

اسرائیل کے لبنان میں حملے جاری ہیں اور 4 روز کے دوران 102 شہری شہید ہو چکے ہیں ۔

لبنانی وزارت دفاع کے مطابق اسرائیلی بمباری اور گولہ باری سے 638 شہری زخمی ہوئے ہیں ، وزارت کی جانب سے خدشہ ظاہر کیا گیاہے مزید زخمیوں کو ہسپتال لایا جارہاہے اور اموات کی تعداد میں اضافہ ہو سکتا ہے ۔

دوسری جانب ابو ظہبی میں زاید انٹرنیشنل ایئر پورٹ کے قریب دھماکے سنے گئے ہیں ۔

اماراتی وزارت دفاع کی جانب سے جاری کردہ بیان میں کہا گیاہے کہ ایران کی جانب سے مزید ڈرونز سے حملہ کیا گیاہے جنہیں فضائی دفاعی نظام نے میزائلوں کے ذریعے تباہ کر دیا ۔حملوں کے بعد ملک بھر سائرن بجائے گئے،کوئی نقصان نہیں ہوا۔

قطر

قطری وزارت خارجہ کے مطابق قطری وزیرِاعظم نے خلیجی اور یورپی وزارتی اجلاس میں شرکت کی ۔ اجلاس میں ایران کی جانب سے ہونیوالے حملوں کا جائزہ لیا گیا اور  ملکی اور خلیجی ممالک پر حملوں کی مذمت کی گئی۔

بیان میں کہا گیا کہ قطر اپنے برادر ممالک کے ساتھ مکمل یکجہتی کرتا ہے،دوست ممالک کی خودمختاری کیلئے اٹھائے گئے اقدام کی حمایت کرتے ہیں۔

برطانوی وزیراعظم

برطانوی وزیرِاعظم کیئر اسٹارمرنے مزید 4 جنگی طیارے قطر بھیجنے کا اعلان کرتے ہوئے کہا کہ صورتحال ابھی غیر یقینی ہے، کشیدگی بڑھنے کا خطرہ موجود ہے،نہیں جانتے  یہ صورتحال کتنی دیر تک جاری رہے گی،کشیدگی کے خاتمے کیلئے امریکا کے ساتھ بات چیت جاری ہے،برطانیہ امریکا کو فوجی اڈے استعمال کرنے کی اجازت نہیں  دے گا۔

برطانیہ کے وزیراعظم  کیئر سٹارمر نے قطرمیں  مزید چار’ٹائیفون جنگی طیارے‘(  Typhoon fighter jets) تعینات کرنے کا اعلان دیاہے ۔

ڈاؤننگ اسٹریٹ میں خطاب کے دوران انہوں نے کہا کہ یہ طیارے قطر میں پہلے سے موجود برطانوی فوجی دستوں کے ساتھ شامل ہوں گے تاکہ خطے میں برطانیہ کی دفاعی موجودگی کو مضبوط بنایا جا سکے۔

اس سے قبل جنوری اور فروری میں برطانیہ نے قطر میں اپنی دفاعی صلاحیتیں بڑھانے کیلئے ہوائی دفاعی نظام اور دیگر فوجی اثاثے تعینات کیے تھے ۔

وزیراعظم نے مزید بتایا کہ برطانیہ نے اتحادی آپریشنز کی معاونت کیلئے فضائی ایندھن فراہم کرنے والے طیارے بھی استعمال کیے اور خطے میں شراکت دار ممالک کی جانب سے مزید امداد کی درخواستوں پر فوری ردعمل دے رہا ہے۔

دوسری جانب قطر کے وزارت دفاع نے اعلان کیا ہے کہ ایران سے داغے گئے 14 بیلسٹک میزائل اور 4 ڈرون کو آج صبح قطر کی فضائی دفاعی صلاحیتوں نے کامیابی کے ساتھ ناکارہ بنا دیا۔

وزارت دفاع نے شہریوں، مقیم افراد اور زائرین سے اپیل کی ہے کہ وہ پرسکون رہیں، سیکیورٹی حکام کی جانب سے جاری کردہ سرکاری ہدایات پر عمل کریں، افواہوں سے گریز کریں اور معلومات صرف سرکاری ذرائع سے حاصل کریں۔

ایرانی وزارت خارجہ کے ترجمان اسماعیل بقائی نے سوشل میڈیا پر جاری بیان میں کہا کہ یہ وحشیانہ، بلااشتعال اور بلاجوازجارحیت میدان جنگ سے باہر پھیل چکی ہے۔  

اسماعیل بقائی کا کہنا تھا کہ جنگ کے باعث توانائی کی قیمتیں بڑھتی ہیں اور عام لوگوں کی قوتِ خرید شدید متاثر ہوتی ہے۔

انہوں نے کہا کہ ایرانیوں کیلئے اس جنگ کی قیمت ناقابلِ تصور حد تک زیادہ ہے، ہمارے عوام کو بے رحمی سے قتل کیا جا رہا ہے ۔

ترجمان ایرانی دفتر خارجہ کا مزید کہنا تھا کہ جان بوجھ کر ایسے علاقوں پر حملہ کیا جاتا ہے جہاں زیادہ سے زیادہ لوگ مریں ۔

انہوں نے عالمی برادری سے مطالبہ کیا کہ وہ صورتحال کا نوٹس لے اور خطے میں بڑھتی ہوئی کشیدگی کو کم کرنے کیلئے اقدامات کرے۔

ترجمان آذربائیجانی وزارت خارجہ کا کہنا ہے کہ ایران سے ہماری سرزمین پر ڈرون حملہ قابل مذمت ہے، آذربائیجان پر حملہ بین الاقوامی قوانین کی خلاف ورزی ہے۔

ترجمان کا کہنا ہے کہ اس اقدام سے خطے میں کشیدگی مزید بڑھے گی، آذربائیجان اس حملے کا مناسب ردعمل دینے کا حق رکھتا ہے۔ ایران کی جانب سے فوری طور پر کوئی ردعمل سامنے نہیں آیا۔

آذربائیجان کی وزارت خارجہ کے مطابق ایک ڈرون نخچوان شہر کے ایئرپورٹ پر گرا جو ایران کی سرحد کے قریب واقع ہے، جبکہ دوسرا ڈرون ایک اسکول کے قریب آ گرا۔ بیان میں ایران سے اس واقعے کی وضاحت طلب کی گئی ہے۔

قطر نے ایل این جی کی پیداوار بند کرنے کا اعلان کردیا۔

خبر ایجنسی کے مطابق ایل این جی کی پیداواری صلاحیت بحال ہونے میں ایک ماہ لگے گا، پوری دنیا کو 20 فیصد ایل این جی قطر سپلائی کرتا ہے،قطر انرجی کم از کم 2 ہفتے ایل این جی کی پیداوار بند رکھے گی۔

قطر نے اپنے چند مرکزی گاہکوں کو فیصلے سے آگاہ کردیا ہے،ایل این جی بند ہونے سے چین، جاپان، بھارت، جنوبی کوریا اور پاکستان زیادہ متاثر ہونگے۔

سری لنکا کے قریب ایک اور ایرانی بحری جہاز پر مبینہ حملہ ہوا ہے۔

سری لنکن حکام کے مطابق ایک اور ایرانی بحری جہاز سے لوگوں کو ریسکیو کررہے ہیں، ایرانی بحری جہاز سری لنکا کی حدود سے باہر اکنامک زون میں ہے، ہم زیادہ سے زیادہ انسانی جانیں بچانے کی کوشش کررہے ہیں۔

دوسری جانب گزشتہ روز ایرانی بحری جہاز پر امریکی حملے پر ایرانی وزیر خارجہ نے کہا کہ امریکا نے ایران سے 2 ہزار کلومیٹر دور جارحیت کا مظاہرہ کیا، ایرانی فریگریٹ بھارت کا مہمان تھا، جس پر 130 ملاح سوار تھے، ایرانی فریگریٹ کو بین الاقوامی سمندر میں بغیر وارننگ نشانہ بنایا گیا۔ امریکا نے جو معیار قائم کیا ہے اس پر پچھتائے گا۔