انٹرنیشنل کرکٹ کونسل ( آئی سی سی ) نے ون ڈے فارمیٹ کی نئی رینکنگ جاری کردی۔
آئی سی سی کی جانب سے جاری کردہ نئی رینکنگ میں قومی ٹیم کے سابق کپتان بابر اعظم کی پہلی پوزیشن برقرار ہے جبکہ بھارتی کھلاڑی شبمن گل دوسرے اور ویرات کوہلی تیسرے نمبر پر موجود ہیں۔
نئی رینکنگ کے مطابق روہت شرما کی چوتھی اور آسٹریلوی کھلاڑی ڈیرل مچل کی پانچویں پوزیشن ہے۔
خیال رہے کہ مچل ایک درجہ ترقی کے بعد پانچویں نمبر پر آئے ہیں۔
دوسری جانب باؤلرز کی رینکنگ میں جنوبی افریقہ کے باؤلر کیشو مہاراج کی پہلی پوزیشن برقرار ہے، دوسرے نمبر پر آسٹریلیا کے جوش ہیزل وڈ اور تیسرے پر آسٹریلیا کے ایڈم زمپا پر موجود ہیں۔
