سماء ٹی وی کےمعروف شو گپ شب میں میزبان واسع چوہدری کیساتھ معروف پاکستانی فلم اسٹار ٹی وی شو میزبان فہد مصطفی مہمان بنے جس میں انہوں نے اداکارہ کیساتھ کام کرنے کے حوالے سے کھل کر بات کی۔
میزبان کی طرف سے سوال پوچھا گیا کہ ’’آپ کس اداکارہ کے ساتھ کام نہیں کریں گے یا کام کرنے سے پہلے سوچیں گے؟ انہوں نے کہا کہ لوگ مجھ سے پوچھتے رہے ہیں کہ میں ڈرامے کیوں نہیں کر رہا۔ اس کی کوئی وجہ ہے اور میں آپ کو بتاتا ہوں کہ میں ٹیلی ویژن ڈرامے کرنے سے کیوں ڈرتا ہوں؟
اداکار کا کہنا تھا کہ ویسے میں نے واسع چوہدری، ماہرہ خان، مہوش حیات اور ہمایوں سعید کے ساتھ کام کیا ہے جو پہلے سےپاکستان کی فلم انڈسٹری کے اسٹارز ہیں اسٹارز کے ساتھ کام کرنا آسان ہے یہ سب اسٹارز ہونے کی ایک وجہ یہ ہے کہ ان میں غصہ نہیں ہے، وہ آسان ہیں۔
انہوں نے کہا کہ پاکستانی انڈسٹری میں نوجوانوں کے ساتھ کام کرنا مشکل ہے ہم نے کبھی وینٹی وین نہیں دیکھی ہم ایک کمرے میں اکٹھے بیٹھتے تھے لیکن اب آپ آسانی سے نئے لوگوں کے ساتھ بیٹھ کر ان سے بات نہیں کر سکتے۔ میں ان کے ہنر کے بارے میں بات نہیں کر رہا ہوں یہ ہے کہ آپ ان کے ساتھ نہیں مل سکتے۔
