امریکا کے معروف اداکارکارل ویدرز جو راکی فلموں میں اپولو کریڈ کے کردار کے لیے مشہور تھے، 76 برس کی عمر میں انتقال کر گئے،انکے انتقال کی تصدیق اہل خانہ نے کی ہے۔
کارل ویدرزجن کاکیریئر 50 سال پرمحیط ہے،انٹرٹینمنٹ کی دنیا میں ایک لازوال میراث چھوڑکرجہان فانی سے کوچ کرگئے۔راکی فلموں اپولو کریڈ کےکردار کے علاوہ انہوں نے آرنلڈ شوار زنیگر اورایڈم سینڈلر کی کامیڈی ہٹ،ہیپی گلمور کے ساتھ پریڈیٹر جیسی فلموں میں اپنی قابلیت کا لوہا منوایا۔انہوں نے فلم کے علاوہ ٹی وی اسکرین پر بھی کامیابی حاصل کی۔
انہوں نےاریسٹڈ ڈویلپمنٹ جیسےشوزمیں اسکرینوں کو اپنا گرویدہ کیا ۔ڈزنی پلس کی ہٹ سیریزدی مینڈلورین کےتینوں سیزن میں اپنے کردار کے لیےپذیرائی حاصل کی۔سابق کو اسٹار آرنلڈ شوارزنیگر نے ویدرز کو ایک لیجنڈ قرار دیا۔
ہالی ووڈ کے ساتھیوں نے ویدرز کو دل کی گہرائیوں سےخراج تحسین پیش کیا۔
