شیخوپورہ کے علاقے جھبراں منڈی میں ڈیرے پر حملے کے دوران کلہاڑی کے وار سے خواتین اور بچے سمیت 4 افراد کو قتل کردیا گیا۔
تفصیلات کے مطابق شیخوپورہ کے علاقے منڈی جھبراں میں گھر میں کلہاڑیوں کے وار سے 4 افراد کوقتل کردیا گیا۔ کلہاڑی کے وار سے ایک خاتون زخمی بھی ہوئی۔ مقتولین میں دو خواتین ایک بچہ اور ایک بزرگ شامل ہیں۔
جھبراں منڈی میں واقع ڈیرے پر نامعلوم افراد نے اُس وقت حملہ کیا جب وہاں موجود تمام افراد سو رہے تھے۔ حملہ آوروں نے کلہاڑیوں کے وار سے 4 افراد کو قتل کیا، قتل ہونے والوں میں ایک مرد، ایک بچہ اور 2 خواتین شامل تھے۔
ذرائع کے مطابق جاں بحق ہونے والے افراد فیصل آباد سے مزدوری کے لیے شیخوپورہ آئے تھے۔ اطلاع ملنے پر پولیس موقع پر پہنچ گئی جبکہ لاشوں کو پوسٹ مارٹم کیلیے ڈی ایچ کیو منتقل کردیا گیا۔
