فیڈرل انویسٹی گیشن ایجنسی (ایف آئی اے) کمرشل بینکنگ سرکل اسلام آباد نے بڑی کارروائی کرتے ہوئے کروڑوں روپے کی غیرملکی کرنسی پکڑلی، غیرقانونی خرید و فروخت میں ملوث 2 ملزمان کو گرفتار کرلیا گیا۔
ایف آئی اے کمرشل بینکنگ سرکل اسلام آباد نے وفاقی دارالحکومت میں کرنسی کی غیرقانونی خرید و فروخت کرنیوالوں کیخلاف کارروائی کی، دو ملزمان کو گرفتار کرکے 2 کروڑ روپے سے زائد کی غیر ملکی کرنسی پکڑلی گئی۔
رپورٹ کے مطابق گرفتار ملزمان کے قبضے سے دو کروڑ روپے سے زائد مالیت کی ملکی و غیرملکی کرنسی برآمد ہوئی، جس میں 40 ہزار 650 یورو، 3050 امریکی ڈالر، 1515 برطانوی پاؤنڈ اور 2300 سے زائد ریال کے علاوہ دیگر ممالک کی کرنسی بھی شامل ہے۔
ایف آئی اے حکام کے مطابق ملزمان بغیر لائسنس کرنسی ایکسچینج میں ملوث تھے، ملزمان کو عدالت میں پیش کرکے 2 روزہ جسمانی ریمانڈ حاصل کرلیا گیا۔
