پاک فوج اور نوجوانوں کے درمیان تعلقات کو مزید تقویت دینے کے حوالے سے مختلف تعلیمی اداروں کے طلبا نے سیالکوٹ کینٹ میں پاک فوج کے ساتھ ایک دن گزارا۔
تقریب میں سات تعلیمی اداروں کے 470 طلبا اور 31 فیکلٹی ممبران شریک تھے جنہوں نے یادگار شہداء پر قومی پرچم لہرایا۔یادگار شہداء پر تقریب میں شریک ہر تعلیمی ادارے کے سربراہ کی جانب پھولوں کی چادر چڑھائی گئی جبکہ طلبا نے پھول رکھے،اس موقع پر پاکستان آرمی کی جانب طلبا کیلئے بینڈ کا مظاہرہ بھی پیش کیا گیا۔
سیالکوٹ کینٹ کا دورہ کرنے والے طلبا نے پاکستان گیلری سمیت دیگر اہم شعبوں کا دورہ بھی کیا،طلبا نے اس موقع پرفائرنگ کا مظاہرہ بھی دیکھا۔
سیالکوٹ کینٹ میں لگائی گئی فوجی سازو و سامان کی نمائش کے مختلف سٹائلز کا بھی طلبا نے دورہ کیا،تقریب کے آخرمیں دورے کرنے والے طلبا میں سوئینرز بھی تقسیم کئے گئے۔
Students from #Sialkot's educational institutions share meaningful day with #PakistanArmy.
— SAMAA TV (@SAMAATV) January 26, 2024
470 students & 31 faculty members, representing seven schools, proudly hoisted the national flag at the #martyrs' memorial.#SamaaTV pic.twitter.com/BpwZ4hh1IB
آخر میں طلبا نے اپنے اس دورے کے حوالے سےاظہارخیال کرتے ہوئے اسے یادگار اور معلوماتی قراردیا، ان کا کہنا تھا کہ ;”یہاں آنا میرے لئے بہت اچھا تجربہ رہا، میں پاکستان آرمی کو اتنی شاندارتقریب منعقد کرانے پر مبارکباد پیش کرتا ہوں“
پاکستان آرمی کےان شہداء کو سلام پیش کرتےہیں جنہوں نےہمارے لئے اپنی جان کی قربانی پیش کی،میں پاکستان آرمی کی اس لحاظ سےتعریف کروں گی کہ وہ ہر وقت ہمارے ساتھ ہوتی ہے،راتوں کو جاگ کرہماری حفاظت کرتی ہے” نوجوانوں کو چاہئےکہ وہ پاکستان آرمی میں شمولیت اختیار کریں“
