پاکستان کے سابق آل راونڈرشعیب ملک نے معروف اداکارہ ثناء جاوید کے ساتھ دوسری شادی کر لی ہے جس کے چرچے پاکستان کے علاوہ بھارت میں زور و شور سے جاری ہیں تاہم اس دوران سوشل میڈیا صارفین کی توجہ کا مرکز کھلاڑی کے اثاثے بنے ہوئے ہیں ۔
تفصیلات کے مطابق ایک اندازے کے مطابق شعیب ملک انٹرنیشنل کرکٹ سے تو ریٹائر ہو چکے ہیں لیکن وہ لیگز میں تاحال ایکٹو ہیں اور اچھے خاصے پیسے بھی کما رہے ہیں جبکہ وہ اس کے علاوہ شوز اور اشتہارت کا حصہ بھی بنتے رہتے ہیں جہاں سے ان کو موٹی آمدنی ہو جاتی ہے ۔شعیب ملک کے اثاثوں کی مالیت ایک اندازے کے مطابق 250 کروڑ کے لگ بھگ ہے ۔
شعیب ملک کرکٹ کے ساتھ ساتھ گاڑیوں کے بھی شوقین ہیں اور ان کے پاس کئی مہنگی اور لگژری کارز موجود ہیں جن میں ’ مرسیڈیز ایس ایل، ایوو 9 ، نسان 350 زی ‘ شامل ہیں ۔ شعیب ملک اکثر مقامات پر گاڑیوں سے اپنے لگاو کا ذکر بھی کر چکے ہیں ۔
مزید پڑھیں: ثانیہ مرزا کے اثاثوں کی تفصیلات پہلی مرتبہ منظر عام پر آ گئیں
شعیب ملک کی اثاثوں کی مکمل تفصیلات تو منظر عام پر نہیں لیکن ان کی ملکیت میں سیالکوٹ میں ایک انتہائی خوبصورت گھر بھی ہے جبکہ وہ دبئی کا گولڈن ویزا بھی رکھتے ہیں ، شعیب ملک کی اس کے علاوہ ریئل سٹیٹ میں بھاری سرمایہ کاری ہے ۔
دوسری جانب شعیب ملک کی سابقہ اہلیہ ثانیہ مرزا تقریبا ساڑھے 7 ارب کے اثاثوں کی مالک ہیں۔ ثانیہ مرزا کے پاس بھارتی شہر حیدرآباد اور متحدہ عرب امارات کی ریاست دبئی میں پرتعیش گھر ہیں، جن کی مالیت کروڑوں روپے ہے۔ ثانیہ مرزا کے بھارتی شہر حیدرآباد میں موجود گھر بھارتی 14 کروڑ روپے مالیت کا ہے اور ان کے پاس متعدد مہنگی اور پرتعیش کاریں بھی ہیں ۔ رپورٹ کے مطابق ثانیہ مرزا نے سال 2022 میں مختلف پروجیکٹس سے ایک سال میں 25 کروڑ بھارتی روپے کمائے اور ان کے پاس اس وقت بھی 2 کروڑ 60 لاکھ امریکی ڈالر یعنی پاکستانی 7 ارب روپے سے زائد کے اثاثے موجود ہیں۔
