ایران کو بھرپور جواب دینے پر ملک بھر سے پاک فوج کو خراج تحسین پیش کیا جارہا ہے۔
ایران کی جانب سے حملے پر پاکستان کی جوابی کاروائی سے متعلق عوام کا کہنا ہے کہ پاک فوج نے بروقت جوابی کاروائی کرتے ہوئے نہایت اچھا اقدام اٹھایا۔
عوام کا کہنا ہے کہ ہم اپنی فوج کے ساتھ ہیں، آرمی چیف ہمارے دلوں میں رہتے ہیں، ایران کو ایسا ہی منہ توڑ جواب دینا بنتا تھا۔ ہم پاکستان آرمی کو خراج تحسین پیش کرتے ہیں۔
عوام کا کہنا ہے کہ آرمی چیف پر اللّہ تعالی کی خاص رحمتیں ہیں، ہمیں دفاع کرنے کا بھرپور حق ہے۔ چاہے بھارت ہو یا ایران ہمارا ایمان ہے کہ پاکستان کو دنیا کی کوئی بھی طاقت تباہ نہیں کر سکتی۔
عوام کا کہنا ہے کہ ہماری فوج دنیا کے نمبر ون فوج ہے اور اسی لیے ہمارا ملک قائم ہے اور انشاءاللہ تا قیامت قائم رہے گا، پاکستانی قوم اپنی فوج کے ساتھ کھڑی ہے۔ ہم راتوں کو چین سے سوتے ہیں جبکہ ہماری فوج سرحدوں پر ہماری حفاظت کرتی ہے۔
