بالی ووڈ کے میگا سٹار شاہ رخ خان کی 2023 کی سُپر ہٹ فلمیں ‘جوان’ اور ‘پٹھان’ انٹرنیشنل سٹنٹ ایوارڈز کے لیے نامزد ہوگئیں۔
بھارتی میڈیا رپورٹس کےمطابق سپرسٹارشاہ رخ خان کی سُپرہٹ فلمیں جوان اور پٹھان نے انٹرنیشنل سٹنٹ ایوارڈز کے لیے نامزد ہوکر نیا اعزاز اپنے نام کرلیا ہے،فلم ’پٹھان‘ کو بہترین فضائی سٹنٹ جبکہ فلم ’جوان‘ کو بہترین گاڑیوں کے سٹنٹ کی کیٹیگریز میں نامزد کیا گیا۔
سال 2023 بالی ووڈ کےکنگ شاہ رخ خان کے کیریئرکا بہترین سال ثابت ہوا کیونکہ اداکار نے اپنے مداحوں کو ایک کے بعد ایک بلاک بسٹر فلمیں دی جن میں ’پٹھان‘، ’جوان‘ اور ’ڈنکی‘ شامل ہیں۔
بھارت سمیت دنیا بھر میں شاہ رخ خان کی فلم ’پٹھان‘ اور ’جوان‘ نے شائقین کو اپنی طرف متوجہ کرنے میں کامیابی حاصل کی اور باکس آفس پر ریکارڈ توڑ بزنس کیا۔
واضح رہےکہ سپرسٹار شاہ رخ خان ان دنوں اپنی فیملی کے ساتھ لندن میں چھٹیاں گزاررہے ہیں،بالی ووڈ کنگ لندن سے واپسی کے بعد تین فلموں پر کام شروع کریں گے۔ جنوری 2024 میں ہی ان فلموں کا اعلان کردیا جائےگا۔
