پاکستانی اداکارہ رمشا خان نے ساتھی اداکار خوشحال خان سے شادی کی خبروں پر خاموشی توڑ دی۔
گزشتہ دنوں ایک تصویرسوشل میڈیا پر وائرل ہوئی،تصویرمیں رمشا خان اور خوشحال خان کو مبینہ طورپرنکاح کے بعد ایک ساتھ بیٹھےدکھایاگیا،جس کےبعد سوشل میڈیاصارفین نےقیاس آرائیاں شروع کر دیں کہ دونوں شادی کے بندھن میں بندھ چکے ہیں۔
اسی پراداکارہ رمشا خان نےنکاح کی تصدیق کرتے ہوئےخاموشی توڑ دی،سوشل میڈیا پر ردعمل دیتے ہوئے کہاکہ نجی تصاویرہماری اجازت کےبغیرلیک کی گئیں،میں اپنی ذاتی زندگی کو نجی رکھنا پسند کرتی ہوں اور میں اب بھی یہی کروں گی۔
اداکارہ نےتصدیق کرتے ہوئےکہا کہ چونکہ میں زندگی کے اس نئے سفر میں داخل ہو رہی ہوں تو میں یہ امید کرتی ہوں کہ ہماری شیئرکردہ تمام تصاویر ڈیلیٹ کردی جائیں اوردوبارہ کہیں پوسٹ نہ کی جائیں۔
انہوں نےکہا کہ یہ ہماری زندگی ہے، آپ کی ہیڈ لائنز نہیں، اس کی عزت کریں اور ہمیں تنہا چھوڑ دیں، باقی وقت آنے پر سب کو بتا دیا جائے گا۔
