پاکستان سپر لیگ سیزن 9 میں سابق ویسٹ انڈین کپتان ڈیرن سیمی کو پشاور زلمی نے اہم عہدہ دے دیا۔
پی ایس ایل 9 کیلئے پشاور زلمی نے ڈیرن سیمی کو ہیڈ کوچ مقرر کردیا۔ مالک پشاور زلمی جاوید آفریدی کہتے ہیں کہ ڈیرن سیمی نے ٹیم کو کامیابیاں دلانے میں اہم کردار ادا کیا ہے۔
ڈیرن سیمی کا اپنے تقرر پر کہنا ہے کہ زلمی فیملی کا حصہ بننے پر بے حد خوشی ہے۔
واضح رہے کہ اس سے قبل ڈیرن سیمی پشاور زلمی کے کپتان اور مینٹور کے عہدے پر رہ چکے ہیں، سیمی کی قیادت میں پشاور زلمی نے 2017ء کا پی ایس ایل ٹائٹل اپنے نام کیا تھا۔
