استحکام پاکستان پارٹی کی قیادت نےیوم فضائیہ پرائیر فورس کے جوانوں کو خراج تحسین پیش کیاہے ،صدرآئی پی پی عبدالعلیم خان نے کہاہےپاک فضائیہ کے شاہینوں نے مکاردشمنوں کے عزائم ہمیشہ خاک میں ملائےہیں، ساری قوم ایم ایم عالم اور راشد منہاس جیسے ہیروز کو سلام پیش کرتی ہے۔
استحکام پاکستان پارٹی کے صدرعبدالعلیم خان نے یوم فضائیہ پرائیر فورس کے جوانوں کو خراج تحسین پیش کرتے ہوئے کہا کہ دشمن کی ہرچال کا جواب دینے کیلئے ہمارے نوجوان پائلٹ تیار ہیں۔ ستمبر انیس سوپینسٹھ کی جنگ میں پاک فضائیہ نے قوم کا سرفخر سے بلند کیا۔انہوں نے کہا کہ دوہزارانیس میں بھی پاک فضائیہ نے بھارت کیخلاف پیشہ وارانہ صلاحیت منوائی ہے۔ پاک فضائیہ قوم کا فخرہے۔
استحکام پاکستان پارٹی کی مرکزی سیکرٹری اطلاعات ڈاکٹرفردوس عاشق اعوان نے کہا سات ستمبر معرکہ حق و باطل میں فضاٸی حکمرانی کا دن ہے۔ اٹھاون سال قبل آج ہی کے دن پاک فضاٸیہ نے بزدل دشمن کے فضاٸی حملوں کو ناکام بنایا۔یوم فضاٸیہ ہواٸی جانبازوں کی سنہری داستانوں کا دن ہے
