پاکستانی ٹی 20 ٹیم کے کپتان شاہین شاہ آفریدی نے کہا ہے کہ کوشش ہوگی نیوزی لینڈ کیخلاف سب کھلاڑیوں کو موقع ملے۔
کیویز کے خلاف پہلے ٹی 20 سے قبل آکلینڈ میں پریس کانفرنس کرتے ہوئے قومی ٹیم کے کپتان شاہین شاہ آفریدی کا کہنا تھا کہ موجودہ سکواڈ میں کچھ کھلاڑیوں نے کم بیک کیا جن میں اعظم خان، عامر جمال اور صاحبزادہ فرحان شامل ہیں جبکہ حسیب اللہ اور عباس آفریدی نئے کھلاڑی ہیں تو ہماری کوشش ہوگی کہ سب کو موقع ملے۔
سابق کپتان بابر اعظم کے حوالے سے بات کرتے ہوئے شاہین کا کہنا تھا کہ مجھے نہیں لگتا کہ ان کی کارکردگی خراب چل رہی ہے، انہوں نے اتنے رنز بنائے ہیں کہ میں گنتی بھی نہیں کرسکتا۔
شاہین آفریدی کا کہنا تھا کہ بابر اعظم اور محمد رضوان دنیا کی بہترین اوپننگ جوڑی ہے ، اس دورے پر مختلف کمبی نیشن بنائیں گے تاکہ پتا چل سکے کہ کون کس جگہ پر بہتر کھیل رہا ہے اس سے یہ بھی پتا چل جائے گا کہ انگلینڈ کے خلاف سیریز کے میں کس نے کیا کرنا ہے۔
انہوں نے کہا کہ ورلڈ کپ سے پہلے چاہتے ہیں معلوم ہو کون کس پوزیشن پر کھیلے گا۔
