ملک کے مختلف شہروں میں غیرقانونی طور پر مقیم افغان باشندوں کی وطن واپسی کا سلسلہ بدستور جاری ہے۔
سرکاری اعداد وشمار کے مطابق 8 جنوری کو مزید ایک ہزار سے زائد افغان باشندے اپنے ملک چلے گئے، افغانستان جانے والے 72 خاندانوں کو 38 گاڑیوں پر روانہ کیا گیا۔ وطن واپس جانے والوں میں میں 336 مرد، 269 خواتین اور 411 بچے شامل تھے۔
یاد رہے کہ حکومت پاکستان کے اعلان سے قبل بھی غیر قانونی افغان باشندوں کی کثیر تعداد گرفتاری کے ڈر سے پاکستان سے واپس افغانستان جاتی رہی ہے تاہم سرکاری اعداد وشمار کے مطابق 8 جنوری تک مجموعی طور پر 4 لاکھ 62 ہزار سے زائد افغان باشندے ملک واپس لوٹ گئے ہیں۔
🚨 Repatriation Update: The return of illegal #Afghans gains momentum.
— SAMAA TV (@SAMAATV) January 9, 2024
On January 8, 2024, 336 men, 269 women, and 411 children out of 1016 citizens returned.
The total count now stands at 462,799, with ongoing efforts. #SamaaTV pic.twitter.com/NsaTdRzFuG
واضح رہے کہ ملک کے مختلف شہروں میں غیر قانونی طور پر مقیم افراد کی بڑی تعداد موجود تھی، غیر قانونی غیر ملکیوں کی وجہ سے اسمگلنگ اور بھتہ خوری بہت عام تھی تاہم قابل اطمینان امر یہ ہے کہ حکومت پاکستان اور عسکری قیادت کی مشترکہ کاوشوں سے ملک سے غیر قانونی افراد کا انخلاء جاری ہے۔
