پاکستان کرکٹ ٹیم کے کھلاڑی احمد شہزاد نے آسٹریلیا کے ہاتھوں وائٹ واش کی وجہ سینئیر کھلاڑیوں کو قرار دے دیا۔
کوئٹہ میں پریس کانفرنس کرتے ہوئے قومی کرکٹر احمد شہزاد نے کہا ہے کہ آسٹریلیا کے ہاتھوں تین میچز پر مشتمل ٹیسٹ سیریز میں وائٹ واش کی وجہ سنیئر کھلاڑی ہیں۔
احمد شہزاد نے کہا کہ پاکستان کا وائٹ واش ہونا بدقسمی ہے، سیریز کے دوران سینئر پلیئرز کو ذمہ داری دکھانی چاہیے تھی۔
انہوں نے بلوچستان کے دارالحکومت کوئٹہ میں نوجوانوں کے لئے کرکٹ اکیڈمی بنانے کا بھی اعلان کیا ہے۔
قومی کرکٹر کا کہنا تھا کہ وہ کوئٹہ میں نوجوان ٹیلنٹ کو سامنے لانے کے لئے کرکٹ اکیڈی قائم کریں گے۔
اس موقع پر صوبائی وزیرا طلاعات جان اچکزئی نے کہا کہ حکومت کرکٹ اکیڈمی کے لئے زمین مفت فراہم کرے گی۔
