خیبرپختونخوا کے ضلع کرم کے علاقے پاراچنار میں مسافر گاڑی پر فائرنگ سے 4 افراد جاں بحق جبکہ 6 افراد زخمی ہوگئے۔
پولیس کے مطابق لوئرکرم صدہ کے قریب پشاور جانے والے گاڑیوں پر فائرنگ کی گئی ہے۔ گولیاں لگنے سے خاتون سمیت 4 افراد جاں بحق ہوگئے۔
امدادی ٹیموں نے افسوسناک واقعے کے بعد زخمیوں کو تحصیل ہیڈکوارٹر اسپتال صدہ منتقل کردیا گیا، جہاں ان کا علاج جاری ہے۔
یاد رہے کہ گزشتہ ہفتے 30 دسمبر 2023 کو بھی پاراچنار کے قریب صدہ بازار میں پشاور جانے والی وین پر ملزمان نے حملہ کیا جس کے نتیجے میں ایک مسافر زخمی ہوا تھا۔
