لاہورکی سیشن کورٹ نےسوشل ایکٹوسٹ صنم جاوید کےجسمانی ریمانڈ میں ایک دن کی توسیع کردی۔
پولیس نے ایک روزہ جسمانی ریمانڈ مکمل ہونے کےبعد صنم جاوید کوڈیوٹی ایڈیشنل سیشن جج اظہراحمد کی عدالت میں پیش کیا۔ تفتیشی افسر نےعدالت کوبتایا کہ مسلم لیگ ن کے آفس جلانے کے مقدمے میں مزید تفتیش درکار ہے۔ عدالت ملزمہ کا جسمانی ریمانڈ فراہم کرے۔
صنم جاوید کے وکیل نے ریمانڈ کی مخالفت کی عدالت نے کارروائی کرتے ہوئے ملزمہ کے جسمانی ریمانڈ میں ایک دن کی توسیع کردی اورکل انسدادِ دہشت گردی عدالت میں پیش کرنے کی ہدایت کردی۔
