انڈونیشیا کے صوبے پاپوا میں 6.5 شدت کے زلزلے کے جھٹکے محسوس کئے گئے، جس کے بعد علاقے میں خوف و ہراس پھیل گیا، سونامی کا خطرہ ہے، تاہم الرٹ جاری نہیں کیا گیا۔
امریکی جیولوجیکل سروے کے مطابق انڈونیشیا کے صوبے پاپوا میں زلزلے کے جھٹکے محسوس کئے گئے، ریکٹر اسکیل پر زلزلے کی شدت 6.5 ریکارڈ کی گئی۔
امریکی جیولوجیکل سروے کے مطابق زلزلے کے بعد سونامی وارننگ جاری نہیں کی گئی، اس حوالے سے کوئی خطرہ نہیں۔
غیر ملکی میڈیا کے مطابق چند گھنٹے قبل انڈونیشیا کے دوسرے صوبے آچے میں بھی 6.3 شدت کے زلزلے کے جھٹکے محسوس کئے گئے تھے، جس کے بعد سونامی وارننگ بھی جاری کی گئی تھی۔
رپورٹ کے مطابق زلزلے کا مرکز دارالحکومت جکارتہ سے 372 کلو میٹر دور جنوب مغربی شہر کالانگ اور اس کی گہرائی 12 کلو میٹر تھی۔
واضح رہے کہ 21 نومبر کو بھی انڈونیشیا کے صوبے جاوار کے شہر سیانجور میں زلزلے سے 331 افراد جاں بحق اور 600 سے زائد زخمی ہوگئے تھے۔ رپورٹ کے مطابق 2018ء کے بعد سے انڈونیشیا میں آنے والے زلزلوں کے باعث 4340 افراد ہلاک ہوچکے ہیں۔
