گرینڈ ڈیموکریٹک الائنس(جی ڈی اے)کی ترجمان سائرہ بانونے اپنے بیان میں کہا کہ شہباز شریف کی قیادت میں لیگی وفد نے پیر پگارا سے ملاقات کی پیر پگارا اور شہباز شریف کا سیٹ ایڈجسٹمنٹ پر اتفاق ہوا ہے۔
اسلام آباد میں گرینڈ ڈیموکریٹک الائنس کی ترجمان سائرہ بانو نے اپنے بیان میں بتایا کہ دونوں جماعتوں کے درمیان اتحاد نہیں ،سیٹ ایڈجسٹمنٹ ہورہی ہے، دونوں جماعتیں ایک دوسرے کے امیدواروں کی حمایت کریں گیانتخابات جمہوری عمل ہے،عوام نےملکی قیادت کا انتخاب کرنا ہوتا ہے۔
ترجمان جی ڈی اے کا کہنا تھا کہ سندھ کی حد تک پیپلزپارٹی مخالف جماعتوں سےسیٹ ایڈجسٹمنٹ کررہے ہیںجی ڈی اے عام انتخابات میں ہم خیال سیاسی قوتوں کے ساتھ مل کرچلے گی جے یو آئی اور ایم کیو ایم سمیت تمام جماعتوں سے مل کرچلیں گے۔
