نیشنل انسٹی ٹیوٹ آف ہیلتھ کے مطابق ایک ہفتے میں کوووڈ19 سے ایک شخص کی موت ہوئی، دوسرے کی حالت تشویشناک ہے۔
گزشتہ ہفتے پاکستان میں اس وائرس کے 95 کیسز رپورٹ ہوئے ہیں جبکہ ایک شخص اس مرض سے ہلاک بھی ہوا ہے۔
نیشنل انسٹی ٹیوٹ آف ہیلتھ کی جانب سے جاری کردہ اعداد و شمار کے مطابق گزشتہ ہفتے کے دوران ملک میں کورونا وائرس کے 8285 ٹیسٹ کیے گئے۔ان میں سے 95 افراد میں وائرس کی تصدیق ہوئی ہے۔ بیماری کی مثبتیت کا تناسب 1.15% بتایا گیا۔
این آئی ایچ کے مطابق گزشتہ ہفتے کے دوران ایک شخص کوویڈ 19 سے اپنی جان سے ہاتھ دھو بیٹھا۔ جاں بحق ہونے والے مریض کا تعلق لاہور سے تھا۔ مزید ایک مریض کی حالت تشویشناک بتائی جاتی ہے۔
