بالی ووڈ نے اپنی متعدد فلاپ فلموں کے بعد پینترا بدلا اور ساوتھ مویز کو سامنے رکھتے ہوئے فلمیں بنانا شروع کیں جس کے پیش نظر سب سےبڑی کامیابی شاہ ر خان کو ’ پٹھان‘ کی صورت میں ملی جو ایک لمبا عرصہ سینماوں پر چھائی رہی تاہم اب ان کی فلم ڈنکی ریلیز ہو چکی ہے جسے ٹکر دینے کیلئے ساوتھ فلم انڈسٹری کے اداکار ’ پربھاس‘ کی فلم ’ سالار‘ کل ریلیز ہونے جارہی ہے ، فلم کی دھوم ریلیز ہونے سے قبل ہی مچ چکی ہے ۔
تفصیلات کے مطابق ایسا تصور کیا جارہاہے کہ شاہ رخ خان کی فلم ڈنکی پربھاس کی فلم سالار کو ٹف ٹائم دینے میں کامیاب نہیں ہو گی اور سالار آرام سے اپنا راستہ خود ہی بنا لے گی جس کی وجہ ریلیز سے قبل ہونے والی پری بکنگ کو قرار دیا جارہاہے ، سالار فلم اب تک تقریبا 29.45 کروڑ بھارتی روپے ریلیز سے قبل ہی کما چکی ہے جوکہ شاہ رخ خان کی فلم ڈنکی سے تین گنا ہے ۔
سالار نے سب سے زیادہ پیسے بھارتی ریاست آندھرا پردیش اور تلنگانہ سے کمائے ہیں، آندھرا پردیش سے کمائی 7.74 کروڑ جبکہ تلنگانہ سے 9.92 کروڑ ڑہی ۔ اس کے علاوہ پری بکنگ میں کرناٹکا سے 5.53 کروڑ، کریلا سے 1.79 کروڑ ، تامل ناڈو سے 1.33 کروڑ روپے پری بکنگ کی مد میں اکاونٹ میں جمع ہوئے ۔
