بالی ووڈ کے سپر سٹار شاہ رخ خان کی ’ پٹھان‘ اور ’ جوان ‘ کے بعد اب تیسری فلم ’ ڈنکی ‘ سینما گھر کی زینت بن گئی ہے جس کا پہلا شو آج صج 5 بج کر 55 منٹ پر ’ گائتی گلیکسی‘ میں دکھایا گیا جہاں فلم کے آغاز سے قبل جشن کا سماں تھا ۔
شاہ رخ خان کی نئی ریلیز ہونے والی فلم کو دیکھنے کیلئے مداحوں نے بھاری تعداد میں سینما گھروں کا رخ کیا جس کی ویڈیو ز سوشل میڈیا پر تیزی سے وائرل ہو رہی ہیں ، ایک اندازے کے مطابق شاہ خان کی فلم ڈنکی نے پہلے روز میں تقریبا 30 کروڑ روپے کا بزنس کیا جو کہ ان کی دیگر فلموں کی پہلے روز کی کمائی سے قدرے کم ہے ۔
دوسری جانب ساوتھ کے سپر سٹار ’ پربھاس ‘ کی فلم ’ سالار ‘ کل 22 دسمبر کو ریلیز ہونے جارہی ہے جس کے بارے میں کہا جارہاہے کہ یہ فلم شاہ رخ خان کی فلم کو تگڑی ٹکر دے گی ، ایک اندازے کے مطابق بتایا گیا کہ سالار کا پہلے روز کا کاروبار تقریبا 50 کروڑ سے تجاوز کر سکتا ہے جبکہ فلم کی اب تک 16 لاکھ 83 ہزار 871 ٹکٹس فروخت ہو چکی ہیں اور اس سے اب تک 35 کروڑ کی کمائی ہو چکی ہے ۔
شاہ رخ خان کی فلم ’ پٹھان‘ نے پہلے روز 57 کروڑ روپے کا بھارت میں بزنس کیا تھا جبکہ اوورسیز کا بزنس ملا کر یہ 106 کروڑ سے بھی زیادہ بنتا ہے ۔تاہم شاہ رخ خان کی فلم ڈنکی اس طرح مداحوں کو اپنی طرف راغب کرنے میں کامیاب نہیں ہوئی جیسے گزشتہ دو فلموں نے کارکردگی دکھائی۔
