سعودی حکومت نے پاکستانی طلباء کے لئے سکالرشپس کی تعداد بڑھا کر 700 کر دی ہے ،پاکستانی طلباء ان وظائف کیلئے “سٹڈی ان سعودی” الیکٹرانک پورٹل کے ذریعے اپلائی کر سکتے ہیں ۔
ہائر ایجوکیشن کمیشن( ایچ ای سی) کی جانب سے سوشل میڈیا پر جاری ایک پوسٹ میں بتایا گیا کہ سعودی عرب نے پاکستانی طلباء کو 600 وظائف کی پیشکش کی تھی جنہیں بڑھا کر 700 کر دیا گیا ہے، پاکستانی طلباء ان سکالر شپ کے لئے اپلائی کر سکتے ہیں ۔
View this post on Instagram
پوسٹ کے مطابق یہ پورٹل بین الاقوامی طلباء کو سعودی عرب میں تعلیم کیلئے سیلف فنانس، جزوی اسکالرشپ اور مکمل اسکالرشپ کے لیے ایک ون ونڈو جامع گیٹ وے فراہم کرتا ہے ۔
طلباء اپنی مطلوبہ ڈگری کے لیے درخواست دے سکتے ہیں جس میں میڈیکل سائنس کے علاوہ تقریباً تمام مضامین شامل ہیں۔
اسکالرشپ کی تفصیلات سعودی مشن کی ویب سائٹ(https://studyinsaudi.moe.gov.sa/) پر دستیاب ہیں ۔
