آسٹریلوی کرکٹ ٹیم کے کپتان پیٹ کمنز انڈین پریمیئر لیگ ( آئی پی ایل ) کی تاریخ کے مہنگے ترین کھلاڑی بن گئے۔
منگل کے روز دبئی میں ہونے والی انڈین پریمیئر لیگ 2024 کی نیلامی کی تقریب میں ورلڈ کپ 2023 جیتنے والے آسٹریلوی ٹیم کے کپتان پیٹ کمنز آئی پی ایل کی تاریخ کے مہنگے ترین کھلاڑی بن گئے ہیں، انہیں فرنچائز سن رائزز حیدرآباد نے 20.50 کروڑ روپے میں خریدا ہے۔
چنئی سپر کنگز اور ممبئی انڈینز نے بولی کا آغاز کیا جس کے بعد حیدرآباد اور رائل چیلنجرز بنگلور نے جارحانہ انداز میں بولی لگائی۔
کمنز کی بنیادی قیمت دو کروڑ بھارتی روپے لگائی تھی جو بڑھتے بڑھتے 10 پھر 15 اور آخر میں 20.50 کروڑ تک پہنچ گئی جس کے بعد انہوں نے لیگ کا مہنگا ترین کھلاڑی ہونے کا اعزاز حاصل کر لیا ہے۔
پیٹ کمنز 2023 کے ایڈیشن سے سے پہلے 2022 تک کولکتہ نائٹ رائیڈرز کے لیے کھیلتے رہے ہیں اور رواں ایڈیشن میں حیدر آباد سن رائزز کی نمائندگی کریں گے۔
