ایپل پراڈکٹ آئی فونز 16 سیریز کے ممکنہ ڈیزائن کے پورٹو ٹائپ خاکے سامنے آگئے۔
ایپل کے نئے آئی فونز تو آئندہ سال 2024 میں متعارف کرائے جائیں گے لیکن ان سے متعلق لیکس کا سلسلہ جاری ہے اور اب ایک رپورٹ میں آئی فون 16 کے ممکنہ ڈیزائن کے پروٹوٹائپ خاکے جاری کیے گئے ہیں۔
میک ریومرز کی جانب سے جاری کردہ رپورٹ کے مطابق 2024 کے بیسک آئی فون ماڈل کیلئے ایپل کی طرف سے بیک ڈیزائن اور بٹنوں میں تبدیلیاں کیے جانے کا امکان ہے اور اس حوالے سے کمپنی تین ڈیزائنز پر غور کر رہی ہے جن کے خاکے جاری کئے گئے ہیں۔
سبز رنگ کے پہلے ڈیزائن کی بیک پر آئی فون ایکس جیسا کیمرا سیٹ اپ نظر آرہا ہے جبکہ گلابی اور سیاہ رنگ کے ڈیزائنز میں ایک جیسا ہی لگ رہا ہے۔
لیکن، تینوں میں آواز کنٹرولزکے ساتھ ساتھ ایکشن بٹن کا اضافہ بھی دیکھنے کو مل رہا ہے۔
اس سے قبل آئی فون 15 میں ایکشن بٹن صرف پرو ماڈلز میں دیا گیا تھا۔
16 سیریز کے تمام ماڈلز میں اے 18 پراسیسر دیے جانے کا امکان ہے جبکہ آئی او ایس 18 بھی اس کا حصہ ہوگا۔
