کراچی میں سینئر ڈپٹی کنوینر ایم کیو ایم سید مصطفیٰ کمال نے خطاب کرتے ہوئے کہا کہ سندھ والو! ہمیں ایک بار موقع دو ہم لاڑکانہ سے بھی پیپلز پارٹی کو آؤٹ کر دیں گے۔
سینئر ڈپٹی کنوینر ایم کیو ایم سید مصطفیٰ کمال نے اپنےخطاب میں کہا کہ کراچی دنیا کے 4 بدترین شہروں میں شامل ہو چکا ہے ہمارے دور میں کراچی 12 ترقی کرنے والے شہروں میں شامل تھا انہیں 22 ہزار ارب روپے ملے جبکہ ہمیں تو صرف 300 ارب روپے ملے ہم نے 300 ارب روپوں میں کراچی کو ترقی کی راہ پر ڈال دیا تھا۔
سینئر ڈپٹی کنوینر ایم کیو ایم کا کہنا تھا کہ 22 ہزار ارب ایمانداری سے خرچ ہوتے تو سندھ ترقی کر چکا ہوتا ہے بہت سارے لوگ آپکے پاس ووٹ مانگنے آئیں گے ہماری لائنوں کا پانی ہمیں ہی بیچا جا رہا ہے بلاول پنجاب میں یہ نہیں کہہ سکتے کہ موقع دو وہ اسے سندھ جیسا بنا دیں گے سندھ والو! ہمیں ایک بار موقع دو ہم لاڑکانہ سے بھی پیپلز پارٹی کو آؤٹ کر دیں گے آج احسن آباد نے اقبال محسود کی جیت کا اعلان کر دیا ہے۔
