اسلام آباد ہائیکورٹ نے این اے 35 کوہاٹ اور این اے 36 ہنگو اورکزئی کی حلقہ بندیاں کالعدم قرار دے دیں۔
جمعہ کے روز اسلام آباد ہائیکورٹ کے چیف جسٹس عامر فاروق نے محفوظ فیصلہ سناتے ہوئے این اے 35 کوہاٹ اور این اے 36 ہنگو اورکزئی کی حلقہ بندیاں کالعدم قرار دے دیں۔
اسلام آباد ہائیکورٹ نے الیکشن کمیشن کو فریقین کو دوبارہ سن کر از سر نو حلقہ بندی کرنے کی ہدایت بھی کر دی۔
عدالت عالیہ کے فیصلے میں کہا گیا کہ الیکشن کمیشن درخواست گزار کا مؤقف سن کر فیصلہ کرے، درخواست گزار کے مطابق قانون کے تحت حلقوں کی آبادی برابر ہونی چاہیے۔
فیصلے میں کہا گیا کہ درخواست گزار کے مطابق کوہاٹ کے حلقے کی آبادی ہنگو سے 3 لاکھ زیادہ ہے۔
فیصلے میں مزید کہا گیا کہ نئی حلقہ بندیوں سے علاقے کے عوام کا حق رائے دہی مجروح ہوتا ہے۔
