پاکستان سپر لیگ ( پی ایس ایل ) کی فرنچائز کراچی کنگز نے قومی ٹیسٹ ٹیم کے کپتان شان مسعود کو ٹیم کا کپتان مقرر کر دیا۔
بدھ کے روز لاہور میں ایک تقریب کے دوران گفتگو کرتے ہوئے کراچی کنگز کے مالک سلمان اقبال کا کہنا تھا کہ شان مسعود کراچی کی ٹیم کے کپتان ہوں گے، میرے خیال سے شان ایک اچھا لیڈر ہے، میں کراچی کے فینز سے درخواست کرتا ہوں کہ اس سال اسٹیڈیم میں آکر ٹیم کو سپورٹ کریں۔
سلمان اقبال کا کہنا تھا کہ اس سال کوشش ہوگی زیادہ سے زیادہ میچز جیتیں اور کوشش ہوگی کہ ڈارفٹ میں اچھے کھلاڑی پک کریں۔
ان کا مزید کہنا تھا کہ ڈارافٹ میں جب باری آئے گی تو دیکھیں گے کون سے پلیئرز موجود ہیں۔
یاد رہے کہ پاکستان سپر لیگ کے ایڈیشن 9 کے لئے کھلاڑیوں کی ڈرافٹنگ کی تقریب آج منعقد ہوگی۔
دوسری جانب سماجی رابطے کے پلیٹ فارم ایکس پر کراچی کنگز کے آفیشل ہینڈل کے ذریعے شان مسعود کو ٹیم کی قیادت سنبھالنے پر مبارکباد اور ویلکم بھی کیا گیا۔
#KingsSquad ka 𝗦𝗵𝗮𝗻-𝗗𝗮𝗮𝗿 𝗞𝗮𝗽𝘁𝗮𝗮𝗻 👑
— Karachi Kings (@KarachiKingsARY) December 13, 2023
A new captain takes the helm, Welcoming @shani_official as crowned leader of Karachi Kings in #HBLPSL9 💙❤️#YehHaiKarachi | #KarachiKings pic.twitter.com/EDkBIDOGAf
