بھارتی فلم انڈسٹری کے لیجنڈ اداکار امیتابھ بچن کی جانب سے اپنی بہو اور معروف اداکارہ ایشوریا رائے کو ان فالو کر دیا گیا۔
یاد رہے کہ گزشتہ ہفتے بالی ووڈ کی معروف جوڑی ابھیشک بچن اور ایشوریہ رائے کی علیحدگی کی زیرگردش کرتی خبروں نے سوشل میڈیا پر طوفان برپا کردیا تھا۔
میڈیا رپورٹس میں دعویٰ کیا گیا تھا کہ جوڑے میں علیحدگی ہو چکی ہے اور وہ جلد ہی عدالت سے بھی رجوع کرنیوالے ہیں۔
علحیدگی کی خبروں کے دوران اداکار ابھیشک بچن کسی نجی تقریب میں شریک ہوئے جہاں وہ شادی کی انگوٹھی کے بغیر نظر آئے۔
یہ بھی پڑھیں۔ ابھیشک بچن اور ایشوریہ رائے میں علیحدگی کی خبریں زیرگردش
تاہم، بھارتی میڈیا کی جانب سے ایک اور دعویٰ کیا گیا ہے کہ لیجنڈری اداکار امیتابھ بچن نے فوٹو اینڈ ویڈیو شیئرنگ پلیٹ فارم انسٹاگرام پر اپنی بہو ایشوریا رائے کو ان فالو کردیا ہے۔
رپورٹس کے مطابق امیتابھ نے اپنے انسٹاگرام پر شویتا، ابھیشیک ، اپنی نواسی ناویا اور سلمان خان سمیت 74 لوگوں کو فالو کر رکھا ہے لیکن اس لسٹ میں ایشوریا شامل نہیں ہیں اور انہیں ان فالو کر دیا گیا ہے۔
