ڈویژنل پبلک سکول چوک اعظم ڈسٹرکٹ لیہ کے طلباء نے ملتان گیریژن کا دورہ کیا، جہاں طلبا کو ریڈار اور میزائل سسٹمز کے بارے میں معلومات فراہم کی گئیں۔
تفصیلات کے مطابق طلباء نے ملتان گیریژن کے دورے کے موقع پر یاد گارِ شہدا پر حاضری دی، پھولوں کی چادر چڑھائی اور وطن عزیز کے شہداء کے لئے خصوصی دعا کی۔ طلبا کو کمبٹ ایفشنسی ٹیسٹ کا عملی نمونہ بھی دکھایا گیا جس سے طلباء خوب محظوظ ہوئے۔
طلبہ و طالبات کو جوہری، حیاتیاتی اور کیمیائی دفاع کے بارے میں بھی بتایا گیا جس میں انہوں نے کافی دلچسپی ظاہر کی۔ اس کے علاوہ طلباء کو فائرنگ کے طریقہ کار کے بارے میں بھی آگاہی فراہم کی گئی۔ دورے کا مقصد عوام اور فوج کے درمیان تعلقات کو مزید مستحکم بنانا تھا۔
Students from #DPS Chowk Azam, Leyyah, commend #PakistanArmy during #MultanGarrison visit
— SAMAA TV (@SAMAATV) December 8, 2023
They paid respects at the martyrs' memorial, laying wreaths and offering special prayers for our heroes.#SamaaTV #DPSChowkAzam #Patriotism pic.twitter.com/RLoEZ1P9Tm
طلبا کا کہنا تھا کہ پاک فوج کے وطن عزیز کے جذبے نے ہمیں بہت متاثر کیا ہے، ہم پاک فوج کے تربیتی معیار اور حربی طریقوں کو خوب سراہتے ہیں۔ ہم شہداء کو خراج تحسین پیش کرتے ہیں اور اپنے جوانوں کو بتانا چاہتے ہیں کہ جب وہ سرحد پر لڑنے کے لیے جاتے ہیں وہ اکیلے نہیں ہوتے اُن کے پیچھے پوری قوم کی دعا ئیں ہوتی ہیں۔
