پنجاب کے ضلع بہاولپور کے شیر باغ چڑیا گھر میں چیتے نے ایک شہری کی جان لے لی۔
بدھ کے روز بہاولپور کے شیر باغ چڑیا گھر میں ایک افسوسناک واقعہ پیش آیا جہاں چیتے کے حملے سے ایک شخص جاں بحق ہوگیا جبکہ جنگلے میں موجود چار ٹائیگرز نے شہری کی لاش کو چیر پھاڑ دیا۔
واقعہ کی اطلاع ملنے کے بعد پولیس اور ریسکیو کی ٹیمیں موقع پر پہنچی تاہم، جاں بحق ہونے والے شہری کی شناخت نا ہو سکی۔
انتظامیہ کا کہنا تھا کہ شہری چیتے کے کورٹ یارڈ میں کیسے داخل ہوا اس حوالے سے تحقیقات کا آغاز کر دیا گیا ہے۔
