باغبانپورہ اور کاہنہ کے افسوسناک واقعات کے بعد پنجاب بھر میں غیر قانونی اکیڈمیوں کے خلاف کریک ڈاؤن مزید تیز کر دیا گیا۔ یہ آپریشن شہری علاقوں کے بعد دیہی علاقوں تک بھی پھیلایا جا رہا ہے۔
وزیر تعلیم پنجاب رانا سکندر حیات کا کہنا ہے کہ سما کی نشاندہی، والدین کے تعاون اور ضلعی انتظامیہ کی مشترکہ کارروائیوں کے نتیجے میں سینکڑوں غیر رجسٹرڈ ٹیوشن سینٹرز سیل کیے جا چکے ہیں، جبکہ یہ آپریشن شہری علاقوں کے بعد دیہی علاقوں تک بھی پھیلایا جا رہا ہے۔
رانا سکندر حیات نے کہا کہ سماء کی نشاندہی پر باغبانپورہ واقعے کی تحقیقات کا رخ تبدیل ہوا، دونوں واقعات پر سماء کی ٹیم نے گراؤنڈز کی ہمیں رپورٹنگ دی۔ باغبانپورہ واقعے پر سما کی رپورٹنگ نے حقائق سامنے لانے میں اہم کردار ادا کیا۔
ان کا کہنا تھا کہ ابتدائی تاثر کے برعکس متاثرہ بچے اسکول کے اندر نہیں بلکہ گلی میں موجود تھے، کاہنہ، سمر کیمپس اور چیٹنگ مافیا سمیت متعدد معاملات پر سماء کی نشاندہی قابلِ ستائش ہے۔ غیر قانونی اکیڈمیوں کے خلاف کارروائی میں میڈیا کی رپورٹس سے مدد ملی۔
